1 Pedro 1:9 - Alacatlatzala Mixtec New Testament

⁹ Ta kúsii̱ ní ini ndó vitin chi kúnda̱a̱ ini ndó ndí Ndios xa sa̱ka̱ku ra ndóꞌó xa̱ꞌa̱ ña kándixa ndó Jesucristo.

1 Pedro 1:9 Iomraidhean Croise

Romanos 6:22

Ta Ndios xa sa̱ka̱ku ra ndóꞌó no̱o̱ ndee̱ ña o̱n váꞌa, ta o̱n vása ka̱ xáꞌnda chiño ña no̱o̱ ndó. Ta vitin ndinoꞌo ini ndó xa ta̱xi xíꞌin mi̱i ndó ndaꞌa̱ Ndios ña kasa ndivi ndó ña kóni ra. Ta xa̱ꞌa̱ ñayóꞌo ndixa nakiꞌin ndó ñava̱ꞌa ní ndaꞌa̱ Ndios, chi taxi ra kutaku̱ ndó xíꞌin ra ndiꞌi saá ki̱vi̱ ña va̱xi.

Hebreos 11:13

Ndiꞌi ni̱vi na nda̱to̱ꞌon i̱ xa̱ꞌa̱ yóꞌo, xa ni̱to̱nda̱a ki̱vi̱ ña ni̱xiꞌi̱ na. Ta ki̱vi̱ ni̱xiꞌi̱ na, o̱n ta̱ꞌán nakiꞌin na ña xi̱ndati na taxi Ndios ndaꞌa̱ na, ta saá ni, nda̱tán ni̱xi̱yo ña xi̱yita na xi̱to na nda̱ ñii no̱o̱ xíká ní yóo ñava̱ꞌa yóꞌo, saá ni̱xi̱yo ña, ta xi̱kusii̱ ini na xíꞌin ñayóꞌo. Ta nda̱ loꞌo o̱n vása ní‑sandakoo na ña xi̱ndaa ini na Ndios ña ndixa kundivi ña ki̱ndo̱o ra xíꞌin na. Chi ni̱vi yóꞌo ku̱nda̱a̱ ini na ndí ñoyívi yóꞌo o̱n si̱ví ñoo na xi̱kuu ña, chi ni̱vi na yáꞌa kua̱ꞌa̱n kuiti xi̱kuu na.

Santiago 1:21

Ña̱kán tava ndó ndiꞌi ña o̱n váꞌa ñóꞌo ka̱ ini ndó xíꞌin ndiꞌi ñakini ñóꞌo ka̱ níma̱ ndó, ta ndixa sandakoo ndó kéꞌé ndó ndiꞌi ña o̱n váꞌa. Ta xíꞌin ñato̱ꞌó nakiꞌin ndó to̱ꞌon Ndios ña ni̱ka̱ꞌa̱n ra xíꞌin yó. Chi to̱ꞌon Ndios yóꞌo kómí ña ndee̱ ña saka̱ku ña mi̱i yó.

1 Pedro 3:20

Ta ni̱vi yóꞌo xi̱kuu na xi̱taku̱ kui̱ya̱ xi̱na̱ꞌá xíꞌin ta̱Noé, ta ke̱ꞌé na ndiꞌi no̱o̱ ña o̱n váꞌa ña o̱n vása kóni Ndios. Ta Ndios ta̱xi ra nda̱yí ndaꞌa̱ ta̱Noé ña kasa va̱ꞌa ra tón barco, ta kua̱ꞌa̱ ní kui̱ya̱ kúva̱ꞌa tón barco yóꞌo, ta ndiꞌi saá kui̱ya̱ yóꞌo Ndios xíꞌin ña káꞌno ini ra xi̱ndati ra ña nandikó ini ni̱vi yóꞌo xa̱ꞌa̱ ña o̱n váꞌa kéꞌé na. Ta ndasaá kuiti o̱na̱ ni̱vi xi̱kuu na xi̱ñoꞌo ini tón barco, ta ni̱ka̱ku na no̱o̱ ña ka̱ꞌa̱ na ini takuií.