1 Corintios 11:28 - Alacatlatzala Mixtec New Testament

²⁸ Ta saá tá ki̱vi̱ nákutáꞌan yó xa̱ꞌa̱ ña kuxu yó si̱ta̱ va̱ꞌa ta xa̱ꞌa̱ ña koꞌo yó vino xa̱ꞌa̱ ña nákáꞌán yó ndí Jesucristo ni̱xiꞌi̱ ra xa̱ꞌa̱ kua̱chi yó, ta ñii ñii mi̱i yó xíni̱ ñóꞌó koto ndoso xíꞌin mi̱i yó án ndixa yóo va̱ꞌa yó xíꞌin Ndios.

1 Corintios 11:28 Iomraidhean Croise

San Mateo 26:22

Ta ndiꞌi nayóꞌo kúchuchú ní ini na, ta ñii ñii na ni̱nda̱ka̱ to̱ꞌon na ta̱Jesús: ―Tata, ¿án yi̱ꞌi̱ kúu ta̱ káꞌa̱n ún xa̱ꞌa̱?

1 Corintios 11:29

Saá chi nda̱ yu kúu ni̱vi na xíxi si̱ta̱ va̱ꞌa ta xíꞌi na vino, tá o̱n vása nákoni na ndí ñayóꞌo káꞌa̱n ña xa̱ꞌa̱ yi̱kí ko̱ñu Jesucristo, ta ni̱vi yóꞌo nakiꞌin na ña xo̱ꞌvi̱ na xa̱ꞌa̱ ña kéꞌé na saá.

1 Corintios 11:31

Ta saá ni, tá xíꞌin ña ndinoꞌo ini yó koto ndoso xíꞌin mi̱i yó án ndixa yóo va̱ꞌa yó xíꞌin Ndios, ta saá o̱n koni̱ ñóꞌó Ndios saxo̱ꞌvi̱ ra mi̱i yó.

2 Corintios 13:5

Ta ndóꞌó xíni̱ ñóꞌó koto va̱ꞌa xíꞌin mi̱i ndó, xa̱ꞌa̱ ña va̱ꞌa kunda̱a̱ ini ndó án ndinoꞌo ini ndó kándixa ndó Jesucristo. Ta saá va̱ꞌa ná koto ndoso xíꞌin mi̱i ndó án ndixa kándixa ndó ra. Tá keta va̱ꞌa ndó no̱o̱ ña koto ndoso xíꞌin mi̱i ndó saá, ta saá kunda̱a̱ ini ndó ndí Jesucristo táku̱ ra ini ndó. Tá o̱n vása keta va̱ꞌa ndó saá, ta o̱n si̱ví ni̱vi na ndinoꞌo ini kándixa Jesucristo kúu ndó.

Gálatas 6:4

Ñii ñii mi̱i yó ni̱vi na kándixa Jesucristo, xíni̱ ñóꞌó kaꞌvi va̱ꞌa si̱ni̱ yó xa̱ꞌa̱ ña kéꞌé yó, ña kunda̱a̱ ini yó án ndixa ñava̱ꞌa, án ña o̱n váꞌa kúu ña kéꞌé yó. Tá ndixa vivíi kísa ndivi yó chiño va̱ꞌa, ta saá va̱ꞌa ná kusii̱ ini yó xa̱ꞌa̱ ña kéꞌé mi̱i yó. Ta o̱n váꞌa kundiꞌi ini yó xa̱ꞌa̱ ña kéꞌé inka̱ ni̱vi, án va̱ꞌa ka̱ án ña o̱n vása va̱ꞌa ka̱ kúu chiño nayóꞌo no̱o̱ chiño ña kéꞌé mi̱i yó.