SAN JUAN 3:34 - New Testament in Mixtec Atatláhuca

³⁴ Chi Yaā ní tají Yaā Dios vēji, máni máá jnúhun Yaā Dios cahán yā. Chi Yaā Dios tu yɨ́cuāha jéhe ya Espíritu yā nuū Yaā ní tají yá.

SAN JUAN 3:34 Iomraidhean Croise

SAN MATEO 12:18

Yāha cúu mozo rī jeē ní nacāji ri, te manī rī jiín yá, te cúsɨɨ̄ ni rī jiín yá. Te cuāha ri Espíritu rī coo jíín yá. Te máá yá sándaā jniñu ñayuu tācá nación.

SAN LUCAS 4:18

Espíritu maá Jítoho yō Yaā Dios iyó yá jiín rí, chi ni tejníñu ya ruhū jeē nácani ri jnūhun vāha nuū ñáyuu ndahú. Te ni tají yá ruhū vēji ri jiín jnúhun jeē ndúvāha ni ñayuu cácucuíhyá ni. Te castūhun rí nuū ñáyuu cáyɨhɨ ndaha jexeén jeē coo libre i. Te sáha ri jeē ndúndijin ini anuá ñayuu tu cájecūhun ni, te jnama ri ñayuu jeē cándoho i sáha jnáhan i.

SAN JUAN 1:16

Te ndɨhɨ yó ní canihīn yō cuehē ndasɨ́ jeē váha íyó núū yā, chi máni jeē váha sáha sáha ya jiín yó.

SAN JUAN 15:26

’Te tají rí maá Yaā chindéé ñáhán róhó te sáha ya jeē cóo sɨɨ̄ ni rō. Te Yaā un cúu máá Espíritu jeē steén jnūhun ndaā, te quiji ya nde nuū Tatá rī, te nacani cájí yá jnūhun ri.

SAN JUAN 16:7

Jendaá cahán rī jiín ró: Jeē váha máá ró jijnáhan ró cúu jeē quihín rī. Chi núu tú quihīn rī, te ma quíji Yaā chindéé ñáhán róhó te sáha ya jeē cóo sɨɨ̄ ni rō. Te núu cuahān rī, te tají rí yā quiji ya nuū rō.

SAN JUAN 3:17

Chi tu ní tájí Yaā Dios Sēhe ya ini ñayɨ̄vɨ jéē snahnú ndetū yā ñayuu, chi sa suhva jeē jnáma ya ñayuu.

SAN JUAN 5:26

Chi nájnūhun íyó poder maá Tátá rī jeē sáha ya jeē técu ndɨhɨ‑ni, suni súcuan ni jēhe ya poder nuū ruhū jeē sáha ri jeē cotecu ndɨhɨ‑ni.

SAN JUAN 7:16

Yūcuán na te ni cahān Jesús: Jnūhun stéén rī chi nasūu jnúhun máá rí cúu, chi jnūhun jeē ni jéhe máá Yaā ní tají rúhū cúu.

SAN JUAN 8:40

Te vijna chi cácuni rō cahni rō ruhū, vēsú ni cahān rī jiín ró tāca jnúhun ndaā ni steén Tatá rī nuū rī. Te Abraham chi tu ní sáha cuɨtɨ de súcuan.

SAN JUAN 8:47

Ñayuu cácuu sēhe Yaā Dios, chi cáchusóhó i jnūhun Yaā Dios. Te nasūu séhe Yaā Dios cácuu ró, te jeē yúcuan tu cácuni rō chusóhó ró. Achí yá jiín de.

HECHOS 1:2

te nde quɨvɨ̄ ní ndaa ya cuanuhun yā andɨvɨ́. Te nde ná tu ndaa ya quihīn yā, te ni sáha Espíritu Santo jeē ní ndacu ya jniñu nuū táca apóstol, tēe ni nacāji ya.

HECHOS 10:38

Te cájini ni jéē Yaā Dios ni jēhe ya Espíritu Santo jiín poder nuū Jesús, Yaā ní jehnu ñuu Nazaret. Te cájini ni jéē ní jica cuu ya ni sáha ya jniñu váha, te ni nasávāha ya tāca ñáyuu jeē cándoho i sáha jexeén, chi Yaā Dios ni chindéé ñáhán yá Jesús.

ROMANOS 8:2

Chi modo jeē sáha Espíritu cúu jeē técu yō sɨquɨ̄ jeē yɨ́hɨ yó ndaha Cristo Jesús. Te yūcuan ní sáha jeē ní nduu libre yō nuū jnúhun jeē ni yɨ́hɨ yó chíji cuēchi jeē jnahnú ndetū yō nuú.

EFESIOS 3:8

Te ruhū chi cúu ri tēe núu ga nuū tāca ñáyuu núu ga jeē yɨ́hɨ ndaha ya. Te vēsú súcuan te nuū maá rí ni jēhe ya jniñu luu yáha jéē nácani ri jnūhun vāha ya nuū ñáyuu tācá nación jeē tu jíní, ndese yōhyo cúcá yó ndɨhɨ jeē ndíso jnūhun Cristo, jeē ma cánda cuɨtɨ yō jecūhun ni yō.

COLOSENSES 1:19

Chi ni cusɨɨ̄ ni Yaā Dios jeē ndɨhɨ ndese cúu máá yá, suni súcuan cúu Cristo.

COLOSENSES 2:9

Chi ndɨhɨ ndese cúu máá Yaā Dios, suni súcuan cúu Cristo.

APOCALIPSIS 21:6

Te ni cahān gā yā: Je ni jīnu. Máá rí cúu nájnūhun letra A xīhna ñúhún jíín letra Z jeē sándɨ̄hɨ́ na, chi máá rí ni squejéé ndɨhɨ te máá rí sínu. Te tāca ñáyuu cájichī, súcuan‑ni cuāha ri coho i ndute cáne jeē cótecu i nɨ́ɨ́ cáni.

APOCALIPSIS 22:1

Yūcuán na te ndajéhé yā ni steén yā nuū rī ɨɨn yūte íyó ndoo. Te ndute un sáha jeē cótecu yō nɨɨ́ cáni. Te xíñú nájnūhun vidrio, te cáne nuū mesa nuū ndácu Yaā Dios jniñu jíín Yaā cúu Londe.