LUKAS 23:4 - KABAR MAEH MA HANYU JANJI WAU

⁴ Balalu eau Pilatus ma kawan imam kapala anri ulun rama yiru, “Aku puang kahaba sunah isa kahalaen hang ulun yiti nampan nukum hanye.”

LUKAS 23:4 Iomraidhean Croise

MATIUS 27:19

Tawuk hi Pilatus rahat maharung hang balai pangadilan, daranganni ipesen kalayiti ma hanye, “Ada hanyu sampur pakara ulun sa puang bakahalaen yiru, daya gana hanye, aku nganupi sa maka tatakut anrau yiti.”

MARKUS 15:14

“Kude inun kajahatenni?” tunti Pilatus. Balalu here kaeau lagi labis mehet, “Balasangar hanye!”

LUKAS 23:22

Balalu ma katelu kalini hi Pilatus ikakehet pantane ma here, “Kude inun kahalaenni? Aku puang kahaba sunah isa kahalaen hang hanye sa patut nahukum anri hukuman mati! Aku sagar ngakasah hanye, balalu napas hanye.”

YOHANES 18:38

Hi Pilatus nunti ma hanye, “Inun aratini kapinuu?” Balalu hi Pilatus kaluar lagi teka istana palus kaeau ma kawan ulun Yahudi, “Aku puang kahaba sunah isa kahalaen hang hanye.

KESAH KAWAN RASUL 25:25

Kude aku puang kahaba sunah isa sa haut naulahni sa tau nahukum anri hukuman mati. Nelang daya gana hanye raerai haut ilaku nampan pakarani naadili hang pangadilan Kaisar, aku haut nukas nampan ngirim hanye ma Kaisar.

KESAH KAWAN RASUL 3:13

Alatalla sa nasambah daya Abraham Ishak, Yakub, Alatalla datu nini takam, Alatalla yiru haut ngampi mulia walahni, hanyeyiru Yesus. Yesus yiru sa nasarah daya naun ma kawan panguasa nelang sa nalawan daya naun hang hadapan hi Pilatus, tawuk hi Pilatus hamen napas hanye.

IBRANI 7:26

Jari, Yesus yiru Imam Hante sa naparlu daya takam. Hanye barasis; hang hanye budas puang uweng kahaba kahalaen atawa dosa, hanye napisah teka kawan ulun badosa, nelang naenat hampe ma unengan sa labis ambau teka kawan langit.

1 PETRUS 1:19

malengkan sa tuu baharaga; hanyeyiru diri Kristus raerai, sa jari yalah babiri neu parapah ma Alatalla anri puang uweng nawada atawa bere.

1 PETRUS 2:22

Hanye puang suah ngulah dosa, nelang puang suah sunah erang kaulun karengei hanye ipusu.

1 PETRUS 3:18

Daya Kristus raerai ekat hinra matei, ma kalalawahni daya gana dosa murunsia – erang kaulun sa puang uweng kahalaen, matei ma ulun sa bakahalaen. Kristus nampalus yiru nampan hanye kaiyuh nganyak naun nunung Alatalla. Hanye nawunu manyu daging, kude nasamelum kamulek manyu roh.