LUKAS 10:42 - KABAR MAEH MA HANYU JANJI WAU

⁴² padahal sa penting ekat isa. Nelang hi Maria haut midi sa maeh, sa puang sagar naalap teka hanye.”

LUKAS 10:42 Iomraidhean Croise

MARKUS 8:36

Inun untungni ma ulun, amun katuluh dunia yiti jari milikni, kude hanye kawawaian pamelumni?

LUKAS 10:39

Hi Marta uweng pulaksanai wawei bangaran hi Maria. Hi Maria yiti maharung rite Tuhan Yesus nyanrengei kawan ajaranni.

LUKAS 11:1

Hang hinra anrau Yesus badoa hang isa unengan. Dami galis badoa, erang kaulun teka kawan ulun sa umba hanye kaeau, “Tuhan, awat ajar kami badoa kala hi Yohanes ngajar kawan ulun sa umba hanye badoa.”

LUKAS 12:20

Kude Alatalla kaeau ma hanye, ‘O ulun lunga! Malem yiti jua hanyu sagar matei, balalu hie sa sagar kaiyuh katuluh panatau sa haut nakumpulnu ma dirinu yiru?’

LUKAS 12:33

Ari milik haratanu nelang duitni ami ma ulun paua. Ulah ma dirinu dompet sa puang tau rusak, hanyeyiru harata sa nasimuh hawuang surga. Harata yiru puang tau wawai daya maling puang tau ngalapni nelang kametei puang tau nanrusakni.

LUKAS 16:2

Balalu hanye nerau pagawai kauangan yiru palus kaeau, ‘Inun yiti sa rengeiku neu hanyu? Itati, sarah ma aku laporan lengkap neu pagawianu ngurus panatauku. Hanyu puang iyuh lagi jari pagawai kauanganku.’

LUKAS 16:25

Kude hi Abraham nuing, ‘Itung anakku: salawah hanyu welum hanyu haut kaiyuh kawan sa maeh, kude hi Lazarus kaiyuh kawan sa puang maeh. Itati hanye sanang hang yiti, kude hanyu sangsara.

LUKAS 18:22

Karengei kalayiru Yesus kaeau, “Magun naan isa hal sa harus naulahnu: Ari katuluh miliknu, ami duitni ma ulun paua, balalu hanyu sagar kaiyuh harata hang surga. Udiyiru hawileh umba aku.”

LUKAS 8:18

Daya yiru pantaru mamaeh inun sa rengei naun. Daya ulun sa watni haut naan, sagar naami labis wahai lagi; kude ulun sa watni puang uweng, butit sa magun naan hang hanye sagar naalap pada.”

YOHANES 11:1

Erang kaulun bangaran hi Lazarus muneng hang Betania baya kawan pulaksanaini hi Maria anri hi Marta.

YOHANES 11:19

Rama ulun Yahudi haut hawi nunung hi Maria anri hi Marta lepuh ngarariu here gana pampatei pulaksanai here.

YOHANES 12:3

Udi hie hi Maria hawi nginsing leu satengah liter minyak marauh enguh narwastu sa rarang haragani. Hanye nalui minyak yiru ma pee Yesus, balalu muhut makai wuluni. Katuluh ruang lewu yiru penu enguh marauh enguh daya minyak marauh enguh yiru.

YOHANES 17:3

Iti pamelum sajati palus ma kalalawah; nampan ulun kataru Ambah, satu-satuni Alatalla sa kapinuu, nelang kataru Yesus Kristus sa nautus daya Ambah.

YOHANES 4:14

“kude ulun sa nguut ranu sa sagar naamiku, puang tau malah lagi hampe ma kalalawah. Daya ranu sa sagar naamiku yiti sagar jari matei ranu hawuang dirini sa mareh ma luar nelang ngami ma hanye pamelum sajati palus ma kalalawah.”

YOHANES 5:24

Kapinuuni lenganku yena: Kawan ulun sa mantaru eauku yiti nelang parisaya ma hanye sa ngutus aku, hanye puang nahukum, kude hang hanye naan pamelum sajati palus makalalawah. Hanye puang sagar nahukum; hanye haut lapas teka pampatei palus kaiyuh pamelum.

YOHANES 6:27

Ada bagawi neu ngantara anakuta sa tau galis nelang tau buruk. Ware naun bagawi neu ngantara anakuta sa puang tau buruk nelang sa ngami pamelum sajati palus makalalawah. Anakuta yiru sagar naami Anak Murunsia ma naun, daya hanye haut nadudus daya Alatalla Ambah.”

1 KORINTUS 13:3

Biar katuluh sa naan hang aku, nasadakahku ma kawan ulun paua, nelang aku nyarah tengaku nampan natutung, kude aku puang uweng sinta ma ulun lain, sika katantuluh yiru puang budas uweng riranni.

GALATIA 5:6

Daya amun takam haut ibaya anri Kristus Yesus, hal manurut atawa puang manurut aturan sunat puang jari sual lagi. Sa penting ekat parisaya ma Kristus, nelang yiru lalea hawuang sinta takam ma ulun lain.