LUKAS 8:13 - KABAR MAEH MA HANYU JANJI WAU

¹³ Wini sa lawu hang tane batu ampar ngintur ulun sa hang tawuk karengei kabar yiru, narimeni anri sanang atei. Kude kabar yiru puang iwakat hawuang atei here. Here parisaya ekat erang pitus, kude hang tawuk purija hawi, here murtad.

LUKAS 8:13 Iomraidhean Croise

MARKUS 6:20

Daya hi Herodes haut nunyu ulun nyaga mamaeh kasalamatan Yohanes hang panjara, daya hanye takut anri hi Yohanes. Hanye karasa hi Yohanes erang kaulun sa maeh isa nautus daya Alatalla. Daya amun hi Yohanes bapaner, hi Herodes katuju pada nyanrengeini, walaupun hanye balalu balisah tuu daya lenganni yiru.

LUKAS 8:12

Wini sa lawu hang lalan ngintur kawan ulun sa nyanrengei lengan yiru. Kude Iblis hawi palus hanrampas kabar yiru teka atei here, nampan here ada parisaya balalu nasalamat.

LUKAS 8:14

Wini sa lawu hang jubut barunrui ngintur ulun sa nyanrengei kabar yiru, kude khawatir neu pamelum here nelang hamen welum mewah nelang sanang hang dunia yiti. Katuluhni yiru nawenan here hampe puang uweng wua sa mihak.

YOHANES 15:2

Tiap raan hang aku sa puang mua, tetekni, kude tiap raan sa bawua, natangkurang rawenni nelang nabarasisni nampan wuani labis wahai lagi.

YOHANES 15:6

Ulun sa puang tatap ibaya anri aku, sagar naumpe yalah raan, balalu karing. Kawan raan sa kalayiru sagar nakumpul palus naumpe mawuang apui, natutung.

YOHANES 5:35

Hi Yohanes yiru kala palita sa maraai nelang sahayani matalak. Kude ekat erang pitus naun sanang narime sahaya yiru.

1 KORINTUS 13:2

Biar aku pandai nampe kabar teka Alatalla nelang kataru katuluh hal anri salalem-lalemni, karasa ala katantuluh nelang parisaya tuu ma Alatalla hampe tau ngidar gunung, kude aku puang sinta ma ulun lain, sika aku puang uweng artini!

1 KORINTUS 15:2

Amun naun kukuh itegei hang inun sa nawaraku yiru, batantu Kabar Maeh yiru nyalamat naun kasuali amun naun parisaya anri puang uweng kataruen.

GALATIA 3:1

Pulaksanai katuluh kawan ulun Galatia! Naun tuu lunga! Naun haut tapangaruh daya hie? Pampatei Yesus nabalasangar haut natarangku anri tarang tatuu ma naun!

GALATIA 3:4

Inun uras mamus katuluh sa haut naingkam daya naun yiru? Puang mamus!

EPESUS 3:17

Mudahan daya naun parisaya ma Kristus, Kristus muneng hang wuang atei naun, nelang pamelum naun miandan nelang nakuasa daya sinta.

KOLOSE 1:23

Kude himat naun harus tatap satia parisaya nelang minri segah hang kaparisayaan naun. Ada hampe naun napas kaharapen sa haut naami ma naun tawuk naun narime Kabar Maeh teka Alatalla. Kabar yiru haut nawara ma tiap ulun hang litar dunia. Nelang neu yiru pada aku, hi Paulus, haut jari palayan.

KOLOSE 2:7

nelang iwakat hawuang hanye. Wuah naun mambangun pamelum naun nelang Kristus jari panalni. Wuah naun magin parisaya ma Kristus, ngalut inun sa haut naajar ma naun. Nelang ware atei naun newe hanruap anri ngantuh tarima kasih.

1 TESALONIKA 3:5

Yiru sababni aku ngutus hi Timotius, daya aku hamen karasa kewangun kamajuan naun hang hal parisaya ma Kristus. Aku gaer Iblis kaiyuh manggoda naun hampe katuluh kauyuhen kami uras kawai.

1 TIMOTIUS 1:19

Ware hanyu bajuang sinrah itegei hang kaparisayaan sa bujur nelang anri atei maeh sa barasis. Naan papire kaulun sa puang paduli lengan kunuan ateini, hampe kaparisayaan here balalu hansur.

IBRANI 10:39

Takam yiti puang ulun sa undur nelang tawang. Kabalikanni, takam samula ulun sa parisaya ma Alatalla nelang nasalamat.

YAKOBUS 2:26

Nah, kala wangun tenga amun puang uweng roh, hanyeyiru tenga sa matei, kala yiru pada kaparisayaan amun puang nasinrah anri pagawian, kaparisayaan yiru matei.

2 PETRUS 2:20

Ulun sa kataru Tuhan nelang Panyalamat takam Yesus Kristus haut lapas teka kawan kuasa dunia sa nangkurun murunsia. Kude amun hanrian hanye taawet lagi hampe nasantalau daya kawan kuasa yiru, himat wangun ulun yiru hang pijumpuhanni labis murun teka sa dahuluni.

2 PETRUS 2:22

Inun sa naulah here mambukti pituu paribasa yiti, “Antahu sagar nguta kamulek inun sa haut naluani,” Nelang “Iwek sa haut naapanrus, sagar mulek nabuangan hawuang lujau.”

1 YOHANES 2:19

Kawan sa nawan Kristus hanyeyiru kawan ulun sa haut nanan takam, daya here sabujurni puang ulun takam. Amun here kawan ulun takam, himat here tatap baya takam. Kude here nanan takam, nampan bawilah tuu puang uweng sunah erang kaulun teka here sa tuu-tuu tamasuk babuhan takam.

YUDAS 1:12

Hang tawuk naun ngulah pesta kuman, wangun kawan ulun yiru maka nua hang penah naun. Daya here kuman anri mauruh-maukan puang kaingkam umangan, nelang ekat mamenting diri raerai. Here kala awan sa natampuh riwut, kude puang ngulah uran. Here pada kala kakau wua sa puang mua, biar hentek musim wawuaan; kawan kakau wua sa haut nabunat wakatni nelang haut patei.