LUKAS 19:12 - KABAR MAEH MA HANYU JANJI WAU

¹² Yesus kaeau, “Naan erang kaulun bangsawan sa tulak ma negeri lawit neu nadudus jari raja, udi yiru hanye mudi lagi.

LUKAS 19:12 Iomraidhean Croise

MATIUS 21:38

Kude dami kawan ulun sa ngaraja kabun yiru kadinung anak tuan tane yiru, here kaeau, ‘Nah, ina hanye, ahli warisni. Hayu takam munu hanye, nampan takam kaiyuh warisanni!’

MATIUS 28:18

Yesus nyanrite here, palus kaeau, “Katantuluh kuasa hang surga nelang hang ambau tane haut naami ma aku.

MARKUS 12:1

Kamulek Yesus mulai bapaner makai rarapisan ma kawam imam kapala, kawan guru agama anri kawan pamimpin Yahudi yiru. Yesus kaeau, “Naan erang kaulun ngamule anggur hang erang kalamar kabun, balalu ngulah pagar kalilingni. Udi yiru hanye ngadi luwang uneng ngameh anggur, balalu hanye ngapinri isa sani unengan panganrean. Udi yiru hanye ngakarun kabun anggur yiru ma papire kaulun sa ngarajani balalu hanye tulak hampi daerah lain.

MARKUS 16:19

Udi Tuhan Yesus bapaner anri here, hanye mihemuk ma surga. Hang yaru hanye marentah baya anri Alatalla.

LUKAS 20:9

Yesus nyarita ma kawan ulun yiru, rarapisan kalayiti, “Naan erang kaulun ngamule anggur hang erang kalamar kabun. Hanye pisewa kabun yiru ma papire kaulun ngakarun balalu tulak ma negeri lain nelang lawah muneng hang yaru.

LUKAS 24:51

Rahat hanye ngulah yiru, hanye paenat ma surga balalu tapisah teka here.

YOHANES 18:37

Balalu hi Pilatus nunti ma hanye, “Amun kalayiru, hanyu raja?” Yesus nuing, “Hanyu sa kaeau aku yiti raja. Aku nakayaan nelang hawi ma dunia anri isa tujuan, hanyeyiru ngami kasaksian neu kapinuu. Ulun sa teka kapinuu yiru nyanrengei aku.”

KESAH KAWAN RASUL 17:31

Daya hanye haut nukas die hang hinra tawuk sagar mangadili katuluh dunia yiti anri adil. Tugas yiru sagar natampalus daya erang kaulun sa haut napidi daya Alatalla neu yiru. Nelang nampan katuluh ulun yakin neu hal yiru, Alatalla haut nyamelum mulek ulun yiru teka pampatei!”

1 KORINTUS 15:25

Kristus harus tatap marentah hampe Alatalla ngulah katuluh musuh Kristus talau anri Kristus.

IBRANI 9:28

Kalayiru pada Kristus ekat hinra nasarah yalah parapah nampan muhut dosa rama ulun. Hanye sagar hawi lagi ma karueh kalini, puang neu nyanyumpuh parsualan dosa, kude neu nyalamat kawan ulun sa nganrei pihawianni.

1 PETRUS 3:22

nelang haut mihembuk ma surga. Itati hanye bakuasa baya anri Alatalla nelang marentah katuluh malekat, katuluh panguasa nelang katuluh kakuaten.

WAHYU 1:7

Dinung, hanye hawi nasalehup rakun! Katuluh ulun sagar kadinung hanye, tamput pada kawan here sa haut nyuduk hanye. Katuluh bangsa hang ambau tane sagar nangis gana hanye. Hiai, himat tuu! Amen!