LUKAS 8:43 - KABAR MAEH MA HANYU JANJI WAU

⁴³ Hang penah here yiru naan pada erang kaulun wawei haut dua walas taun sakit kaluar ira sa naan hubungan anri haidni. Hanye haut nangalis kawan milikni pakai baobat anri dokter, kude puang uweng isa tau nyamare hanye.

LUKAS 8:43 Iomraidhean Croise

LUKAS 13:16

Nah, hang yiti itati naan erang kaulun wawei turunan Abraham, sa haut walu walas taun lawahni tahuruk daya Iblis. Inun hanye puang iyuh nalapas teka hurukan yiru hang anrau Sabat?”

YOHANES 9:1

Tawuk Yesus takia hanye kadinung naan erang kaulun pehe kalemah hanye nakayaan.

LUKAS 13:11

Hang yiru naan erang kaulun wawei haut walu walas taun sakit, daya naan roh jahat hawuang tengani. Wawei yiru bungkuk nelang budas puang tau minri mawitu.

LUKAS 8:27

Tawuk Yesus mambai ma pampang, erang kaulun upu sa asuk roh jahat hawi nunung hanye. Ulun yiru teka tumpuk. Hanye haut lawah puang hakun bapakaian nelang puang hakun muneng hang lewu. Hanye hamen muneng hang kawan liang watu unengan pasaran.

KESAH KAWAN RASUL 4:22

Ulun sa haut ware teka lumpuhni itetei hal sa ajaib yiru, umurni labis teka epat pulu taun.

KESAH KAWAN RASUL 3:2

Hang yaru hang pintu gerbang sa naantuh “Wanawang Bungas”, naan erang kaulun upu sa lumpuh teka kalemah lahir. Tiap anrau ulun yiru nainsing ma yiru neu laku sadakah teka kawan ulun sa masuk mawuang Lewu Tuhan.

YOHANES 9:21

Kude kewangun hanye itati tau kadinung, kami puang karasa. Nelang hie sa ngulah hanye tau kadinung, kami pada puang karasa. Tunti ma hanye, hanye haut dewasa; hanye raerai tau nuingni.”

MARKUS 9:18

Amun roh yiru manyarang hanye, hanye mihampas tenga ma tane, mulutni iwure, dipenni gagiret palus katuluh tengani balalu kait. Aku laku kawan ulun sa umba hanyu ngusir roh jahat yiru, kude here puang tau nampalusni.”

MARKUS 12:44

Daya here katuluh ngami teka kalabihan haratani. Kude wawei walu yiru biar paua tuu hanye ngami katuluh sa naan hang hanye – likan sa naparlu tatuu dayani pakai welum.”

LUKAS 8:42

daya anakni ekat isa wawei sa baumur dua walas taun kai matei. Parahatan Yesus takia ma lewu Yairus, ulun rama mipi hanye teka awe-awe ngawariung hanye.

LUKAS 8:44

Wawei yiru nyanrite Yesus teka tiba wukuni, balalu ngawir hujung jubahni. Hang tawuk yiru pada wawei yiru taduh kaluar ira.