LUKAS 4:43 - KABAR MAEH MA HANYU JANJI WAU

⁴³ Kude Yesus kaeau, “Kabar Maeh neu kala awe Alatalla marentah harus aku iwara pada hang kawan tumpuk lain, daya neu yiru Alatalla ngutus aku ma dunia.”

LUKAS 4:43 Iomraidhean Croise

MATIUS 4:23

Hang Galilea Yesus bakaliling hang katuluh daerah. Hanye ngajar hang kawan lewu sumbayang nelang iwara Kabar Maeh neu Alatalla sagar marentah. Nelang hanye pada nyamare kawan ulun sa sakit nelang cacat.

MARKUS 1:35

Kaiyat anrauni, lagi maieng-ieng, Yesus ambuan balalu tulak nanan lewu. Hanye tulak hampi unengan suni hang luar tumpuk, balalu badoa hang yaru.

YOHANES 20:21

Balalu Yesus kaeau ma here hinra lagi, “Sanang salamat ma naun. Kala Ambah ngutus aku, kalayiru pada aku ngutus naun.”

YOHANES 9:4

Salawah magun kaanrau, takam harus ngulah pagawianni sa ngutus aku. Kamalem sagar hawi, nelang puang uweng sunah erang kaulun sa kaiyuh bagawi.

KESAH KAWAN RASUL 10:38

Naun karasa pada Alatalla haut midi Yesus Kristus ulun Nazaret yiru nelang ngami ma hanye Roh Alatalla anri kuasa. Naun karasa pada Yesus tulak maawe-awe lepuh ngulah ala maeh; hanye nyamare katuluh ulun sa nakuasa daya Iblis, daya Alatalla nyinrah hanye.

2 TIMOTIUS 4:2

Ware hanyu iwara Kabar teka Alatalla yiru, nelang saratang nuntut nampan ulun nyanrengeini, hau here hamen atawa puang. Ware hanyu ngampi harap tatuu ulun, nutui kahalaen, nelang ngami samangat ma here. Ajar ulun anri sabar.