LUKAS 4:6 - KABAR MAEH MA HANYU JANJI WAU

⁶ “Katuluh kakuasaan anri katatauen, yiti sagar nasarahku ma hanyu,” eau Iblis ma Yesus, “Daya katuluhni haut naami ma aku nelang aku tau ngamini ma hieleh sa aku hamen ngami.

LUKAS 4:6 Iomraidhean Croise

LUKAS 4:7

Katuluh yiru sagar jari miliknu, amun hanyu ijuku nyambah aku.”

YOHANES 12:31

Itati haut hampe wayahni dunia yiti naadili, itati panguasa dunia yena nasantumbang.

YOHANES 14:30

Aku puang sagar bapaner wahai lagi ma naun, daya haut hampe wayahni panguasa dunia yiti hawi. Kude hanye puang bakuasa hang ambau diriku.

YOHANES 8:44

Iblis yiru ambah naun, nelang naun nuu ngalut kabahumenni. Teka asal iblis yiru samula pamunu. Hanye puang suah umba hang kabanaran, daya kabanaran puang uweng hang hanye. Amun hanye ipusu, yiru wajar, daya samula kala yiru sifatni. Hanye mapusu nelang asal usul katuluh pusuan.

2 KORINTUS 11:14

Samula puang wauh amun here ngulah kalayiru, daya Iblis pada manyamar kala malekat piraai!

EPESUS 2:2

Hang tawuk yiru naun umba kawan kabiasaan dunia yiti; baarati naun ngalut nuu ma panguasa riwut-barat, hanyeyiru roh sa itati nguasa atei kawan ulun sa puang ngalut nuu ma Alatalla.

1 PETRUS 1:24

Hawuang Surat Barasis nasurat kalayiti, “Katantuluh ulun murunsia kala rikut, nelang kawan pihanteni kala wunge rikut. Rikut layu, wungeni balalu ruruh;

1 YOHANES 5:19

Takam karasa, takam milik Alatalla, biar katuluh dunia yiti hang kapit kuasa hi Jahat.

WAHYU 12:9

Naga hante yiru naumpe ma luar! Hanyeyiru anipe matueh, sa bangaran Iblis atawa Roh Jahat, sa nipu litar dunia. Hanye naumpe ma tane baya kawan malekatni.

WAHYU 13:2

Satua sa dinungku yiru wangunni kala angkudi puai, peeni kala pee wayuang, munyungni kala munyung singa. Balalu naga yiru ngami katingkasenni raerai ma satua yiru, nelang padudusan anri kuasani sa hante.

WAHYU 13:7

Hanye pada nalewa nawan kawan ulun wat Alatalla nelang nyantalau here. Nelang kuasa, hang ambau katuluh suku, negara, basa nelang bangsa naami ma hanye.