1 Corintios 5:6 - Alacatlatzala Mixtec New Testament

⁶ Ta vitin o̱n ko̱ó xa̱ꞌa̱ ña kúu ndó ni̱vi na ña̱ꞌa ní ini. ¿Án o̱n vása kúnda̱a̱ ini ndó xa̱ꞌa̱ to̱ꞌon ndíchí ña xa xíni̱ yó, ña káchí saá?: “Vará loꞌo kuiti kúu levadura yiyá, ta kómí ña ndee̱ kasa chiño ña xíꞌin ñii koꞌndo káꞌno yuxa̱n ña sanaño ñaꞌá ña”, saá káchí to̱ꞌon ña xa xíni̱ yó.

1 Corintios 5:6 Iomraidhean Croise

San Mateo 13:33

Ta tuku nda̱to̱ꞌon ta̱Jesús inka̱ cuento, káchí ra saá: ―Nda̱tán yóo levadura ña na̱saka ni̱vi xíꞌin yuxa̱n si̱ta̱ va̱ꞌa, saá yóo yichi̱ ña xáꞌnda chiño Ndios. Vará loꞌo ní levadura na̱saka ni̱vi xíꞌin u̱ni̱ koꞌndo náꞌno yuxa̱n harina, ta ku̱ndeé ña sa̱naño ña ndiꞌi yuxa̱n yóꞌo.

San Lucas 13:21

Nda̱tán yóo levadura ña na̱saka ni̱vi xíꞌin yuxa̱n si̱ta̱ va̱ꞌa, saá yóo yichi̱ ña xáꞌnda chiño Ndios. Vará loꞌo ní levadura na̱saka ni̱vi xíꞌin u̱ni̱ koꞌndo náꞌno yuxa̱n harina, ta ku̱ndeé ña sa̱naño ña ndiꞌi yuxa̱n yóꞌo ―káchí ra xíꞌin na.

Romanos 6:16

¿Án o̱n vása kúnda̱a̱ ini ndó táná taxi xíꞌin mi̱i ndó ña kasa ndivi ndó ndiꞌi ña ndúkú ñii ta̱a no̱o̱ ndó, ta saá to̱nda̱a ndó nduu ndó ñii esclavo ta̱a yóꞌo, ta o̱n kuchiño ka̱ ndó kaꞌnda chiño ndó xa̱ꞌa̱ mi̱i ndó? Ta ñayóꞌo sánáꞌa ña táná taxi xíꞌin mi̱i yó ña kasa ndivi yó ndiꞌi ña xáꞌnda chiño ndee̱ ña o̱n váꞌa no̱o̱ yó, ta saá to̱nda̱a yó nduu yó esclavo, ni̱vi na ndasaá kuiti kasa ndivi ña kóni ndee̱ ña o̱n váꞌa no̱o̱ na, ta saá kua̱ꞌa̱n yó yichi̱ no̱o̱ sandiꞌi yó xa̱ꞌa̱ mi̱i yó no̱o̱ Ndios. Ta saá ni, táná taxi xíꞌin mi̱i yó ña kasa ndivi yó ña kóni Ndios, ta saá to̱nda̱a yó nduu yó esclavo Ndios, ni̱vi na ndasaá kuiti kasa ndivi ña kóni ra, ta saá va̱ꞌa kua̱ꞌa̱n yó yichi̱ no̱o̱ vivíi táku̱ yó xíꞌin Ndios, saá chi sa̱nduu ra yó ni̱vi na ndii na o̱n ko̱ó kua̱chi ndíso no̱o̱ ra.

1 Corintios 15:33

O̱n taxi ndó ña sandáꞌví na ndóꞌó, ta nakáꞌán ndó ña kóni kachí ñii to̱ꞌon ndíchí ña káchí saá: “Tá nátaꞌan va̱ꞌa ní yó xíꞌin ni̱vi na kúu na o̱n váꞌa ini, ta yi̱yo ní sanoo na ini mi̱i yó keꞌé yó ña o̱n váꞌa nda̱tán yóo ña kéꞌé na”, saá káchí ñii to̱ꞌon ndíchí ña xíni̱ yó.

1 Corintios 3:21

Ña̱kán kía̱ o̱n váꞌa kasa káꞌno ni̱vi xíꞌin mi̱i na xa̱ꞌa̱ ña xáni si̱ni̱ na ndí ta̱a ta̱ ndíso xíꞌin na kúu ta̱ ndíchí ka̱ no̱o̱ inka̱ ni̱vi. Saá chi ndóꞌó, ni̱vi na kándixa Jesucristo, ñii káchí xíꞌin ra xa kómí ndó ndiꞌi saá no̱o̱ ñava̱ꞌa Ndios.

1 Corintios 5:2

Ta vará xíni̱ ndó yóo ñii ña o̱n váꞌa yóꞌo, ¿nda̱chun ndóꞌó kúu ndó ni̱vi na kúña̱ꞌa ini? Ta, ¿nda̱chun o̱n vása kúchuchú ini ndó xíni ndó ña o̱n váꞌa kéꞌé ta̱a yóꞌo? ¿Nda̱chun o̱n vása tava ndó ra ko̱ꞌo̱n ra ke̱ꞌe ña o̱n kutáꞌan ka̱ ra xíꞌin ndó?

Gálatas 5:9

Ta ni̱vi yóꞌo na sánáꞌa ndí ndiꞌi ni̱vi na kándixa Jesucristo xíni̱ ñóꞌó na kasa ndivi na costumbre circuncisión, to̱ꞌon vatá yóꞌo ña sánáꞌa na, nda̱tán yóo levadura saá yóo ña. Ta va̱ꞌa nakáꞌán ndó to̱ꞌon ndíchí ña xíni̱ yó ña káchí saá: “Vará loꞌo kuiti kúu levadura, ta kómí ña ndee̱ kasa chiño ña xíꞌin ñii koꞌndo káꞌno yuxa̱n ña sanaño ñaꞌá ña”, saá káchí to̱ꞌon yóꞌo.

2 Timoteo 2:17

Ta to̱ꞌon ña sánáꞌa ni̱vi na o̱n váꞌa yóꞌo, nda̱tán yóo ñii kue̱ꞌe̱ táꞌyí ña kuee kuee va̱xi kuaꞌno, ta sándiꞌi ña xa̱ꞌa̱ ko̱ñu ni̱vi saá yóo ña. Yóꞌó ta yi̱ꞌi̱ xíni̱ yó ta̱Himeneo xíꞌin ta̱Fileto kúu o̱vi̱ ta̱a ta̱ sánáꞌa to̱ꞌon o̱n váꞌa yóꞌo.

Santiago 4:16

Ta ndóꞌó, nda̱tán káꞌa̱n ni̱vi na ña̱ꞌa ní ini, saá káꞌa̱n ndó, chi xáni si̱ni̱ ndó kómí ndó ndee̱ kaꞌnda chiño ndó no̱o̱ ndiꞌi ña keꞌé ndó. Ta ña xáni si̱ni̱ ndó saá, ña o̱n váꞌa kúu ña.