LUKAS 12:4 - KABAR MAEH MA HANYU JANJI WAU

⁴ “Aku kaeau ma naun kawan hengauku! Ada takut ma here sa munu tenga naun kude puang tau ngulah labis teka yiru.

LUKAS 12:4 Iomraidhean Croise

MATIUS 10:28

Ada takut ma here sa munu tenga, kude puang bakuasa munu amirue. Ware takut ma Alatalla sa bakuasa ngabinasa hau tenga atawa amirue hang naraka.

YOHANES 15:13

Ulun sa tuu-tuu sinta ma kawan hengauni hanyeyiru sa ngami pamelum ma here.

KESAH KAWAN RASUL 20:24

Kude aku puang paduli anri pamelumku yiti, asal aku kaiyuh nyanuput tugas sa naparisaya daya Yesus ma aku nelang asal aku satia hampe pijumpuhan pamelumku magun iwara Kabar Maeh yiru neu lelu ahi Alatalla.

KESAH KAWAN RASUL 4:13

Kawan anggota sidang pangadilan yiru wauh kadinung kaheian Petrus anri hi Yohanes, duanni here karasa sa kararueh rasul yiru hanyeyiru kawan ulun sa puang bapandidikan. Balalu here karasa kararueh rasul yiru hanyeyiru kawan ulun sa umba Yesus.

PILIPI 1:28

Wuah naun saratang heei; ada takut nadap kawan musuh naun. Anri kalayiru naun nantarang here himat talau, nelang naun sagar manang, daya Alatalla raerai sa ngami kamanangen ma naun.

YAKOBUS 2:23

Yiru kala lengan ayat Surat Barasis sa kaeau kala yiti, “Hi Abraham parisaya ma Alatalla nelang daya parisayani yiru Alatalla narime hanye yalah ulun sa nampalus kabahumen Alatalla.” Yiru sababni hi Abraham naantuh, “Tangke Alatalla”.

1 PETRUS 3:14

Kude biar naun harus wuah kahanangen daya nampalus kawan hal sa maeh, naun bauntung! Ada takut ma hie-hie, nelang ada gaer.

WAHYU 2:10

Ada takut neu kahanangen sa puang lawah lagi naingkam daya naun. Itung, Iblis sagar namasuk naun meheni ma wuang panjara neu murija naun. Naun sagar ngaret kahanangen sapuluh anrau lawahni. Ware naun satia ma aku hampe matei, aku sagar ngami ma naun pamelum sajati palus kalalawah yalah hadiah kamanangen.