1 Corintios 6:6 - Alacatlatzala Mixtec New Testament

⁶ O̱n vása va̱ꞌa kéꞌé ndó, chi sava ndóꞌó káni táꞌan ndó xíꞌin táꞌan ndó, ta táxi ndó kua̱chi xa̱ꞌa̱ táꞌan ndó no̱o̱ najuez na kúu ni̱vi na o̱n vása kándixa Jesucristo.

1 Corintios 6:6 Iomraidhean Croise

Hechos 7:26

Tá ni̱ti̱vi inka̱ ki̱vi̱, ta kua̱ꞌa̱n ta̱Moisés, koto ra nañoo ra naIsrael, ta ni̱xaa̱ ra, ta xi̱ni ra o̱vi̱ naIsrael káni táꞌan na, ta ni̱ka̱ꞌa̱n ra xíꞌin na: “Koto ndó ví. Ndóꞌó, nata̱a Israel, nda̱tán yóo ñani mi̱i ndó saá yóo ndó xíꞌin táꞌan ndó. Ta saá, ¿nda̱chun káni táꞌan ndó? ¿Nda̱chun kóni ndó satakuéꞌe̱ ndó táꞌan ndó?”, ka̱chí ta̱Moisés xíꞌin na.

1 Corintios 6:1

Ta ndóꞌó ni̱vi na kándixa Jesucristo, tá yóo ñii ndóꞌó kómí ndó ñii kua̱chi yo̱ꞌvi̱ xíꞌin inka̱ táꞌan ndó, ¿án va̱ꞌa ko̱ꞌo̱n ndó taxi ndó kua̱chi yóꞌo ndaꞌa̱ nachiño na o̱n vása kándixa Jesucristo xa̱ꞌa̱ ña kasa nani na kua̱chi ndó? O̱n váꞌa saá, chi va̱ꞌa ka̱ ko̱ꞌo̱n ndó no̱o̱ ni̱vi na kándixa Jesucristo ña kasa nani na xa̱ꞌa̱ kua̱chi ndó.

1 Corintios 6:7

Ta ña káni táꞌan ndó xíꞌin táꞌan ndó, kua̱chi yóꞌo sánáꞌa ña ndí kúu ndó ni̱vi na o̱n ta̱ꞌán to̱nda̱a kuaꞌno yichi̱ Jesucristo. Tá yóo natáꞌan ndó na kéꞌé ña o̱n váꞌa xíꞌin ndó, ta ndóꞌó va̱ꞌa ná kundeé ini ndó no̱o̱ ni̱vi na kéꞌé saá, ta o̱n ko̱ꞌo̱n ndó taxi ndó kua̱chi xa̱ꞌa̱ na no̱o̱ nachiño ñoyívi yóꞌo. Tá natáꞌan ndó sándáꞌví na ndóꞌó, ta va̱ꞌa ná kundeé ini ndó no̱o̱ ñayóꞌo, ta o̱n ko̱ꞌo̱n ndó taxi ndó kua̱chi xa̱ꞌa̱ ni̱vi yóꞌo.

2 Corintios 6:14

Ta xíni̱ yó ndí o̱n váꞌa kunoo ñii yoko si̱ni̱ ñii tísi̱ndi̱ki̱ ta xíꞌin si̱ni̱ ñii tíburro, chi o̱n vása ñii káchí si̱ta o̱vi̱ rí saá ña ko̱ꞌo̱n rí. Ta ñii ki̱ꞌva saá mi̱i yó, ni̱vi na kándixa Jesucristo, o̱n váꞌa kindo̱o yó ña ñii káchí kasa ndivi yó ndiꞌi chiño xíꞌin ni̱vi na o̱n vása kándixa Jesucristo. Saá chi ni̱vi na kéꞌé ñanda̱a̱ o̱n kúchiño koo yuꞌú na xíꞌin ni̱vi na o̱n vása kéꞌé ñanda̱a̱. Ta ni o̱n kúchiño ñoꞌo̱ yéꞌe ñii kutáꞌan ña xíꞌin ñanaa.

2 Corintios 6:15

Ta ni o̱n kúchiño koo yuꞌú Jesucristo xíꞌin ñaníma̱ ndiva̱ꞌa káꞌno Satanás. Ta ni o̱n kúchiño ñii koo yuꞌú ni̱vi na kándixa Jesucristo xíꞌin ni̱vi na o̱n vása kándixa ra.

1 Timoteo 5:8

Saá chi tá yóo ni̱vi na káꞌa̱n, káchí na kándixa na Jesucristo, ta o̱n xi̱in na chindeé na naveꞌe mi̱i na, ta nayóꞌo o̱n vása kísa ndivi na ñanda̱a̱ yichi̱ Jesucristo, ta saá ni̱vi yóꞌo kini ka̱ kéꞌé na no̱o̱ ni̱vi na o̱n vása kándixa Jesucristo.