LUKAS 2:7 - KABAR MAEH MA HANYU JANJI WAU

⁷ Hanye ngayaan erang kaulun iya upu, anakni sa taraulu. Anak yiru nabungkusni makai kain, balalu naelahni hawuang dulang sa mahuang riumi; daya here puang kahaba unengan manginap.

LUKAS 2:7 Iomraidhean Croise

MATIUS 1:25

Kude salawah hi Maria huan ngayaan iyani yiru, hi Yosef puang mira anre anri hi Maria. Dami iya yiru nakayaan, hi Yosef ngampungaranni Yesus.

MATIUS 13:55

Angneh hanye yiti anak tukang kayu? Angneh hi Maria yiru inehni; nelang kawan pulaksanaini hanyeyiru hi Yakobus, hi Yosef, hi Simon, anri hi Yudas?

MATIUS 8:20

Yesus nuing, “Sarigala uweng liang, wurung uweng hanai, kude Anak Murunsia puang uweng paunenganni mangkading.”

LUKAS 10:34

Balalu hanye nyanrite ulun yiru balalu ngabarasis kawan batanni makai anggur palus naobatni makai minyak, udi yiru kawan batan yiru nababatni. Udi yiru hanye ngenat ulun yiru maambau kaledaini, balalu nginsing hanye ma isa losmen palus marawat hanye.

LUKAS 2:6

Tawuk here hang Betlehem hampe wayahni ma hi Maria kayaan.

LUKAS 2:8

Hang malem yiru naan kawan pakatik rahat nyaga kawan babirini hang padang rikut hang daerah yiru.

YOHANES 1:14

Firman yiru haut jari murunsia, hanye muneng hang penah takam, nelang takam haut kadinung pihante muliani. Pihante mulia yiru natarimeni yalah anak tungkan Ambah. Mitah hanye takam kadinung Alatalla nelang ahi leloni ma takam.

2 KORINTUS 8:9

Daya naun batantu tuu karasa takam yiti nasinta tatuu daya Yesus Kristus Tuhan takam. Hanye tatau, kude hanye ngulah tengani jari paua neu ma kapantingan naun, nampan makai pipauani yiru, naun jari tatau.

GALATIA 4:4

Kude hang tawukni sa pas tuu, Alatalla ngutus Anakni ma dunia. Anakni yiru nakayaan daya erang kaulun wawei nelang welum hang kapit kuasa hukum agama.