LUKAS 9:16 - KABAR MAEH MA HANYU JANJI WAU

¹⁶ Balalu Yesus ngalap dime katipak rote anri rueh kaukui kenah yiru, udi yiru hanye mihangut ma langit ngantuh tarima kasih ma Alatalla. Udi yiru hanye miah rote anri kenah yiru makai tanganni balalu ngamini ma kawan ulun sa umba hanye nampan mambagini ma ulun rama yiru.

LUKAS 9:16 Iomraidhean Croise

MATIUS 14:19

Udi yiru hanye nunyu ulun rama yiru maharung hang ambau rikut. Balalu hanye ngalap dime katipak rote baya anri rueh kaukui kenah yiru, balalu mihangut ma langit palus ngantuh tarima kasih ma Alatalla. Udi yiru hanye miah rote yiru makai tanganni palus ngami ma kawan ulun sa umba hanye nampan here mambagini ma kawan ulun rama yiru.

MATIUS 15:36

Udi yiru hanye ngalap pitu katipak rote yiru anri kenahni, udi hie hanye ngantuh tarima kasih ma Alatalla. Balalu hanye miah rote anri kenah yiru makai tanganni, palus ngami ma kawan ulun sa umba hanye. Balalu here mambagini ma ulun rama yiru.

MARKUS 7:34

Udi yiru Yesus mihangut ma langit, balalu nyipa hewuk palus kaeau ma ulun yiru, “Efata,” sa baarati, “Tauka!”

LUKAS 22:19

Udiyiru Yesus ngalap rote. Nelang udi badoa ngantuh tarima kasih, hanye miah rote yiru makai tanganni balalu ngami ma here, nelang kaeau, “Iti tengaku [sa nasarah ma naun. Ulah yiti pakai ngitung aku.”

LUKAS 24:30

Hang tawuk maharung kuman baya here, Yesus ngalap rote, ngantuh tarima kasih ma Alatalla, miah nuhi rote yiru makai tanganni balalu ngamini ma here.

LUKAS 9:15

Kawan ulun sa umba Yesus yiru nampalus inun sa naeau Yesus ma here.

LUKAS 9:17

Here katuluhni ikuta hampe wising. Balalu kawan ulun sa umba Yesus ngumpul kalabihan kutaen yiru wahaini naan dua walas tampawan.

YOHANES 6:11

Udi hie Yesus ngalap rote yiru, balalu hanye ngantuh tarima kasih ma Alatalla. Udi yiru hanye magi rote yiru ma ulun rama. Udi hie magi kenah, katuluh ulun ikuta hampe wising tatuu.

YOHANES 6:23

Kamulek papire kawua jukung teka tumpuk Tiberias hawi balalu tarie rite unengan ulun rama nguta rote udi Tuhan ngantuh tarima kasih.

KESAH KAWAN RASUL 27:35

Udi kaeau kalayiru hi Paulus balalu ngalap rote balalu ngantuh tarima kasih ma Alatalla hang hadapan here katuluh. Udi hie hanye mambagi rote yiru balalu nguta rote yiru.

ROMA 14:6

Ulun sa mamenting kawan anrau bapidi, ulun yiru ngulah kala yiru neu mahormat Tuhan. Ulun sa nguta ala katuluhni, ngulah kala yiru neu mahormati Tuhan, daya hanye batarima kasih ma Alatalla gana anakuta yiru. Kala yiru pada anri ulun sa nguta ekat kutaen bapidi; ulun yiru pada mahormat Tuhan nelang batarima kasih ma Alatalla.

1 KORINTUS 10:30

Amun aku nguta kutaen anri batarima kasih ma Alatalla, wuah inun ulun mada aku gana kutaen yiru, kude aku haut batarima kasih ma Alatalla?”

1 KORINTUS 11:24

dami udi hanye ngantuh tarime kasih ma Alatalla neu rote yiru, hanye miah rote yiru makai tanganni, balalu kaeau, “Iti tengaku sa nasarah ma naun. Tampalus hal yiti pakai ngitung aku.”