LUKAS 16:9 - KABAR MAEH MA HANYU JANJI WAU

⁹ Balalu Yesus pantane lagi, eauni, “Rengei! Pakaileh panatau dunia yiti pakai ngaiyuh hengau, nampan amun panatau dunia yiti haut puang baharaga lagi, naun sagar natarime hang unengan muneng sa kalalawah.

LUKAS 16:9 Iomraidhean Croise

MATIUS 19:21

Yesus kaeau ma hanye, “Amun hanyu hamen jari paruna, hulu ari katuluh milik hartanu. Balalu duitni ami ma ulun paua, maka hanyu sagar kaiyuh harata hang surga. Udi yiru hanyu umba aku!”

MATIUS 6:19

“Ada ngumpul harata ma diri naun hang dunia, hang unengan kametei anri tagar tau nanrusakni kamulek maling tau hawi ngalatni.

MATIUS 6:24

“Puang uweng sunah erang kaulun tau bagawi ma rueh majikan. Daya hanye sagar labis sinta sa isa, teka sa lain. Atawa hanye sagar labis satia ma majikan sa isa, teka ma sa lain. Kala yiru pada naun. Naun puang tau bagawi ma Alatalla nelang ma harata banda pada.

LUKAS 11:41

Sa naan hawuang piring anri mangkok yiru, yiru sa harus naami naun ma kawan ulun paua. Makai sara yiru, katuluhni sagar jari barasis ma naun.

LUKAS 12:33

Ari milik haratanu nelang duitni ami ma ulun paua. Ulah ma dirinu dompet sa puang tau rusak, hanyeyiru harata sa nasimuh hawuang surga. Harata yiru puang tau wawai daya maling puang tau ngalapni nelang kametei puang tau nanrusakni.

LUKAS 14:14

Hanyu sagar naberkat, daya kawan ulun yiru puang sagar kaiyuh iwaleh pikaehnu. Pikaehnu sagar nawaleh daya Alatalla hang tawuk kawan ulun sa maeh naele kamulek teka pampatei.”

LUKAS 16:11

Jari, amun neu panatau dunia yiti naun haut puang tau naparisaya, hie hamen ngami kaparisayaan ma naun panatau rohani?

LUKAS 16:13

Puang sunah erang kaulun tau bagawi ma rueh kaulun majikan; daya hanye sagar diwi sinta saisa teka sa lain, atawa hanye sagar diwi satia ma majikan saisa teka sa lain. Kalayiru pada anri naun. Naun puang tau bagawi ma Alatalla nelang ma harata banda pada.”

LUKAS 16:4

Aku naan akal; amun aku haut nasantaduh, aku harus uweng rama hengau sa hamen nampung aku hang lewu here!’

KESAH KAWAN RASUL 10:31

Hanye kaeau, ‘Kornelius! Alatalla haut narime doanu nelang kaitung pikaeh ateinu.

KESAH KAWAN RASUL 10:4

Hi Kornelius nantau malekat yiru nelang takut balalu kaeau, “Naan inun Tuan?” Malekat yiru kaeau, “Doanu nelang pikaeh ateinu haut natarime daya Alatalla balalu Alatalla ngitung hanyu.

2 KORINTUS 4:17

Nelang kasusahen sa puang sabarapa yiti, ekat erang pitus naingkam kami, sagar ngami hasil ma kami isa kasanangen sa luar biasa nelang palus ma kalalawah. Kasanangen yiru labis hante amun nabanding anri kasusahen yiru.

YUDAS 1:21

nelang welum saratang hawuang salindungan sinta Alatalla salawah naun nganrei lelu Yesus Kristus Tuhan takam, sa sagar ngami ma naun pamelum sajati palus kalalawah.