LUKAS 11:2 - KABAR MAEH MA HANYU JANJI WAU

² Balalu Yesus kaeau ma here, “Amun naun badoa, eau kala yiti, ‘Ambah, hanyu Alatalla sa tungkan, Wuah hanyu nasambah nelang nahormat,

LUKAS 11:2 Iomraidhean Croise

MATIUS 10:32

“Hie-hie sa mangaku hanye ulun sa umba aku, hang hadapan umum, aku pada sagar ngaku hanye hang hadapan Ambahku hang surga.

MATIUS 3:2

“Ware naun batobat teka kawan dosa naun,” eauni, “daya puang lawah lagi Alatalla sagar marentah kala Raja!”

MATIUS 5:16

Kalayiru pada raai naun harus nyahaya hang hadapan murunsia, nampan here kadinung kawan pagawian naun sa maeh, balalu nawat nante Ambah naun hang surga.”

LUKAS 11:1

Hang hinra anrau Yesus badoa hang isa unengan. Dami galis badoa, erang kaulun teka kawan ulun sa umba hanye kaeau, “Tuhan, awat ajar kami badoa kala hi Yohanes ngajar kawan ulun sa umba hanye badoa.”

ROMA 1:7

Yiru sababni aku nyurat ma naun. Mudah-mudahan Alatalla Ambah takam anri Tuhan Yesus Kristus ngami berkat nelang kasanangen ma naun.

ROMA 8:15

Daya Roh sa naami Alatalla ma naun, puang ngulah naun jari walah balalu naun welum hawuang katakuten. Kabalikanni Roh Alatalla yiru ngulah naun jari kawan Anak Alatalla. Balalu anri kuasa Roh Alatalla yiru takam nerau Alatalla yiru “Ambah, u Ambahku!”

2 KORINTUS 1:2

harap nampan Alatalla Ambah takam nelang Tuhan takam Yesus Kristus ngami berkat anri kasanangen ma naun.

GALATIA 1:4

Daya ngalut nuu ma kabahumen Alatalla Ambah takam, Kristus nyarah dirini jari kurban gana kawan dosa takam, nampan takam nasalamat teka jaman sa jahat yiti.

EPESUS 1:2

Aku, hi Paulus, rasul Kristus Yesus daya kabahumen Alatalla, harap mudahan Alatalla Ambah takam Tuhan Yesus Kristus ngami berkat nelang kasanangen ma naun.

PILIPI 1:2

harap mudahan Alatalla Ambah takam anri Tuhan Yesus Kristus ngami berkat nelang kasanangen ma naun.

PILIPI 4:20

Tawat ma Alatalla Ambah takam hampe kalalawahni! Amen.

1 TESALONIKA 1:1

Pulaksanai katuluh ungkup hang Tesalonika, sa jari ulun wat Alatalla Ambah anri Tuhan Yesus Kristus: Kami, hanyeyiru hi Paulus, hi Silas anri hi Timotius harap mudahan Alatalla ngami berkat anri kasanangen ma naun.

2 TESALONIKA 2:16

Mudahan Tuhan takam Yesus Kristus raerai, nelang Alatalla Ambah takam ngarariu nelang nangkansing atei naun, nampan naun tau kaiyuh ngulah nelang iwara inun sa maeh. Daya Alatalla sinta takam, nelang daya pikaeh ateini hanye ngulah takam tatap sabar, nelang harap sa maeh.

WAHYU 11:15

Balalu malekat sa kapitu ngampeau tarompetni, balalu hang surga naan rengei lengan sa tamam tatuu kaeau, “Kakuasaan neu marentah dunia itati naan hang tangan Tuhan takam anri Raja Panyalamat sa najanjini. Hanye sagar marentah palus ma kalalawah!”

WAHYU 15:4

Hie sa puang takut anri hanyu, Tuhan? Hie sa puang hamen iwara pihante mulianu? Ekat hanyu sa barasis. Katuluh bangsa sagar hawi nyambah hanyu daya kawan tindakannu sa adil haut nadinung daya katantuluh ulun.”

WAHYU 19:6

Udiyiru aku naan karengei lengan kala lengan ulun bakumpul rama tatuu; lenganni kala eau galumbang igangulun nelang kala lengan ligur ampeng. Aku karengei here kaeau, “Tawat Alatalla! Daya Tuhan, Alatalla takam sa kuasani puang uweng tikas itati haut marentah!

WAHYU 20:4

Balalu aku kadinung kawan padudusan anri kawan ulun sa maharung hang kawan padudusan yiru naami kuasa nampan mutus hukuman. Aku kadinung pada amirue kawan ulun sa haut napumpung uluni daya here ngami kasaksian neu Yesus, nelang iwara pesen teka Alatalla. Kawan ulun yiru puang nyambah satua atawa ampatungni. Here pada puang suah narime siri satua yiru hang rai atawa hang tangan here. Balalu here welum mulek palus marentah kala raja baya Kristus salawah saribu taun.