LUKAS 5:3 - KABAR MAEH MA HANYU JANJI WAU

³ Yesus sungkat ma isa jukung, hanyeyiru jukung wat Simon, balalu nunyu hi Simon nyuun jukungni yiru lawit butit teka pampang. Yesus maharung hawuang jukung yiru balalu ngajar ulun rama.

LUKAS 5:3 Iomraidhean Croise

MATIUS 4:18

Tawuk Yesus ganjah takia hang iring Danau Galilea, hanye kadinung rueh kaulun pangenah, hanyeyiru hi Simon (sa naantuh pada hi Petrus) anri andini, hi Andreas. Here rahat malunta ngaiyuh kenah hang danau yiru.

MARKUS 3:10

Rama tuu ulun nasamare dayani, hampe katuluh ulun sa sakit bakajal ikalihik ngakali nyanrite hanye nampan kaiyuh ngawir hanye.

MARKUS 3:9

Daya kala yiru ramani kawan ulun yiru, balalu Yesus nunyu kawan ulun sa umba hanye nyadia jukung ma hanye, wule hanye die hipit daya kawan ulun rama yiru.

LUKAS 5:2

Yesus kadinung naan rueh jukung hang iring danau yiru; kawan ulun pangenah haut minau teka jukung yiru nelang rahat mui lunta here.

YOHANES 8:2

Hang anrau keatunini, kaiyat subuh Yesus tulak lagi ma Lewu Tuhan nelang rama ulun hawi nunung hanye. Yesus maharung, balalu mulai ngajar here.