LUKAS 16:2 - KABAR MAEH MA HANYU JANJI WAU

² Balalu hanye nerau pagawai kauangan yiru palus kaeau, ‘Inun yiti sa rengeiku neu hanyu? Itati, sarah ma aku laporan lengkap neu pagawianu ngurus panatauku. Hanyu puang iyuh lagi jari pagawai kauanganku.’

LUKAS 16:2 Iomraidhean Croise

MATIUS 12:36

Jari, ingat: hang Anrau Kiamat, satiap ulun harus batanggung jawab neu tiap lengan pantaneni sa puang bariran.

MATIUS 20:8

Dami anrau haut kariwe ampun kabun anggur yiru kaeau ma mandurni, ‘Herau kawan ulun bagawi yiru bayar upa here maisasaan, nuku teka ulun sa pangahanrianni hampe sa pangadahuluni masuk bagawi.’

LUKAS 12:20

Kude Alatalla kaeau ma hanye, ‘O ulun lunga! Malem yiti jua hanyu sagar matei, balalu hie sa sagar kaiyuh katuluh panatau sa haut nakumpulnu ma dirinu yiru?’

LUKAS 12:42

Tuhan nuing, “Hie palayan sa satia nelang maharati hampe hanye naangkat daya tuanni jari kapala kawan palayan lain nampan hanye ngami here kutaen hang tawukni?

LUKAS 16:1

Yesus kaeau ma kawan ulun sa umba hanye, “Naan erang kaulun tatau. Hanye uweng erang kaulun pagawai kauangan sa ngurus panatauni. Ulun tatau yiru kaiyuh laporan neu pagawai kauanganni ngawilanja duitni.

LUKAS 16:3

Balalu pagawai kauangan yiru bapikir, ‘Inun sa harus naulahku itati? Tuanku ngunu nyantaduh aku. Manyangkul, aku puang kaule, laku sadakan aku umangan.

ROMA 14:12

Jari tiap takam maisasaan harus mananggung jawab katuluh pagawian takam ma Alatalla.

1 KORINTUS 1:11

Daya kawan ulun teka kulawarga Kloë iwara ma aku naan pirawekan hang penah naun.

1 KORINTUS 4:2

Samambatang isa nalaku teka palayan sa kalayiru hanyeyiru, hanye harus satia ma tuanni.

1 KORINTUS 4:5

Daya yiru, amun huan hampe waktuni, ada naun hinang nukas ulun naan kahalaen atawa puang. Anrei hampe Tuhan hawi yati. Hanye sa sagar nguka katuluh rahasia sa padina hang piieng. Hanye sa sagar mungkar katuluh kunuan sa baidim hawuang atei murunsia. Hang tawuk yiru, wau tiap ulun narime pujian teka Alatalla sa patut natarimeni.

2 KORINTUS 5:10

Daya himat takam katuluh sagar nainsing ma hadapan pangadilan Kristus, nelang takam maisasaan sagar kaiyuh balasan satimpal anri pagawianni hang dunia yiti-pagawian sa maeh atawa sa jahat.

1 TIMOTIUS 4:14

Ada hanyu puang makai pangamian teka Alatalla sa naami ma hanyu hang tawuk kawan pamimpin ungkup hanrapak tangan here hang ambau ulunu, nelang kawan nabi nampe pesen Alatalla neu dirinu.

1 TIMOTIUS 5:24

Dosa mehe ulun, kapihuan naadili, haut dinung anri batantu tuu. Kude dosa ulun lain wau rasa hanrian udiyiru.

1 PETRUS 4:10

Naun maisasaan haut narime kawan pangamian balain-lain teka Alatalla. Daya yiru kala pangurus sa maeh teka kawan pangamian Alatalla, ware naun makai kamampuan yiru neu ma kaparluan katuluh.

1 PETRUS 4:5

Kude hanrian here harus ngami partanggungan jawab ma Alatalla sa haut sadia neu mangadili ulun welum, ulun matei.

WAHYU 20:12

Kamulek aku kadinung kawan ulun matei hante rumis, minri hang hadapan padudusan yiru. Balalu kawan buku nauka, balalu naan isa buku sa lain pada nauka, hanyeyiru Buku Ulun Welum. Udiyiru hukuman nasanawu ma ulun matei, susuk kala ulah gawi here manyu kala sa naan nasatat hawuang kawan buku yiru.