SAN JUAN 5:18 - New Testament in Mixtec Atatláhuca

¹⁸ Te sɨquɨ̄ jeē ni cáhān yā súcuan, te tēe hebreo un víhyá gā cácuni de cahni de ya. Chi nasūu máá ɨɨn‑ni jeē tu squícu ya jeē cahán ley sɨquɨ̄ quɨvɨ̄ ndétātú, chi suni jeē ni cáhān yā jeē Tatá yā cúu Yaā Dios, te súcuan sáha ɨnuú yá maá yá jiín Yaā Dios.

SAN JUAN 5:18 Iomraidhean Croise

SAN MATEO 12:5

¿Te á tu ní cácahu ró tutu ley Moisés, ndese cásájniñu sutū ini templo, vēsú quɨvɨ̄ ndétātu cúu? Te tú na cuēchi íyó sɨ́quɨ̄ de, vēsú quɨvɨ̄ ndétātu cásájniñu de jniñu jeē cácuu de sutū.

SAN JUAN 1:19

Te ñayuu hebreo ñuu Jerusalén, ni catají i jecu sutū jiín tée grupo levita jeē cájejníñu ini templo, ni jengoo de nuū Juan, návāha cajnūhún de ndé ɨɨn cúu Juan te na jniñu ndíso de.

SAN JUAN 10:30

Máá rí jiín Tátá rī, chi ɨɨn‑ni cúu ri, achí yá.

SAN JUAN 10:33

Te ni cacahān de jíín yá: Nasūu sɨ́quɨ̄ jeē ni sáha ró jniñu váha cúu jeē cuáha ri yuū xinī rō, chi sɨquɨ̄ jeē cahán ndevāha ró jéē achí ró jeē ɨnuú cúu ró jíín Yaā Dios. Chi tēe‑ni cúu ró, te sáha ró jéē ɨnuú cúu ró jíín Yaā Dios. Achí de jíín yá.

SAN JUAN 14:23

Te ni cahān Jesús: Ñayuu jeē maní jiín rí, chi cásquícu i jeē cahán rī. Te coo manī Tatá rī jiín i. Te Tátá rī jiín máá rí quijicoo ri cundúú rí jiín i.

SAN JUAN 14:9

Te ni cahān Jesús: Felipe, je ni cuu cuehē quɨvɨ̄ jíca ri jiín ró jijnáhan ró, ¿te á ná tu cuni rō ndé ɨɨn cúu ri naún? Tēe jeē jíto ruhū, suu Tátá rī jíto de. Núu súcuan ¿te najehē cahán rō jeē steén rī Tatá rī nuū rō?

SAN JUAN 19:7

Te ni cacahān ñayuu hebreo un: Cánevāha ná ɨɨn ley, te jeē sɨquɨ́ ley un cánuú jéē cúū de, chi sáha de máá de jeē Séhe Yaā Dios cúu de.

SAN JUAN 5:15

Yūcuán na te cuahān tēe ún, te ni castūhún de nuū jnáhan de hebreo un jéē Jesús cúu jeē ní nasávāha ya de.

SAN JUAN 5:16

Te sɨquɨ̄ jeē ní sáha Jesús jniñu yáha quɨ́vɨ̄ ndétātú, jeē yúcuan cúu jeē tée hebreo un cájito xeēn de ya, te cácuni de cahni de ya.

SAN JUAN 5:17

Te ni cahān Jesús jiín de: Máá Tátá rī chi nɨ́ɨ́ cáni te nde vijna sáha ya jniñu váha, te suni súcuan ruhū sáha ri jniñu váha.

SAN JUAN 5:23

Te súcuan te coo yɨ́ñúhún ndɨhɨ ñayuu nuū rī, nájnūhun yɨ́ñúhún i nuū Tatá rī. Te ñayuu tu íyó yɨ́ñúhún núū rī, núu súcuan te suni tu yɨ́ñúhún i nuū maá Tátá rī jeē ní tají yá ruhū vēji ri.

SAN JUAN 7:1

Yūcuán na te jíca cuu Jesús región Galilea. Chi tu cúní yā caca cuu ya región Judea, chi jnáhan ñuu yā hebreo jeē cáyūcu yúcuan, cácuni de cahni de ya.

SAN JUAN 7:19

’¿A násūu jéē ni jéhe Moisés ley yā nuū rō jeē squícu ró? Te ni ɨɨn ró tu cásquícu. Chi sa jeē cácuni rō cahni rō ruhū, ¿te najehē cúu? Achí yá.

SAN JUAN 8:54

Te ni cahān Jesús: Núu ruhū sajéhnu ri maá rí, te tu níhín jníñu. Máá Tátá rī cúu jeē sajéhnu ruhū. Te cácahān rō jeē maá yá cúu Yaā Dios maá ró.

SAN JUAN 8:58

Te ni cahān Jesús: Jendaá cahán rī jiín ró jeē nde ná tu cacu Abraham te je íyó rí, achí yá.

FILIPENSES 2:6

Chi máá yá cujéhnu ɨnuú yá jiín Yaā Dios, te vēsú súcuan te tu ní jéni ni yā jeē cujéhnu ɨnuú yá jiín Yaā Dios.

APOCALIPSIS 22:1

Yūcuán na te ndajéhé yā ni steén yā nuū rī ɨɨn yūte íyó ndoo. Te ndute un sáha jeē cótecu yō nɨɨ́ cáni. Te xíñú nájnūhun vidrio, te cáne nuū mesa nuū ndácu Yaā Dios jniñu jíín Yaā cúu Londe.

APOCALIPSIS 22:3

Te tācá‑ni jeē ni cáhān yā jeē násūu jéē váha cúu, ma cóo ini ñuu ún. Te ini ñuu ún cuɨñɨ máá mesa nuū ndácu Yaā Dios jniñu jíín Yaā cúu Londe. Te ñayuu cácandíje jeē cácuu i mozo yā, chiñúhún i ya.