LUKAS 21:8 - KABAR MAEH MA HANYU JANJI WAU

⁸ Yesus kaeau, “Hati-hati, ada hampe naun wuah tipu. Rama ulun sagar hawi makai ngaranku, nelang kaeau, ‘Aku yiti Tuhan!’ nelang ‘Wayahni haut hampe.’ Kude ada naun umba here.

LUKAS 21:8 Iomraidhean Croise

MATIUS 24:11

Rama kawan nabi palasu sagar hawi, palus nipu ulun rama.

MATIUS 3:2

“Ware naun batobat teka kawan dosa naun,” eauni, “daya puang lawah lagi Alatalla sagar marentah kala Raja!”

MATIUS 4:17

Nuku hengka tawuk yiru Yesus kaeau, “Ware batobat teka kawan dosa naun, daya puang lawah lagi Alatalla marentah kala Raja!”

LUKAS 17:23

Yati ulun sagar kaeau ma naun, ‘Dinung, hang yiru!’ atawa ‘Dinung, hang yiti!’ Kude ada naun kaluar ngantilau hanye.

LUKAS 21:7

Here nunti ma Yesus, “Guru, hantamian hal yiru die tulus? Kamulek inun tandani amun haut hampe wayahni hal yiru die tulus?”

LUKAS 21:9

Ada pada takut amun naun karengei kabar neu paparangan anri pambaruntakan. Katuluhni yiru harus jari dahulu. Kude yiru puang baarati haut hampe wayahni kiamat.”

YOHANES 5:43

Aku hawi makai kuasa Ambahku, kude naun puang narime aku. Kude amun ulun lain hawi makai kuasani raerai naun narime hanye.

YOHANES 8:24

Yiru sababni aku kaeau ma naun naun sagar matei hawuang kawan dosa naun. Nelang samula naun sagar matei hawuang kawan dosa naun, amun puang parisaya sa ‘aku hanyeyiru hanye sa naantuh AKU NAAN’.”

YOHANES 8:28

Daya yiru Yesus kaeau ma here, “Die amun naun haut nginrik Anak Murunsia, naun sagar karasa sa aku hanyeyiru hanye sa naantuh AKU NAAN, nelang naun sagar karasa puang uweng sunah isa, sa naulahku teka diriku raerai. Aku ekat kaeau inun sa naajar Ambah ma aku.

1 KORINTUS 6:9

Inun naun karasa kawan ulun sa puang nuu ngalut kabahumen Alatalla, puang sagar jari ulun wat Alatalla? Ada tatipu! Kawan ulun sa ngulah hal sa murun, kawan ulun sa nyambah barhala, sa idapa, sa nampalus kawan ulahan sa ngamangan anri sasameh jenisni,

EPESUS 5:6

Ada naun tatipu daya kawan papaneran sa ang bariran. Daya gana kawan hal yiti sa nimbul karikangen Alatalla nadap kawan ulun sa puang ngalut nuu ma hanye.

2 TESALONIKA 2:3

Biar kalaaweleh, ada budas hakun ulun nipu naun. Daya kapihuan Anrau yiru hawi, harus labis dalulu naan jari kalayiti: Rama ulun sagar marutad, puang mangaku Kristus; nelang Murunsia Jahat sa natukas neu masuk ma naraka, sagar hawi.

2 TIMOTIUS 3:13

kude kawan ulun sa jahat anri kawan ulun panipu sagar magin batambah jahat. Here nipu ulun lain padahal here raerai tatipu pada.

1 YOHANES 4:1

Kawan pulaksanai sa nasinta! Ada parisaya ma katuluh ulun sa mangaku naan Roh Alatalla, kude ware naun nguji here dahulu nampan ngarasa inun roh sa naan hang here yiru hawini teka Alatalla atawa puang. Daya rama kawan nabi palasu sa bakaliaran hang awe-awe.

2 YOHANES 1:7

Rama kawan panipu sa haut bahamuran hang litar dunia. Here hanyeyiru kawan ulun sa puang mangaku Yesus Kristus hawi ma dunia yalah erang kaulun murunsia. Ulun sa kalayiru hanyeyiru panipu, nelang Musuh Kristus.

WAHYU 1:3

Salamat ulun sa mambasa nelang ulun sa nyanrengei kabar tujum buku yiti nelang ngalut nuu ma kawan sa nasurat hawuangni. Daya puang lawah lagi katantuluhni yiti sagar bakajadian.

WAHYU 12:9

Naga hante yiru naumpe ma luar! Hanyeyiru anipe matueh, sa bangaran Iblis atawa Roh Jahat, sa nipu litar dunia. Hanye naumpe ma tane baya kawan malekatni.