LUKAS 6:7 - KABAR MAEH MA HANYU JANJI WAU

⁷ Papire guru agama anri ulun Farisi hamen ngantilau kahalaen Yesus nampan tau mangadu hanye. Balalu here bahimat mambidik inun hanye sagar nyamare ulun hang anrau Sabat.

LUKAS 6:7 Iomraidhean Croise

MATIUS 5:39

Kude itati aku kaeau ma naun: ada iwaleh ma ulun sa ngulah jahat ma naun. Kabalikanni amun ulun nampar pahunu tuhi kawan, aret pada hanye nampar pahunu tuhi kawi.

MARKUS 3:2

Hang yiru naan kawan ulun sa hamen ngantara kahalaen Yesus, nampan tau mangadu hanye. Jari here saratang mambidik hanye inun hanye sagar nyamare ulun hang anrau Sabat?

LUKAS 13:14

Pamimpin lewu sumbayang yiru sangit, daya Yesus nyamare ulun hang anrau Sabat, daya yiru hanye kaeau ma kawan ulun, “Naan enem anrau pakai bagawi; hawileh hang kawan anrau yiru nampan nasamare, ada hang anrau Sabat!”

LUKAS 20:20

Balalu here ngantara kasampatan sa maeh. Here nyuruk ulun nampan kala wangun ulun sa bujur atei, palus nunyu kawan ulun yiru hanjabak Yesus makai kawan tuntian, nampan here kaiyuh nyarah hanye ma kawajiban nelang kakuasaan gubernur.

YOHANES 9:16

Papire teka ulun Parisi yiru kaeau, “Puang tau pada ulun sa ngulah kalayiru asalni teka Alatalla, daya hanye puang mahormat anrau Sabat.” Kude ulun lain kaeau, “Puang tau pada ulun sa badosa ngulah kaajaiban kalayiru?” Balalu timbul pandapat sa babeda hang sameh here.