SAN LUCAS 3:10 - New Testament in Mixtec Atatláhuca

¹⁰ Te ñayuu un ní cacajnūhún i de: ¿Te ndese sáha ná núu súcuan? Achí i.

SAN LUCAS 3:10 Iomraidhean Croise

HECHOS 2:37

Te jeē súcuan ni cajini sōho i jnūhun yáha, te ni cajnahuhū ni anuá i. Te ni cacajnūhún i Pedro jiín táca gá apóstol: ¿Te ndese sáha ná jíjnáhan ná núu súcuan? áchí i.

SAN LUCAS 3:14

Te suni ni cacajnūhún jecu soldado: Te máá ná, ¿ndese sáha ná jíjnáhan ná? áchí de. Te ni cahān Juan jiín de: Ma quénde rō ndajníñu ni ɨɨn jíín jnúhun siúhú ni jíín jnúhun stáú yáhu, te cusɨɨ̄ ni rō jiín yáhu ró, áchí de.

HECHOS 16:30

Te ni quenehen de Pablo jiín Silas, te ni cajnūhún de: Tátā, ¿na vé cánuú sáha ná te jnama ya sāñá? áchí de.

SAN LUCAS 3:8

Núu súcuan te sáha ró jniñu váha, te súcuan stéén rō jeē ní nacani ndije ni rō jeē stóo ró cuéchi ró. Te ma cáni ni rō cahān rō jeē cuu cācu ró sɨ́quɨ̄ jeē cácuu ró yúcūn Abraham. Chi cáhán rī jiín ró jeē cuu sáha Yaā Dios jeē tāca yúū yáha nduu sēhe Abraham jeē candíje vāha, te núu cúní yā.

HECHOS 9:6

Te máá de chi quɨ́sɨ i de jeē yūhú de, te ni cahān de: Tátā, ¿na vé cuní ni jéē sáha ná núu súcuan? áchí de. Te ni cahān maá Jítoho yō jiín de: Ndocuɨñɨ̄, quɨ̄vɨ ró ini ñuu, te yūcuan íyó ɨɨn tēe jeē cachi nuū rō na vé cúu jeē cánuú sáha ró, achí yá.

SAN LUCAS 3:12

Te suni jecu tēe cástútú xúhun renta, ni quecoo de jeē cuándute de. Te ni cacajnūhún de Juan: Maestro, te máá ná, ¿ndese sáha ná jíjnáhan ná?

HECHOS 2:38

Te ni cahān Pedro jiín i: Nacani ni ni jéē stóo ni cuéchi ní jíjnáhan ní, te cuandute ní jéē ní cacandíje ní Jesucristo, návāha cone cáhnu ni Yaā Dios nuū cuéchi ní, te cuāha Yaā Dios Espíritu Santo yā condee yā ini anuá ni.