1 Timoteo 4:4 - Alacatlatzala Mixtec New Testament

⁴ Saá chi ndiꞌi ña ki̱sa va̱ꞌa Ndios kúu ña va̱ꞌa. Ta saá táná siꞌna taxi yó ña táxaꞌvi ñaꞌá ndaꞌa̱ Ndios xa̱ꞌa̱ ña kuxu yó, ta va̱ꞌa kuxu yó ña, chi o̱n váꞌa xaa noo yó nda̱ ñii ñava̱ꞌa ña kúu ña ni̱ka̱ꞌa̱n Ndios va̱ꞌa kuxu yó.

1 Timoteo 4:4 Iomraidhean Croise

Hechos 10:15

Ta nda̱kuii̱n to̱ꞌon, ni̱ka̱ꞌa̱n tuku ña xíꞌin ra saá: ―Ta vitin Ndios xa nda̱sa ndii ra ndiꞌi kiti̱. Ta saá, o̱n váꞌa ka̱ ka̱ꞌa̱n ún ndí yóo kiti̱ kini no̱o̱ Ndios ―káchí to̱ꞌon xíꞌin ta̱Pedro.

Hechos 15:29

O̱n váꞌa kuxu ndó ña ni̱so̱ko̱ ni̱vi ndaꞌa̱ ñaídolo án ñaimagen, chi ndios vatá kúu ndiꞌi ñayóꞌo. O̱n váꞌa kuxu ndó ni̱i̱ kiti̱, ta o̱n váꞌa kuxu ndó kiti̱ tí sa̱kuáꞌna na xa̱ꞌni na. Ta ñii ñii ta̱a, o̱n váꞌa ki̱ꞌvi ra kua̱chi xíꞌin ñaꞌa̱ ñá o̱n si̱ví ñásíꞌí ra kúu. Ta ñii ñii ñaꞌa̱, o̱n váꞌa ki̱ꞌvi ñá kua̱chi xíꞌin ta̱a ta̱ o̱n si̱ví yii̱ ñá kúu. Tá kasa ndivi ndó nda̱yí yóꞌo, saá va̱ꞌa keꞌé ndó, ta o̱n ko̱ó ka̱ inka̱ to̱ꞌon ña ka̱ꞌa̱n ndi̱ xíꞌin ndó vitin. Ta saá ná koo Ndios xíꞌin ndó ta taxi ra ña va̱ꞌa koo ini ndó”, káchí tutu ña xaa̱ ndaꞌa̱ ni̱vi na kándixa ta̱Jesús, na o̱n vása najudío kúu.

Hechos 21:25

Ta ni̱vi na o̱n vása kúu najudío, na kúu na kándixa ta̱Jesús, xa kúnda̱a̱ ini na yu kúu ña xíni̱ ñóꞌó keꞌé na, saá chi xa ni̱taa ndi̱ ñii tutu ña ti̱ꞌví ndi̱ ni̱xaa̱ ndaꞌa̱ na. Ta no̱o̱ tutu yóꞌo nda̱to̱ꞌon ndi̱ xíꞌin na ndí ndasaá kuiti nda̱yí yóꞌo xíni̱ ñóꞌó kasa ndivi na: “O̱n váꞌa kuxu na ña̱ꞌa ña ni̱so̱ko̱ ni̱vi no̱o̱ ndios vatá ña kúu ñaídolo án ñaimagen, ni o̱n váꞌa kuxu na ni̱i̱ kiti̱, ni o̱n váꞌa kuxu na kiti̱ tí sa̱kuáꞌna na xa̱ꞌni na, ni o̱n váꞌa ku̱su̱n ta̱a xíꞌin ñaꞌa̱ ñá o̱n si̱ví ñásíꞌí ra kúu, ni o̱n váꞌa ku̱su̱n ñaꞌa̱ xíꞌin ta̱a ta̱ o̱n si̱ví yii̱ ñá kúu”, saá ni̱ka̱ꞌa̱n ndi̱, xa̱ꞌnda chiño ndi̱ no̱o̱ ni̱vi na o̱n vása kúu najudío, na kándixa ta̱Jesús ―káchí naxi̱kua̱ꞌa̱ xíꞌin ta̱Pablo.

Romanos 14:14

Yi̱ꞌi̱ xíꞌin ndinoꞌo ini i̱ kándixa i̱ Jesucristo, ta kúnda̱a̱ ini i̱ ndí nda̱ ñii ña xíxi ni̱vi kúu ña o̱n váꞌa án ñakini no̱o̱ Ndios. Ta saá ni, yóo sava ni̱vi na xáni si̱ni̱ ndí ña o̱n váꞌa án ñakini no̱o̱ Ndios kúu sava no̱o̱ ña xíxi ni̱vi. Ta saá mi̱i ni̱vi yóꞌo na kúu na xáni si̱ni̱ ndí ñakini no̱o̱ Ndios kúu ña, ta va̱ꞌa ka̱ ná o̱n kuxu na ña.

Romanos 14:20

Yóo chiño va̱ꞌa ña ki̱sa ndivi Ndios xíꞌin ñii ñii mi̱i yó na kándixa Jesucristo. Ta saá nda̱ loꞌo o̱n váꞌa kani táꞌan yó xa̱ꞌa̱ ña xíxi yó, chi yi̱yo sandiꞌi yó xa̱ꞌa̱ chiño va̱ꞌa yóꞌo. Ndixa ndiꞌi saá no̱o̱ ña̱ꞌa ña xíxi ni̱vi kúu ñandii no̱o̱ Ndios. Ta saá ni, tá xíꞌin sava ña xíxi yó taxi yó ña kakiꞌi xa̱ꞌa̱ nañani yó án xa̱ꞌa̱ náki̱ꞌva̱ yó ña ko̱yo na kua̱chi, ta saá va̱ꞌa ka̱ ná o̱n kuxu yó ñayóꞌo.

Romanos 14:6

Saá chi ni̱vi na kándixa Jesucristo, na kúu na xáni si̱ni̱ ndí yóo ki̱vi̱ ña kúu ña náꞌno ka̱ no̱o̱ inka̱ ki̱vi̱, nayóꞌo kísa to̱ꞌó na ki̱vi̱ náꞌno yóꞌo xa̱ꞌa̱ ña chinóo síkón na ñato̱ꞌó Ndios. Ta ni̱vi na kándixa Jesucristo na xíxi ko̱ñu kúu ni̱vi na kísa to̱ꞌó Ndios xíꞌin ña xíxi na, chi táxi na ña táxaꞌvi ñaꞌá ndaꞌa̱ Ndios xa̱ꞌa̱ ko̱ñu xíxi na. Ta ni̱vi na kándixa Jesucristo, na o̱n xi̱in kuxu ko̱ñu, kúu ni̱vi na kísa to̱ꞌó Ndios, chi xáni si̱ni̱ na ndí ña o̱n vása xíxi na ko̱ñu kúu ñava̱ꞌa no̱o̱ Ndios, ta nayóꞌo táxi na ña táxaꞌvi ñaꞌá ndaꞌa̱ Ndios xa̱ꞌa̱ ña xíxi mi̱i na.

1 Corintios 10:23

Ta sava ndóꞌó káchí ndó saá: “Mi̱i yó ni̱vi na kándixa Jesucristo táku̱ ndíka̱ yó. Ta xa̱ꞌa̱ ñayóꞌo kómí yó nda̱yí kasa ndivi yó ndiꞌi ña kóni yó”, saá káchí ndó. Ta xíni̱ ñóꞌó kunda̱a̱ ini ndó ndí ndiꞌi ña kúchiño yó keꞌé yó o̱n si̱ví xa̱ꞌa̱ ñava̱ꞌa mi̱i yó kúu ña. Ndixa táku̱ ndíka̱ yó yichi̱ Jesucristo, ta saá ni, ndiꞌi ña kúchiño yó keꞌé yó o̱n si̱ví ña taxi chindeé táꞌan yó ña va̱ꞌa ka̱ kuaꞌno yó yichi̱ Jesucristo kúu ndiꞌi ña.

1 Corintios 10:25

Ta saá va̱ꞌa kuxu ndó ndiꞌi saá no̱o̱ ko̱ñu ña síkó ni̱vi no̱yáꞌvi, ta o̱n kundiꞌi ini ndó án va̱ꞌa kuxu ndó ña, án o̱n váꞌa kuxu ndó ña.

1 Corintios 10:26

Saá chi Ndios kúu ta̱a ta̱ ki̱sa va̱ꞌa ndiꞌi ña yóo ñoyívi yóꞌo, ta ndiꞌi ña yóo ku̱va̱ꞌa, kuenda mi̱i Ndios kúu ña.

1 Corintios 10:30

Tá taxi yó ña táxaꞌvi ñaꞌá ndaꞌa̱ Ndios xa̱ꞌa̱ ña kuxu yó, ta saá ¿án yóo ka̱ nda̱yí kómí inka̱ ni̱vi ña kandiva̱ꞌa na xíꞌin yó xa̱ꞌa̱ ña xíxi yó?”, saá kachí ndó nda̱ka̱ to̱ꞌon ndó yi̱ꞌi̱.

1 Timoteo 4:3

Ni̱vi na vatá yóꞌo xáꞌnda chiño na káꞌa̱n na ndí o̱n váꞌa tonda̱ꞌa̱ ta̱a xíꞌin ñaꞌa̱, ta xáꞌnda chiño na káꞌa̱n na ndí o̱n váꞌa kuxu yó sava ña va̱ꞌa xíxi ni̱vi. Ta o̱n váꞌa xáꞌnda chiño nayóꞌo, chi ndiꞌi ña xíxi ni̱vi kúu ñava̱ꞌa ta̱xi Ndios ndaꞌa̱ na. Ta saá mi̱i yó, ni̱vi na kándixa Ndios, ta kúnda̱a̱ ini yó to̱ꞌon nda̱a̱, va̱ꞌa kuxu yó ndiꞌi ña táxi Ndios ndaꞌa̱ yó. Ta saá tá taxi yó ña táxaꞌvi ñaꞌá ndaꞌa̱ Ndios xa̱ꞌa̱ ña, ta va̱ꞌa kuxu yó ña.