LUKAS 8:10 - KABAR MAEH MA HANYU JANJI WAU

¹⁰ Yesus nuing, “Naun haut kaiyuh pangamian nampan karasa rasia neu kala awe Alatalla marentah yalah Raja. Kude kawan ulun lain naajar makai rarapisan, nampan here mantaru, kude puang karasa inun sa jari; here nyanrengei, kude puang kataru.”

LUKAS 8:10 Iomraidhean Croise

MATIUS 11:25

Hang tawuk yiru Yesus badoa, “Ambah, Tuhan sa nguasa langit anri tane! Aku ngantuh tarima kasih ma hanyu daya katuluhni yiru naidimnu teka kawan ulun pandai nelang bailmu, kude hanyu nantarangni ma kawan ulun sa puang tapalajar.

MATIUS 16:17

“Bauntung tuu hanyu, Simon anak Yona!” eau Yesus, “Daya puang jaka murunsia sa iwara hal yiru ma hanyu, malengkan Ambahku hang surga.

MARKUS 4:11

Yesus balalu kaeau ma here, “Ma naun haut naami lelu nampan karasa rasia neu kala awe Alatalla marentah. Kude kawan ulun luar naajar makai rarapisan,

MARKUS 4:12

nampan ‘Here sagar saratang mantaru kude puang karasa inun sa jari, here sagar saratang nyanrengei, kude budas puang kataru, yiti jari nampan here ada kadinung ada kataru nelang ada hawi nunung Alatalla palus Alatalla ngampun here.’ ”

YOHANES 12:40

‘Aku nampehe matei here, ngampi kape atei here; nampan matei here puang tau kadinung, pikiran here ada kataru. Nampan here ada mulek nunung aku, balalu aku nyamare here.’ ”

ROMA 16:25

Tawat ma Alatalla! Hanye bakuasa ngampi kansing kaparisayaan naun manyu Kabar Maeh teka Alatalla sa nawaraku neu Yesus Kristus. Aku iwara kabar yiru manyu kala inun sa nalalea daya Alatalla; hanyeyiru neu ransana Alatalla sa haut baabad-abad lawahni puang ulun karasa.

1 KORINTUS 12:11

Katuluh yiru nakaraja daya Roh isa yiru pada; tiap ulun naami karunia ma hanye raerai manyu kabahumen Roh yiru raerai.

KOLOSE 2:2

Katuluhni yiti naulahku nampan atei here jari mansing nelang here ipasinta hampe here rantep mira baya. Anri kalayiru here tuu-tuu kataru nelang harap nelang kataru rasia Alatalla, hanyeyiru Kristus raerai.

1 TIMOTIUS 3:16

Puang uweng sunah erang kaulun sa kaiyuh nawan kalaawe hanteni rahasia agama takam: Hanye nantarang tenga hawuang wangun murunsia, nelang nakaku bujur daya Roh Alatalla, nelang nadinung daya kawan malekat. Kabar neu yiru nawara ma penah kawan bangsa, nelang hanye naparisaya hang litar dunia nelang naenat ma surga.