LUKAS 4:15 - KABAR MAEH MA HANYU JANJI WAU

¹⁵ Hanye ngajar hang kawan lewu sumbayang, balalu katuluh ulun nawat hanye.

LUKAS 4:15 Iomraidhean Croise

MATIUS 4:23

Hang Galilea Yesus bakaliling hang katuluh daerah. Hanye ngajar hang kawan lewu sumbayang nelang iwara Kabar Maeh neu Alatalla sagar marentah. Nelang hanye pada nyamare kawan ulun sa sakit nelang cacat.

MATIUS 9:8

Tawuk ulun rama kadinung kajadian yiru, here bangat takut palus nawat nante Alatalla, daya Alatalla haut ngami kuasa kala yiru hanteni ma murunsia.

LUKAS 13:10

Hang hinra anrau Sabat, Yesus ngajar hang isa lewu sumbayang.

MARKUS 1:45

Kude ulun yiru tulak, nelang puang taduh haut nyarita kajadian yiru hang awe-awe hampe Yesus puang tau masuk ma tumpuk anri tarang-tarangan. Hanye ekat muneng hang luar tumpuk hang unengan suni. Kude ulun santar hawi nunung hanye teka maaru-maati.

MARKUS 1:39

Daya yiru maka Yesus tulak hampi maaru-maati litar Galilea, nelang bakhotbah hang kawan lewu sumbayang nelang ngusir kawan roh jahat.

MARKUS 1:27

Katuluh ulun wauh tatuu, hampe here kaeau anri sameh here, “Heheh, inun yiti? Isa pangajaran sa wau! Anri bapangaruh nelang kuasa hanye marentah kawan roh jahat kaluar, nelang here ngalut nuu parentahni!”

MATIUS 13:54

balalu mudi ma tumpuk natatni. Hang yaru hanye tulak ngajar hang lewu sumbayang, kawan ulun sa karengei hanye hang yiru, tuu wauh. Here kaeau, “Teka awe ulun yiti kaiyuh kapintaren kala yiru? Nelang hengka awe hanye kaiyuh kuasa pakai ngulah kawauhen?

MATIUS 9:35

Yesus tulak bakaliling teka tumpuk isa ma tumpuk sa lain nelang teka desa isa ma desa sa lain. Hanye ngajar hang kawan lewu sumbayang, nelang iwara Kabar Maeh neu kewangun Alatalla haut marentah kala Raja. Hanye nyamare kawan ulun sa ngaret wahai masam panyakit nelang cacat tenga.

LUKAS 4:16

Yesus tulak kamulek ma Nazaret, unengan nante-ngambau hanye. Hang anrau Sabat, manyu kabiasaanni hanye tulak ma lewu sumbayang. Hanye minri neu mambasa Surat Barasis,