SAN LUCAS 11:4 - New Testament in Mixtec Atatláhuca

⁴ Te cone cáhnu ni ni núū tāca cuéchi cásáha ná núū ní, nájnūhun cáhine cáhnu ni na núū ñáyuu casáha cuēchi nuū ná. Te ma cuáha ní jnúhun jeē coto ndee jexeén sāñá, chi sa suhva jnama ní sáña nuū tāca jéē neé. Achi rō jijnáhan ró. Achí yá.

SAN LUCAS 11:4 Iomraidhean Croise

SAN MATEO 26:41

Coo ndito ni rō te cacān tahú rō jeē chindéé ñáhán yá rohó jéē ma sáha ró cuéchi jeē coto ndee jeneé róhó. Chi cúní ndije ánuá rō squícu vāha ró, te yɨquɨ cúñu rō chi tu fuerza, achí yá.

COLOSENSES 3:13

Cuandeyɨ́ ni rō jiín jnáhan ró, te cone cáhnu ni rō nuū i te núu na vé ni sáha i nuū rō. Chi nájnūhun ni ine cáhnu ni Cristo nuū rō, suni súcuan sáha máá ró.

SAN MATEO 18:35

Te ni jīnu ni cahān yā, te áchí yá: Nájnūhun ni sáha rey un jíín mozo de, suni súcuan sáha máá Tátá rī andɨvɨ́ jíín táca róhó núu tu cone cáhnu ni rō nuū jnáhan ró nde jiín ini jiín ánuá rō, núu na‑ni cuēchi sáha i nuū rō. Achí yá jiín de jíjnáhan de.

SANTIAGO 2:13

Chi quɨvɨ̄ sándaā yā jniñu, te ñayuu jeē tu ní cúndáhú ni jnáhan, suni ma nihín i jnūhun cúndáhú ni. Te ñayuu ni cundáhú ni jnáhan, cusɨɨ̄ ni i jeē ní ndahva yā cuēchi i máá quɨ́vɨ̄ sándaā yā jniñu.

2 TIMOTEO 4:18

Te jnama ga yā ruhū nuū tācá jniñu néé, te condito ya ruhū nde quɨ̄vɨ ri andɨvɨ́ núū ndácu ya jniñu. Te na cáhán yō jeē yóhyo luu cújéhnu ya nɨɨ́ cáni. Amén.

2 TESALONICENSES 3:3

Te máá Jítoho yō chi vāha squícu ya jeē ni jéjnūhun ya, te sáha ya jeē íje ni tāca ró jiín jnúhun ya, te coto ya rohó núū jeneé.

1 CORINTIOS 10:13

Chi máni íyó jéē nducú squɨ́vɨ róhó cuēchi, te ɨnuú‑ni cándoho ró súcuan nde jiín táca gá ñayuu. Te cuu cucáhnu ni rō Yaā Dios jeē ma cuáha ya jnūhun jeē vihyá gā coto ndee jexeén róhó vēsú jeē cúu cundeyɨ́ ró jiín. Chi sa suhva núu vēji jeē nducú squɨ́vɨ róhó cuéchi, te chindéé ñáhán yá rohó quenda ró te cundeyɨ́ ró sɨquɨ̄.

SAN JUAN 17:15

Te tu jícán tahú na jéē quénehen ní i ini ñayɨ̄vɨ́, chi sa suhva jeē cóndito ní i nuū jexeén.

SAN LUCAS 22:46

Te ni cahān yā jiín de: ¿Naun cáquixī rō? Ndonda te cacān tahú rō jeē chindéé ñáhán yá rohó jéē ma sáha ró cuéchi jeē cóto ndee jeneé róhó. Achí yá.

SAN LUCAS 8:13

Te trigo jeē ni jítē nuū ñúhun yuū cúu nájnūhun ñayuu cájini jnūhun, te cájetáhú i te cácusɨɨ̄ ni i jíín. Te tu cúcutú jnúhun ún ini anuá i. Te jecu‑ni quɨvɨ̄ cácandíje i, te núu ni quejéé jnúndóho, te cájica yátá i.

APOCALIPSIS 3:10

Te vāha ni casquícu ró jnúhun ní cahān rī jeē cuándeyɨ́ ni rō. Te jeē yúcuan jnama ri rohó quɨ́vɨ̄ jeē quíji ɨɨn jnūndóho xeēn sɨquɨ̄ ñáyuu nɨɨ́ cáhnu ñayɨ̄vɨ́, jéē cóto ndee ún i jíjnáhan i.

APOCALIPSIS 2:10

Te ma yūhú cuɨtɨ rō tāca jéē ndoho ró. Chi jexeén je yajni sáha jeē quɨ̄vɨcoo sava ró vecāa jeē cóto ndee rohó jíjnáhan ró, te ndoho ró jnúndóho uxī quɨvɨ̄. Te na cuɨ́ñɨ nīhin ró ndé cuu rō, te cuāha ri premio jeē cótecu rō nɨɨ́ cáni.

SAN LUCAS 11:5

Te ni cahān gā yā: Núu ndé ɨɨn róhó íyó ɨɨn amigo rō, te núu quihīn rō vehe de sava ñuú te cahān rō jiín de: Amigo, cuāha núu unī staā nuū rī.

SAN LUCAS 13:4

Te xahūn unī tēe jeē ní cotúú torre Siloé sɨquɨ̄ de, te ni cajihī de, ¿á cájeni ni rō jeē ní casáha de cuēchi xeēn gā vēsú tāca gá ñayuu ñuu Jerusalén?