LUKAS 3:11 - KABAR MAEH MA HANYU JANJI WAU

¹¹ Hi Yohanes nuing, “Ulun sa uweng rueh kalamar baju, harus ngami erang kalamar ma sa puang uweng baju nelang sukat ulun sa uweng anakuta, harus mambagini.”

LUKAS 3:11 Iomraidhean Croise

MATIUS 25:40

Raja yiru sagar nuing, ‘Wuah naun karasa: tawuk naun nampalus hal yiru biar ma erang kaulun teka kawan pulaksanaiku sa panga hina, baarati naun nampalusni ma aku!’

LUKAS 11:41

Sa naan hawuang piring anri mangkok yiru, yiru sa harus naami naun ma kawan ulun paua. Makai sara yiru, katuluhni sagar jari barasis ma naun.

LUKAS 18:22

Karengei kalayiru Yesus kaeau, “Magun naan isa hal sa harus naulahnu: Ari katuluh miliknu, ami duitni ma ulun paua, balalu hanyu sagar kaiyuh harata hang surga. Udiyiru hawileh umba aku.”

LUKAS 19:8

Dami haut hang lewuni, hi Zakheus minri palus kaeau ma Yesus, “Tuhan, saparu teka harataku sagar na sadakahku ma ulun paua; nelang hie sa suah wuah tipuku, aku sagar bayar kamulek ma hanye epat kali lipat!”

YOHANES 13:29

Naan sa minda Yesus nunyu hi Yudas midi ala sa naparlu ma pesta yiru, atawa ngami duit babutit ma kawan ulun paua – daya hi Yudas yiru panegei duit kas here.

KESAH KAWAN RASUL 10:2

Hanye erang kaulun sa takut ma Alatalla nelang katuluh kulawarga sumbayang ma Alatalla. Hanye ngarawah kawan ulun Yahudi sa paua nelang hanye saratang badoa ma Alatalla.

KESAH KAWAN RASUL 10:31

Hanye kaeau, ‘Kornelius! Alatalla haut narime doanu nelang kaitung pikaeh ateinu.

KESAH KAWAN RASUL 10:4

Hi Kornelius nantau malekat yiru nelang takut balalu kaeau, “Naan inun Tuan?” Malekat yiru kaeau, “Doanu nelang pikaeh ateinu haut natarime daya Alatalla balalu Alatalla ngitung hanyu.

EPESUS 4:28

Ulun sa patuh ngalat harus taduh ngalat. Kabalikanni hanye harus bagawi nampan kaiyuh napakahni anri jujur nelang kaiyuh ngarawah ulun sa bakakurangen.

1 TIMOTIUS 6:17

Ma kawan ulun sa tatau hang dunia yiti, ware hanyu ilaku nampan here ada sakah nelang ada harap ma kawan banda sa puang tatap – umpamani anri katatauen. Here harus harap ma Alatalla sa ngami alakatantuluh ma takam anri jubung nampan takam tau nguta makaini.

1 TIMOTIUS 6:18

Laku ma here nampan nantarang pikaeh, anri wahai ngulah ala maeh, matau, maeh atei nelang katuju ngami.

IBRANI 6:10

Alatalla puang Alatalla sa puang adil. Hanye puang wewung inun sa naulah naun ma hanye, nelang sinta sa natantarang naun ma hanye tawuk ngarawah kawan pulaksanai mira kaparisayaan, tawuk hie nelang itati.

YAKOBUS 1:27

Piutul ngalut baagama sa nuu manyu paninungen Alatalla Ambah hanyeyiru: ngarawah kawan iya anule pahatu anri kawan wawei walu sa welum hawuang kasusahen, nelang nyaga dirini nampan ada natanrusak daya dunia yiti.

YAKOBUS 2:14

Pulaksanai katuluh! Inun riranni ulun kaeau, “Aku ulun parisaya”, amun hanye puang nantarangni makai pagawianni? Inun tau parisaya kalayiru nyalamat hanye?

1 YOHANES 3:17

Amun erang kaulun sa welum hang kasukupen kadinung pulaksanaini bakakurangen, kude puang hamen ngarawah pulaksanaini yiru, kewangun ulun yiru tau kaeau hanye sinta Alatalla?

1 YOHANES 4:20

Amun naan sa kaeau, “Aku sinta Alatalla,” kude puang sinta ma pulaksanaini, ulun yiru mapusu. Daya ulun sa puang sinta ma pulaksanai sa nadinungni, puang maka hanye tau sinta ma Alatalla sa puang hanye kadinung.