Psalms 99:1 - Ohiatonhseratokénti

¹ Roiá꞉ner séh ne ronnonhtí꞉io í꞉ken, ánion iakoiatí꞉sont nonkweʼshón꞉has! Raonitskwárare rénhskote thóh éhʼneken tsi niʼnikonhrare iotokentis; ánion tehiahontsíʼshont!

Psalms 99:1 Iomraidhean Croise

2 Samuel 6:2

Ne Táwit tánon ratiʼkwé꞉kon ne raotiʼtsió꞉kwah ronterí꞉ios ne ratikweʼkonhátsies iahón꞉ne tánon thóh tahonténhti Baale-judah, ne ne thóh nón꞉we nontahatíhawe ne raoneró꞉kwah nateriwasheronhniátsera ne Ní꞉io, tsi neh konwanatón꞉kwah ne Sakoiá꞉ner ne tsi ronónha thóh ratitskwahrón꞉nions éhʼneken ne niʼnikonhrare iotokentis.

1 Chronicles 16:30

sewaʼiathí꞉sonk ne raohénton, né tionhontsaʼkwé꞉kon! Ne tsi ionwenhtsáte kwáh í꞉ken tsi iorihwaʼníron tsi ní꞉ioht tsi kakwatákwen tánon iáh thaʼónton nahioriá꞉neronhke.

Psalms 18:10

Tánon né waʼhosáhten ne rahshástste raronhiakeró꞉non; thóh ráhtie tsi iówerahreh.

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 80:2

raotihénton ne Ephraim tánon ne Benjamin ó꞉ni ne Manasseh. Takwahnatónhas ne sashaststénhsera, tánon káts takwahnónstat!

Psalms 82:5

Iáh teonatʼthokhatseráien iáh ó꞉ni teotinikonhraiéntas, thóh nón꞉we nihonathaíhtake ne iáh tetkarihwaiéri; iáh teionerákwat ne tsitʼkenskwáhere ne tsi ionwenhtsáte tsi iahówats.

Psalms 93:1

Né Roiá꞉ner rahónha seh ne ronhnontí꞉io í꞉ken, ne rotʼtseronhniáton ne kanonhtiʼiótshera aotserónhniat; ne Roiá꞉ner rotʼtserónhni, ne rotiatanát꞉ton ne kashaststénhsera. Iorihwaʼníronh tsi nisakwahthákwenh ne tsi ionhontsáte; kwáh kíʼ iáh nonwénhton tahó꞉then takakwéni nahioriáneron;

Psalms 96:10

Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 96:9

Teʼtsisewaʼthentʼtsóthas raohénton ne Rotokentiʼónhwe nó꞉nen enhokéthoʼte; sewaʼiathí꞉sonk ne raohénton, né tionhontsaʼkwé꞉kon!

Psalms 97:1

Né Roiá꞉ner séh Ronnonhtʼi꞉io í꞉ken! Ánion ne tsi ionhontsáte waʼtonhnáren; iekaníhare nonkwershón꞉has ne ahí꞉non nió꞉re tkawenó꞉tons tsenakerénions iontsenhnónhni!

Psalms 97:4

Né raówenk tewaʼninekaráwas tekaswatʼthétha nonwenhtsáke; nonwénhtsa watkáthos tánon waʼtsiahonʼontsísonhkwe.

Exodus 25:22

Kwáh thóh nónhwe naʼtenʼtiatátken, tánon thóh é꞉neken natenontekʼtàke tsi natehiátere ne tèkeni teniʼnerahóntshonʼte ne tehnónne kwáh entkónion akwékon natianerénsheras né꞉ne lsraerʼró꞉nens raotiriwàhke.

Isaiah 19:14

Né Roiá꞉ner tasakowerón꞉haʼse nonikónra ne tahiakonitonhniáthen; tánon ne wakonhiónhnien ne Egypt tahiohiathéntonhwe akwékon tsi niwatserá꞉nions kwáh tsi ní꞉ioht ne kwáh ronèka tehokatsarahré꞉serons tsi nihatsʼtíkons.

Jeremiah 4:24

Iakatʼkátho ne tsi iononhtharónnions—kwáh iahówaks tánon ne tsi ionniarónnions tehiowénhtons.

Jeremiah 49:21

Nónenh ne Edom entkahiétenʼne, thóh nióre tsi tenhiothónhare kwáh ohontsaʼkwékon tsi tenhiowíshonʼkwe, tánon tsi nenhwatʼtsitó꞉ko kwáh tsi nióre ne tkanétsker ne Aqaba ienhiakothóntehne.

Jeremiah 5:22

Í꞉i ne Watiá꞉ner; nonhtiéren tsi iáh teskhetsiánis? Nonhtiéren tsi iáh teshahiathisónkwa nakʼkénton? Wakenehsahronkóntion ne tahkawahnátʼte ne kaniatarahkheʼkówa, ne iahontkónhthaʼkwe tahontʼwáhnahke ne ne iáh tahónton tahkahiáiake. Ne kaniatarahkheʼkówah ne tahiowehrahtháse, ók iáh kíʼ tahónton ne iahonthóhetste; ne iononhthakwarontáties nahioronkathónhake, ók iáh kíʼ thahónthon ne iathakonnótʼkaweh.

Jeremiah 50:46

Thenhiahontsíshonkwe tsi nihiorahkaréhni nónenh ne Babylon enhkahiatiénenhne, tánon tsi nahtewahséntʼthos tsi naʼtehionikonhrhiákon kwáh ohontsakwékon enhiakotʼthóntehne.”

Ezekiel 43:7

“Rónhkwe iaiénha, kenhʼnónhwe nikáien nahkhanitskwáhra. Kén nónhwe nenhkiterónhthake skátke nonhkweshón꞉ʼas ne Israerʼró꞉nonhke tánon tsi nénhwe tsi entkhehiatkórasthe. Iáh ó꞉ni nisraeró꞉nonhs iáh ó꞉ni ne raotinonhthihiótsheras kwáh shé꞉kon tahonsahiontsenhnáksathe naksenhnatokénti né꞉ne akonwahsenhnaien ne kahiatonhnisónhas tó꞉ka ó꞉ni nahatihiathá꞉ta ne raothihieronhtashón꞉ʼas ne ronhnenhehiónsehrons ne raothinonhtí꞉ios.

Luke 19:12

Ȣahenron kati: Saiatat ne ronkȣe neh ne raȣatsiranoron ratentionhe ihnon ȣare ȣahatkorastane, nok ki oksaok tentre.

Luke 19:14

Kenh kaien ne thatinakere ronȣasȣanskȣe, nese ȣaonni iaonȣateriȣanietase ronȣarorihatie, rontonne: iah tateionkȣatonȣentsioni ne raonha kehiken asonkȣaststeriste.

Luke 19:27

Nok kenh kaien ne ionksȣens oni iah tehonathontaton akheiaststeriston karo nontaietsiiatenhaf nok akkenton ietsiiaȣentho.

Philippians 2:12

Tekanórons tewathoronsónhas, tiotkonhónwe takwawennarákwakwe sesʼnónen skátne ítewes. Nonkʼkinónwa onensewakaténtion, ónen kisènha teiohthonwentióhon naisewatewénnarakwe. Katerontserákon tsi ní꞉ioht tsi sewahióten tánon aisewahiathisónkwaʼke tsi aisewátʼthoke tsi nikéntons nahonsaieniákenʼne.

Revelation 11:17

teotirihwákwen, “Tekwanonwerá꞉tons, Saiá꞉ner Ní꞉io Shatstenhserowá꞉nen, í꞉se ne sonhnheón꞉we tánon tokonhónwe són꞉nhekwe, Asè꞉ken í꞉se washé꞉neste ne shatstenhserowanenhkó꞉wa tánon tashá꞉tasawen nasát꞉koraste.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Revelation 6:14

Ne tsi karonhiá꞉te tót thonsónton tsi ní꞉iot ne kahorohtónhni kaiatónhsera, tánon kwáh tsi ní꞉konhs ionontarónhnion ó꞉ni kawehnhó꞉ton tsi é꞉ren kahawí꞉ton tsi nón꞉we nihiotinák꞉te.