LUKAS 17:1 - KABAR MAEH MA HANYU JANJI WAU

¹ Yesus kaeau ma kawan ulun sa umba hanye, “Kawan hal sa ngulah sabab ulun badosa himat sagar naan. Kude silaka ulun sa ngulah sababni!

LUKAS 17:1 Iomraidhean Croise

MATIUS 16:23

Yesus ikulik balalu kaeau ma hi Petrus, “Hulu teka yiti, tukang purija! Hanyu nahalang aku. Pikirannu yiru pikiran murunsia, puang pikiran Alatalla!”

MATIUS 18:7

Tuu silaka dunia yiti daya gana kawan hal sa ngulah sabab ulun badosa. Samula hal sa kalayiru sagar saratang naan, kude silaka ma ulun sa ngulah sabab ulun badosa.

LUKAS 16:31

Kude hi Abraham kaeau, ‘Amun here puang paraduli parentah Moses anri kawan nabi, himat here puang sagar parisaya jua, walaupun naan ulun matei welum mulek.’ ”

ROMA 14:13

Daya sabab yiru ada takam ipamada-pangampihala. Likan patut ngakali nampan naun puang ngulah hal sa tau nyantawang pulaksanai mira kaparisayaan tagoda palus badosa.

ROMA 16:17

Pulaksanai katuluh! Aku laku tatuu: Wuah naun hati-hati nadap kawan ulun sa ngulah pirawekan nelang mangacau kaparisayaan ulun ma Tuhan. Hal yiru balawanan anri inun sa haut naajar ma naun. Sanawit tenga teka kawan ulun kala yiru.

1 KORINTUS 10:32

Ware naun welum anri mamaeh hampe naun puang jari sabab ulun lain ngulah dosa; inun here ulun Yahudi atawa puang Yahudi, atawa ungkup Alatalla.

1 KORINTUS 11:19

Samula pipatutni pada timbul pirawekan hang penah naun, nampan die lentah dinung hie-hie ulun Kristen sajati.

1 KORINTUS 8:13

Yiru sababni, amun kutaen ngulah pulaksanaiku badosa, himat aku puang budas sagar nguta daging lagi. Daya takut pulaksanaiku badosa daya gana aku.

1 TIMOTIUS 4:1

Roh Alatalla anri putes kaeau hang kawan anrau hanrian, meheni ulun sagar marutad, puang mangaku Kristus. Here sagar ngalut nuu ma kawan roh sa nyantawang nelang ngalut kawan ajaran roh jahat,

WAHYU 2:14

Kude biar kalahie, naan papire hal sa puang wuah katujuenku hang naun: Naan meheni teka naun umba inun sa naajar daya Bileam. Hi Bileam ngajar hi Balak kewangun nampan kaiyuh nyanawu ulun Israel ma wuang dosa; anri nuntut here nguta kutaen sa haut nasarah ma barhala nelang idapa ibela.

WAHYU 2:20

Kude iti kabaratanku anri naun, hanyeyiru naun hirut atei ma hi Izabel, wawei sa mangaku hanye huyuan Alatalla. Haut rama kawan walahku sa natipuni nelang naajarni idapa ibela anri nguta kutaen sa haut nasarah ma barhala.