2 Juan 1:9 - Alacatlatzala Mixtec New Testament

⁹ Ndiꞌi ni̱vi na sa̱ndakoo yichi̱ Jesucristo ta kua̱ꞌa̱n na inka̱ yichi̱, ta ña kéꞌé na saá sánáꞌa ña ndí Ndios o̱n vása yóo ra táku̱ ra ini ni̱vi yóꞌo. Ta ni̱vi na ñii ñii ki̱vi̱ va̱ꞌa ndíko̱n na yichi̱ Jesucristo, ta saá Yivá yó Ndios yóo ra táku̱ ra ini ni̱vi yóꞌo, ta saá tuku Sa̱ꞌya ra Jesucristo yóo ra táku̱ ra ini na.

2 Juan 1:9 Iomraidhean Croise

San Mateo 11:27

Ta tuku ni̱ka̱ꞌa̱n ta̱Jesús xíꞌin ni̱vi, káchí ra saá: ―Yivá i̱ Ndios ta̱xi ra ndiꞌi ñava̱ꞌa ndaꞌa̱ i̱. Nda̱ ñii ni̱vi o̱n vása xíni̱ na ini yi̱ꞌi̱, ta̱a ta̱ kúu Sa̱ꞌya Ndios, ta ñii la̱á mi̱i Ndios kúu ta̱ xíni̱ va̱ꞌa ini yi̱ꞌi̱. Ta nda̱ ñii ni̱vi o̱n vása xíni̱ na ini Yivá i̱ Ndios, ta ñii la̱á yi̱ꞌi̱, ta̱a ta̱ kúu Sa̱ꞌya ra, kúu ta̱ xíni̱ ini ra, ta ni̱vi na na̱ka̱xin i̱ taxi i̱ koni̱ na ini ra.

San Lucas 10:22

Ta ni̱ka̱ꞌa̱n ka̱ ra saá: ―Yivá i̱ Ndios xa ta̱xi ra ndiꞌi ñava̱ꞌa ndaꞌa̱ i̱. Nda̱ ñii ni̱vi o̱n vása xíni̱ na ini yi̱ꞌi̱, ta̱a ta̱ kúu Sa̱ꞌya Ndios, ta ñii la̱á mi̱i Ndios kúu ta̱ xíni̱ va̱ꞌa ini yi̱ꞌi̱. Ta nda̱ ñii ni̱vi o̱n vása xíni̱ na ini Yivá i̱ Ndios, ta ñii la̱á yi̱ꞌi̱, ta̱a ta̱ kúu Sa̱ꞌya ra, kúu ta̱ xíni̱ ini ra, ta ni̱vi na na̱ka̱xin i̱ taxi i̱ koni̱ na ini ra ―káchí ta̱Jesús.

San Juan 14:6

Ta nda̱kuii̱n ta̱Jesús, ni̱ka̱ꞌa̱n ra xíꞌin ra: ―Yi̱ꞌi̱ kúu yichi̱ ña kuchiño xaa̱ ni̱vi no̱o̱ Ndios, ta yi̱ꞌi̱ kúu no̱o̱ káku ñanda̱a̱ ndinoꞌo, ta yi̱ꞌi̱ kúu ndee̱ ña táxi kutaku̱ ndinoꞌo ni̱vi. O̱n ko̱ó inka̱ yichi̱ ña kuchiño xaa̱ ni̱vi no̱o̱ Ndios: ñii la̱á yi̱ꞌi̱ kúu yichi̱ ña taxi xaa̱ ni̱vi no̱o̱ Ndios ta kutaku̱ na xíꞌin ra.

San Juan 15:6

Ta ni̱vi na kúxíká no̱o̱ yi̱ꞌi̱, ta o̱n vása ñii yóo ka̱ na xíꞌin i̱, nayóꞌo nda̱tán yóo ndaꞌa̱ tón uva ña ni̱ta̱ꞌnda̱ na̱ndoso xíká ta ni̱yi̱chi̱ ña, saá yóo na no̱o̱ i̱. Ta ndaꞌa̱ ni̱yi̱chi̱ yóꞌo, ni̱vi nakaya na ña, ta taan na ña no̱o̱ yóo ñoꞌo̱ xíxi̱, ta ko̱ko̱ ña.

San Juan 5:23

chi Ndios kóni ra ndí ndiꞌi ni̱vi ná kasa to̱ꞌó na Sa̱ꞌya ra, nda̱tán ñii ki̱ꞌva kísa to̱ꞌó na mi̱i ra. Ta ndiꞌi ni̱vi na o̱n xi̱in kasa to̱ꞌó yi̱ꞌi̱, nayóꞌo o̱n vása kísa to̱ꞌó na Yivá i̱ Ndios, ta̱a ta̱ ti̱ꞌví yi̱ꞌi̱ ki̱xaa̱ i̱.

San Juan 8:31

Ta saá ni̱ka̱ꞌa̱n ta̱Jesús xíꞌin najudío na xa ka̱ndixa ñaꞌá: ―Ta ndóꞌó, tá ñii ñii ki̱vi̱ va̱xi chikaa̱ so̱ꞌo ndó to̱ꞌon i̱, ta kasa ndivi ndó to̱ꞌon ña sánáꞌa i̱ ndóꞌó, ta saá kuu ndó ni̱vi na ndinoꞌo ini ndíko̱n ndó yi̱ꞌi̱.

Hechos 2:42

Ta saá ñii ñii ki̱vi̱ ndíko̱n ka̱ na sákuáꞌá na ta kísa ndivi na ña sánáꞌa naapóstol, ta táxi xíꞌin mi̱i na ña vivíi kutaku̱ xíꞌin táꞌan na, ta kua̱ꞌa̱ ní yichi̱ nákutáꞌan na xíxi na, ta táꞌví na si̱ta̱ va̱ꞌa xíxi na ña nákáꞌán na ta̱Jesús ndasaá ni̱xiꞌi̱ ra xa̱ꞌa̱ na, ta táxi xíꞌin mi̱i na nakutáꞌan na ña ka̱ꞌa̱n na xíꞌin Ndios.

Colosenses 3:16

Ta taxi xíꞌin mi̱i ndó ndí to̱ꞌon va̱ꞌa ña ndáto̱ꞌon xa̱ꞌa̱ Jesucristo ná sakutú ña ini ndó ndiꞌi saá ki̱vi̱. Ta xíꞌin ndiꞌi ñandíchí Ndios, sanáꞌa táꞌan ndó ta ndato̱ꞌon ndó xíꞌin táꞌan ndó. Ta kata ndó yaa yi̱i̱ ña kasa káꞌno ndó Ndios, kata ndó yaa ña káꞌa̱n to̱ꞌon Ndios xíꞌin ni̱vi, ta kata ndó yaa ña káꞌa̱n xa̱ꞌa̱ yichi̱ ra. Ndinoꞌo ní ini ndó kata ndó, ta ndiꞌi saá ki̱vi̱ xíꞌin ña kusii̱ ní ini ndó ka̱ꞌa̱n ndó, kachí ndó: “Táxaꞌvi ún, Tata Ndios.”

Tito 2:10

Ndato̱ꞌon ún xíꞌin na kísa chiño yóꞌo ña o̱n kasa kuíꞌná na ñakuíká ña kómí napatrón na, ta ndixa xíꞌin ñato̱ꞌó xíni̱ ñóꞌó keꞌé na ndiꞌi chiño. Ta saá xíꞌin chiño va̱ꞌa kéꞌé na, ñayóꞌo táxi ña ndí inka̱ ni̱vi kasa to̱ꞌó na ña livi sánáꞌa to̱ꞌon Ndios, Ta̱a ta̱ Sa̱ka̱ku mi̱i yó.

Hebreos 3:14

Ndixa ñii yóo yó xíꞌin Jesucristo, chi ndixa ndáa ini yó ra nda̱ ki̱vi̱ ki̱xáꞌá yó kándixa yó ra. Tá o̱n sandakoo yó ña kándixa yó ra saá, ta ña kéꞌé yó saá kísa nda̱a̱ ña ndí ndixa ñii ndu̱u yó xíꞌin Jesucristo.

Hebreos 6:1

Ta saá ná kundiko̱n yó kuaꞌno ka̱ yó xíꞌin ña kándixa yó Jesucristo, ta sakuáꞌá ka̱ yó ndasaá vivíi kutaku̱ yó ta to̱nda̱a yó nduu yó ni̱vi na va̱ꞌa ni̱xi̱no̱ xa̱ꞌno no̱o̱ Ndios. O̱n ndikó ka̱ tuku yó sakuáꞌá yó ña siꞌna xi̱ni̱ so̱ꞌo yó ki̱vi̱ ka̱ndixa yó to̱ꞌon va̱ꞌa xa̱ꞌa̱ Jesucristo. Saá chi ña xa xíni̱ yó keꞌé yó kúu ñayóꞌo, xíni̱ ñóꞌó ña ndáa ini yó Ndios, ta xíni̱ ñóꞌó sandakoo yó kéꞌé yó ña o̱n váꞌa, chi tá ndíko̱n yó kéꞌé ka̱ yó ña o̱n váꞌa, ndixa kivi̱ yó no̱o̱ Ndios.

1 Juan 1:3

Ta vitin ndáto̱ꞌon ndi̱ xíꞌin ndó xa̱ꞌa̱ ña xa xi̱ni ndi̱, ta xa̱ꞌa̱ to̱ꞌon ña ni̱ka̱ꞌa̱n ra ña xi̱ni̱ so̱ꞌo ndi̱. Ta saá ndóꞌó, ni̱vi na kándixa to̱ꞌon yóꞌo, ñii káchí vivíi kutaku̱ ndó xíꞌin ndi̱, nda̱tán ñii ki̱ꞌva vivíi táku̱ ndi̱ xíꞌin Yivá yó Ndios ta xíꞌin Sa̱ꞌya ra Jesucristo.

3 Juan 1:9

Xa ti̱ꞌví i̱ ñii tutu kua̱ꞌa̱n ña ndaꞌa̱ nañani yó xíꞌin náki̱ꞌva̱ yó na nákutáꞌan xíꞌin ún xa̱ꞌa̱ ña kísa káꞌno ndó Ndios. Ta ta̱Diótrefes kóni ra kuu ra ta̱ káꞌno ní ka̱ no̱o̱ ndiꞌi nañani yó xíꞌin náki̱ꞌva̱ yó na nákutáꞌan ñoo no̱o̱ táku̱ ún, ta xa̱ꞌa̱ ñayóꞌo, o̱n xi̱in ra chikaa̱ so̱ꞌo ra to̱ꞌon ña káꞌa̱n ndi̱, ni o̱n xi̱in ra kasa ndivi ra ña ndúkú ndi̱ no̱o̱ ra.