LUKAS 1:2 - KABAR MAEH MA HANYU JANJI WAU

² Here nyurat sameh kala sa nasarita ma takam daya kawan ulun sa kadinung raerai kawan kajadian yiru teka pamulaanni, balalu iwara kabar yiru.

LUKAS 1:2 Iomraidhean Croise

MARKUS 1:1

Iti Kabar Maeh neu Yesus Kristus, Anak Alatalla.

MARKUS 16:20

Maka kawan ulun sa umba hanye tulak palus iwara Kabar teka Alatalla ma awe-awe. Kamulek Tuhan pada umba bagawi baya anri here nelang mambuktini itetei kawan kaajaiban inun sa nawara here yiru tuu.] [

MARKUS 4:14

Ulun sa muau yiru hanyeyiru ulun sa iwara kabar teka Alatalla.

LUKAS 24:48

Naun kawan saksi teka katuluhni yiru.

YOHANES 15:27

Nelang naun pada harus ngami kasaksian neu aku, daya naun haut baya aku teka asalni.

YOHANES 16:4

Kude itati aku iwara yiru ma naun, nampan amun yiru tulus yati, naun kaitung aku haut iwara hal yiru ma naun.” “Aku puang iwara hal yiti ma naun hengka dahulu daya aku magun baya anri naun.

KESAH KAWAN RASUL 1:3

Udi hanye matei, salawah epat pulu anrau hanye gaha nantarang tengani anri tarang tatuu ma kawan rasul sa hanye tuu-tuu welum. Here kadinung hanye nelang here bapaner anri hanye neu kewangun Alatalla marentah yalah Raja.

KESAH KAWAN RASUL 1:8

Kude naun sagar kaiyuh kuasa, amun Roh Alatalla haut hawi ma naun. Nelang naun sagar jari kawan saksiku hang Yerusalem, hang Yudea, hang Samaria hampe ma hujung dunia.”

KESAH KAWAN RASUL 14:25

Dami udi here iwara lengan Alatalla hang Perga, here tulak ma Atalia.

KESAH KAWAN RASUL 16:6

Roh Alatalla puang kalewa hi Paulus anri hi Silas iwara lengan Alatalla ma propinsi hang Asia. Jadi pakiaan here natampalus ma daerah Prigia anri Galatia.

KESAH KAWAN RASUL 17:11

Kawan ulun hang Berea labis tauka atei here teka kawan ulun hang Tesalonika. Anri sanang atei here nyanrengei kabar neu Yesus, nelang tiap anrau here mantaru Surat Barasis nampan karasa inun sa naajar Paulus yiru bujur.

KESAH KAWAN RASUL 26:16

Ambuan minri! Aku nantarang tenga ma hanyu anri maksud nampan ngulah hanyu jari palayanku. Hanyu harus iwara ma kawan ulun lain inun sa dinungnu anrau yiti neu aku nelang neu inun sa sagar natutuiku ma hanyu yati hang wayah sa sagar nahadap hanrian.

KESAH KAWAN RASUL 4:20

Daya kami puang tau tarie maner inun sa haut nadinung nelang nasanrengei daya kami.”

KESAH KAWAN RASUL 8:4

Kawan ulun parisaya sa haut tulak bahamuran yiru iwara Kabar Maeh teka Alatalla maawe-awe.

ROMA 15:16

Hanye haut ngulah aku jari palayan Kristus Yesus nampan nautus ma kawan bangsa sa puang Yahudi. Nelang aku batindak yalah imam, sa iwara Kabar Maeh teka Alatalla, nampan kawan ulun sa puang Yahudi jari isa parapah ma Alatalla sa tau natarime dayani. Mudahan Roh Alatalla ngulah here jari isa parapah sa hulung ma Alatalla.

1 KORINTUS 4:1

Anggap kami yiti kawan palayan wat Kristus, sa batanggung jawab iwara kawan ransana Alatalla sa huan dunia karasa.

IBRANI 2:3

Magin ni anri kasalamatan sa labis tamam teka kawan pesen yiru! Amun takam puang uweng parhatian anri kasalamatan yiru, batantu takam puang sagar lapas teka hukuman. Daya Tuhan sa samambatang iwara kasalamatan yiru, nelang kawan ulun sa dahulu nyanrengeini haut mambukti pikapinuuni ma takam.

1 PETRUS 5:1

Aku laku parhatian kawan pamimpin ungkup naun. Aku nyurat yiti kala hengau sasameh pamimpin nelang yalah ulun sa haut manyaksi raerai kahanangen Kristus, nelang pada sagar umba naampihante namulia, amun pihante mulia Kristus nalalea ma murunsia. Aku laku tatuu

2 PETRUS 1:16

Hang tawuk kami iwara ma naun pihante mulia pihawian Tuhan takam Yesus Kristus kami puang itegei hang kawan tunuhui pusuan murunsia. Pihante mulia Kristus yiru haut dinung kami anri matei kami raerai.