LUKAS 11:4 - KABAR MAEH MA HANYU JANJI WAU

⁴ Ampun kami, sa bakahalaen daya kami pada ngampun tatiap ulun sa hala anri kami. Nelang ada maladar kami kawawaian kaparisayaan hang tawuk kami napurija.’ ”

LUKAS 11:4 Iomraidhean Croise

MATIUS 18:35

Yesus nyanuput saritani makai lengan yiti, “Kalayiru pada Ambahku hang surga sagar nampalus ma naun katuluh, amun naun puang rela ngampun pulaksanainu anri ikhlas.”

MATIUS 26:41

Bajaga-jagaleh, nelang badoa nampan naun ada wuah purija. Samula rohnu hamen nampalus sa benar kude naun puang sanggup, daya tabiat murunsia yiru maleme.”

LUKAS 11:5

Yesus kaeau ma kawan ulun sa umba hanye, “Umpamani erang kaulun teka naun tulak ma lewu hengauni tawuk penah malem, nelang kaeau, ‘Sobat, piihau aku rote telu katipak,

LUKAS 13:4

Pada kalaawe anri walu walas kaulun sa matei hang Siloam, tawuk manara yiru meat here? Naun minda yiru manunjuk here diwi badosa teka katuluh kawan ulun lain sa muneng hang Yerusalem?

LUKAS 22:46

Balalu hanye kaeau ma here, “Wuah inun naun manre? Ambuan balalu badoa nampan naun puang wuah purija.”

LUKAS 8:13

Wini sa lawu hang tane batu ampar ngintur ulun sa hang tawuk karengei kabar yiru, narimeni anri sanang atei. Kude kabar yiru puang iwakat hawuang atei here. Here parisaya ekat erang pitus, kude hang tawuk purija hawi, here murtad.

YOHANES 17:15

Aku puang ilaku nampan Ambah ngalap here teka dunia yiti, kude aku ilaku nampan Ambah malihara here teka hi jahat.

1 KORINTUS 10:13

Tiap purija sa wuah ingkam naun hanyeyiru purija sa biasa wuah ulun murunsia. Kude Alatalla satia hang janjini. Hanye puang sagar maladar naun napurija labis teka kasanggupen naun. Hang tawuk naun wuah purija, hanye sagar ngami lalan ma naun nampan naun kaiyuh batahan mansing.

KOLOSE 3:13

Naun harus sabar isa anri sa lain, nelang ipangampun amun naan sa ngatei anri sa lain. Tuhan anri sanang atei ngampun naun, jari naun pada harus hamen ngampun isa anri sa lain.

2 TESALONIKA 3:3

Kude Tuhan satia. Hanye sagar nangkansing naun nelang nyalindung naun teka kuasa sa Jahat.

2 TIMOTIUS 4:18

Tuhan himat sagar nyanepah aku teka tiap ngakali sa jahat nadap aku. Hanye sagar nginsing aku anri salamat mawuang karajaanni hang surga. Ware hanye natawat namulia palus ma kalalawah! Amen.

YAKOBUS 2:13

Daya Alatalla puang sagar nantarang ahi lelo ma ulun sa puang kataru ahi lelo. Kude ahi lelo labis segah teka hukuman!

WAHYU 2:10

Ada takut neu kahanangen sa puang lawah lagi naingkam daya naun. Itung, Iblis sagar namasuk naun meheni ma wuang panjara neu murija naun. Naun sagar ngaret kahanangen sapuluh anrau lawahni. Ware naun satia ma aku hampe matei, aku sagar ngami ma naun pamelum sajati palus kalalawah yalah hadiah kamanangen.

WAHYU 3:10

Daya naun haut nuu parentahku nampan utul, aku pada sagar nyalindung naun teka wayah kasusahen sa sagar meat litar dunia yiti. Hal yiru sagar jari pakai mansuba katuluh ulun hang ambau tane.