LUKAS 22:2 - KABAR MAEH MA HANYU JANJI WAU

² Kawan imam kapala anri kawan guru agama rahat ngantara lalan nampan munu Yesus anri suni-suni, daya here takut ma ulun rama.

LUKAS 22:2 Iomraidhean Croise

MATIUS 12:14

Kude kawan ulun Parisi nanan lewu sumbayang yiru, balalu mapakat neu munu Yesus.

MATIUS 21:38

Kude dami kawan ulun sa ngaraja kabun yiru kadinung anak tuan tane yiru, here kaeau, ‘Nah, ina hanye, ahli warisni. Hayu takam munu hanye, nampan takam kaiyuh warisanni!’

MATIUS 26:2

“Naun karasa rueh anrau lagi Hari Raya Paskah, nelang Anak Murunsia sagar nasarah nampan nabalasangar!”

MARKUS 14:1

Rueh anrau lagi Anrau Paskah nelang Parayaan Rote Puang Baragi. Kawan imam kapala anri kawan guru agama rahat ngantara lalan neu nyamba Yesus anri suni-suni, nampan munu hanye.

LUKAS 20:19

Kawan guru agama anri kawan imam kapala kataru himat rarapisan yiru natuju Yesus ma here. Daya yiru here ngunu nyamba hanye tawuk yiru jua, kude here takut ma ulun rama.

YOHANES 11:57

Here kaeau kalayiru daya kawan imam kapala anri kawan ulun Parisi haut ngaluar parintah hie ulun sa karasa hang awe Yesus naan, harus malapor nampan hanye tau najamba.

KESAH KAWAN RASUL 4:27

Daya samula hi Herodes anri hi Pontius Pilatus haut ngulah partemuan anri kawan ulun sa puang kataru Tuhan nelang anri kawan ulun Israel hang tumpuk yiti. Here bakumpul nampan nawan Yesus walahnu sa barasis yiru sa haut naangkatnu jari Raja Panyalamat.