LUKAS 20:10 - KABAR MAEH MA HANYU JANJI WAU

¹⁰ Tawuk haut wayah mutik wua anggur, ampun kabun yiru ngirim palayanni ma kawan ulun ngakarun yiru nampan narime bagianni. Kude kawan ulun ngakarun yiru ngahanangen palayan yiru palus nunyu hanye mudi anri wawelang.

LUKAS 20:10 Iomraidhean Croise

LUKAS 13:34

Yerusalem, Yerusalem! Kawan nabi nawununu! Kawan utusan Alatalla pedaknu makai watu hampe matei! Haut pire kali aku ngaheng ngaeh maluk katuluh panduduknu kala manu paunan nyalindung kawan anakni hang kapit elatni, kude hanyu puang hamen!

LUKAS 20:11

Balalu ampun kabun yiru ngirim lagi erang kaulun palayan sa lain; kude palayan yiru pada nakahanangen nelang nahina daya kawan ulun ngakarun yiru, balalu nahuyu mudi anri wawelang.

LUKAS 20:9

Yesus nyarita ma kawan ulun yiru, rarapisan kalayiti, “Naan erang kaulun ngamule anggur hang erang kalamar kabun. Hanye pisewa kabun yiru ma papire kaulun ngakarun balalu tulak ma negeri lain nelang lawah muneng hang yaru.

YOHANES 15:16

Puang naun sa midi aku. Aku sa midi naun, nelang nunyu naun tulak nampan bawua wahai – kawan wua sa puang tau binasa. Balalu Ambah sagar ngami ma naun inunleh sa nalaku naun teka hanye makai ngaranku.

ROMA 7:4

Kalayiru pada halni anri naun, pulaksanaiku katuluh. Ma hukum agama Yahudi naun haut matei, daya naun haut natamaya anri tenga Kristus nelang jari ulun watni sa haut nasamelum kamulek teka pampatei. Hanye nasamelum teka pampatei nampan takam tuu bariran ma Alatalla hawuang pamelum takam.