LUKAS 13:21 - KABAR MAEH MA HANYU JANJI WAU

²¹ Kaadaanni kala ragi sa naalap daya erang kaulun wawei balalu nakalut anri epat pulu liter tepung, hampe kamer katuluhni.”

LUKAS 13:21 Iomraidhean Croise

MATIUS 13:33

Naan isa rarapisan lain sa nasarita Yesus ma ulun rama. “Amun Alatalla marentah, kaadaanni sameh kala ragi sa naalap daya erang kaulun wawei, balalu nakalut anri epat pulu liter tepung gandum hampe kamer katuluhni!”

LUKAS 13:20

Hinra lagi Yesus nunti, “Amun Alatalla marentah, anri inun aku tau mambanding kaadaanni?

YOHANES 15:2

Tiap raan hang aku sa puang mua, tetekni, kude tiap raan sa bawua, natangkurang rawenni nelang nabarasisni nampan wuani labis wahai lagi.

YOHANES 4:14

“kude ulun sa nguut ranu sa sagar naamiku, puang tau malah lagi hampe ma kalalawah. Daya ranu sa sagar naamiku yiti sagar jari matei ranu hawuang dirini sa mareh ma luar nelang ngami ma hanye pamelum sajati palus ma kalalawah.”

1 KORINTUS 5:6

Puang maeh naun kaingkam sakah. Tau pada naun haut kataru paribasa yiti, “Ragi sa hena butit ngulah adonan kamer!”

PILIPI 1:6

Alatalla raerai sa nuku pagawian sa maeh yiru hang naun, nelang aku harap hanye sagar nampalus pagawian yiru hampe jumpuh hang Anrau Kristus Yesus hawi kamulek.

YAKOBUS 1:21

Daya yiru, umpe kawan pidasaran sa bere nelang jahat. Tarime anri randah atei lengan sa naamule daya Alatalla hang wuang atei naun, daya lengan yiru ngami kakuaten neu nyanepah naun.