LUKAS 12:5 - KABAR MAEH MA HANYU JANJI WAU

⁵ Wuah aku nutui ma naun hie sa harus natakut daya naun. Takut ma Alatalla! Daya udi munu, hanye bakuasa pada ngumpe mawuang naraka! Parisayaleh, ekat hanye sa harus natakut daya naun.

LUKAS 12:5 Iomraidhean Croise

MATIUS 10:28

Ada takut ma here sa munu tenga, kude puang bakuasa munu amirue. Ware takut ma Alatalla sa bakuasa ngabinasa hau tenga atawa amirue hang naraka.

MATIUS 25:41

Balalu raja yiru sagar kaeau ma kawan ulun hang tiba kawini, ‘Hulu teka yiti, jahanam! Masuk mawuang apui sa puang tau pare, sa haut nasadia ma Iblis anri kawan malekatni!

MATIUS 25:46

Balalu kawan ulun yiru sagar nahukum kalalawahni, kude kawan ulun sa nampalus kabahumen Alatalla sagar kaingkam pamelum sa sajati nelang palus ma kalalawah.”

MATIUS 5:22

Kude itati aku kaeau ma naun, hie-hie sa sangit anri ulun lain, hanye sagar naadili; kamulek hie-hie sa ngutuk ulun lain, harus naadili hang hadapan Pangadilan Agama. Nelang hie-hie sa kaeau ma ulun lain, ‘Bungul,’ sagar naumpe mawuang apui naraka.

MARKUS 13:23

Jari, hati-hati! Katantuluhni yiru haut nawaraku ma naun kapihuan hal yiru jari.”

1 TESALONIKA 4:6

Hang hal sa kalayiru, ada sunah erang kaulun ngulah hala ma pulaksanaini, atawa nipu hanye. Yari kami haut bahimat ngampi itung naun, neu Tuhan sagar nukum kawan ulun sa ngulah kawan kahalaen sa kalayiru.

IBRANI 10:31

Tuu leha maka sanringinenni amun lawu ma tangan Alatalla Sa Welum!

2 PETRUS 2:4

Kawan malekat sa badosa sika puang Alatalla ngaret lapas teka hukuman, malengkan naumpe mawuang neraka. Here natamasuk mawuang labak sa maieng nampan natahan hang yaru hampe Anrau Pangadilan.

WAHYU 14:7

Malekat yiru kaeau anri lengan mehet, “Hayu ware naun takut ma Alatalla nelang ware naun nawat pihanteni! Daya haut hampe wayahni Alatalla mangadili murunsia. Sambah hanye sa haut ngulah langit anri tane, laut anri katuluh matei ranu!”

WAHYU 15:4

Hie sa puang takut anri hanyu, Tuhan? Hie sa puang hamen iwara pihante mulianu? Ekat hanyu sa barasis. Katuluh bangsa sagar hawi nyambah hanyu daya kawan tindakannu sa adil haut nadinung daya katantuluh ulun.”

WAHYU 20:14

Kamulek Pampatei anri Alam Maut natawut mawuang laut apui. (Laut apui yiti hanyeyiru pampatei sa karueh.)