LUKAS 23:7 - KABAR MAEH MA HANYU JANJI WAU

⁷ Dami nawara, Yesus baasal teka daerah sa naan hang kapit kuasa Herodes, hi Pilatus ngirim Yesus nunung hi Herodes, sa tawuk yiru naan pada hang Yerusalem.

LUKAS 23:7 Iomraidhean Croise

MATIUS 14:1

Hang jaman yiru hi Herodes, panguasa daerah Galilea, karengei neu Yesus.

MATIUS 14:3

Daya dahulu teka yiru hi Herodes nunyu nyamba hi Yohanes nelang nuruk hanye palus namasuk hanye mawuang panjara. Hi Herodes ngulah kalayiru daya gana sual Herodias, matueh wawei pulaksanaini, hanyeyiru hi Filipus.

MATIUS 14:6

Tawuk hi Herodes pesta anrau ulang tahunni, anak Herodias wawei nanrik hang hadapan ulun rama. Tanrikni yiru tuu maeh ngampi sanang atei Herodes,

MARKUS 6:14

Kawan kabar neu katuluh kajadian yiru hampe pada ma Raja Herodes, daya ngaran Yesus haut tawantar hang awe-awe. Naan ulun kaeau, “Hi Yohanes Pambaptis haut welum kamulek! Daya yiru hanye uweng kuasa ngulah kaajaiban yiru.”

LUKAS 13:31

Hang tawuk yiru pada, naan papire ulun Farisi hawi nunung Yesus balalu kaeau, “Ada muneng hang yiti! Hulu ma unengan lain, daya hi Herodes ngaheng munu hanyu.”

LUKAS 23:6

Tawuk hi Pilatus karengei yiru hanye nunti, “Inun ulun yiti ulun Galilea?”

LUKAS 3:1

Hang taun kalima walas teka pamarentahan Kaisar Tiberius, Pontius Pilatus jari gubernur hang Yudea, nelang hi Herodes marentah hang Galilea. Hi Filipus, pulaksanai wat Herodes marentah hang wilayah Iturea anri Trakhonitis, nelang hi Lisanias marentah hang Abilene.

LUKAS 9:7

Tawuk hi Herodes, sa marentah hang Galilea, karengei neu katuluh kajadian yiru, hanye bingung. Daya naan sa kaeau himat hi Yohanes Pambaptis haut welum kamulek.

KESAH KAWAN RASUL 4:27

Daya samula hi Herodes anri hi Pontius Pilatus haut ngulah partemuan anri kawan ulun sa puang kataru Tuhan nelang anri kawan ulun Israel hang tumpuk yiti. Here bakumpul nampan nawan Yesus walahnu sa barasis yiru sa haut naangkatnu jari Raja Panyalamat.