Psalms 81:3 - Ohiatonhseratokénti

³ Sewaʼhonráwat nó꞉nen enskarakwáraʼne, nó꞉nen ieiorakwaieríhon, né tsi nitewaʼtenikonhró꞉ris.

Psalms 81:3 Iomraidhean Croise

2 Kings 4:23

“Onh nonhtséren tsi ónhwa wenhniseráte thóh iáhse?” ne teníteron waharihwanónhton. “Iáh seh orákwahse tsi naʼtehiontenónhwerons khés ne iawenhthatokentíke thèken.” “Iáh werohatiénhak,” tsi watkarihwaseráko.

1 Chronicles 15:16

Né Táwit washakorihónten ne sakotihéntenhse ne Leviró꞉nons né꞉ne ahonwatiʼiataráko tó꞉ka nahatíhake ne Leviró꞉nons né taʼhatiríhwaʼkwe ó꞉ni nahonterenhnóten natsennonhniátsheras karenhnasónhas ne ionhterenhnotakwahókons né꞉ne onowaʼkó꞉wa ó꞉ni ne tehiotwasakweʼnónhni.

1 Chronicles 16:42

Né Heman tánon ne Jeduthun ronónha nón꞉ne ronaterihónthaʼkwe ne iehonrahwátsthakwa ó꞉ni ne tehiotwasakwenónhnis tánon noiáson ionterenhnotákwas né꞉ne ronhterenhnothákwa ne karenhnasónhas ne tehiontenonweraʼtónhkwa tsi tenhatiríhwaʼkwe. Ne Jeduthun rahotaráhkon nón꞉we nihatiʼiátare né꞉ne ronateríhonte nahontenhnikonhráhren tsi iotenhenrahkarónhtons.

1 Chronicles 16:6

tánon teniʼiáse tenitsihénstaʼtsis, né꞉ne Benaiah tánon ne Jahaziel, né nènhne ne iehonrawátsta enhniʼhónrawate enhiorihwató꞉kenhke nohénton tsi kanerókwahien Naʼterihwaʼsheronniátshera.

1 Chronicles 25:1

Né Ronnontí꞉io Táwit tánon ne sakotihéntenses né꞉ne Leviró꞉nons ronónha enhsakotiʼiatarakwenháton ne Leviró꞉nons tsi ratitárahiens nahatiʼhénte nahonterénhnaien: Né꞉ne Asaph, Heman, tánon ne Jeduthun. Né nahontró꞉ri ne Rawenni꞉io raoterihwanothátsheras, né enhonwatiʼiénawaʼse ne ionhterenhnothákwah ne kanohiowánen tánon ne tehiotwasakweʼnón꞉nis. Né kí꞉ken ne ratisenhnarónhnions ronhwatiʼiataráhkwen nahonterihwatsʼtérisʼte tsi enhonterénhnaien, né꞉ne tsi ní꞉ioht ne shotitsiowátʼtsons tsi nenhóntsere:

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

2 Chronicles 13:14

Né Judahró꞉nons watontkathónhnionwe tánon wahontkátho tsi tehonwatihonwarónhni. Iathotihénrete rahonháke ne Roiá꞉ner nasakoiénawaʼse, tánon ne ratiʼtsihénstatsis wahatihonrawaʼte.

2 Chronicles 2:4

Wakatenonhsonhnihátie ononsatokentiʼkówa né nahikwéniensʼte ne Roiá꞉ner akeNí꞉io. Kwáh í꞉ken tsi enhiothokénhtiʼke tsi nón꞉we nakonhkwetaʼshón꞉as tánon ní꞉i nenhsakwahsenhnaʼientákwahke tsi enhiakwahtsaháthake ne kanetanórons tánon ne kanonkwahtsherákons ne rahohénton, tánon tsi enhiorihwatokénhake tsi entiakwahiésthaʼke ne ionatarahtokéntis, tánon tsi nón꞉we nenhiakihiateskónhthaʼke ne kontitshé꞉nens niaʼtehioronhkhetsheráke ó꞉ni niaʼtehiokarahtsherá꞉kes, tánon ó꞉ni niawenhthatokentíkes, tsi nenská꞉rahne noráhkwahse tsi naʼtehionhtenonwerátons, tánon ó꞉ni noiáshons ne wenhtanó꞉rons nahonwakweniénsthaʼke ne Roiá꞉ner onhkwahNí꞉io. Sakonáhon Nisraeʼró꞉nons thóh kíʼ nahatiʼiérahke né꞉ne tsi nénhwe enkénhake.

2 Chronicles 8:13

Iahátkawe tsi wahateskontónhnion né tahioianénhawe tsi nikarihwanónhtons ne Mahís raoianerenhserákon né sewenhniserátʼtions ne wenhtanórons: né꞉ne iawenhtatokentíʼke, noráhkwahse tsi niʼiekhwahéra, tánon náhsen nihiorihwákes ne tsósehra ronhtenikonhró꞉ris—tsi nihatikhwahéra ne iáh tewatʼthenhkwáhton kanátaro, tsi niʼieientwákwas ratikhwahéras, tánon tsi nihatikhwahéras ne waskwakárenhre.

Psalms 149:3

Ánion tehontenonweráton ne raosénhna tsi thenhatinonhniakwe, tehonwarihwákwahse ne rónstha ne kén nikanakwáha tánon nhonowakówa karenhshotáron.

Psalms 33:2

Tetsisewaʼnonweráton ne Roiá꞉ner oʼnowaʼkó꞉wa í꞉sewast; tsi sewaʼterenhnót꞉tas oʼnowaʼkó꞉wa í꞉sewast né꞉ne oiéri nikarenhsohtáron.

Psalms 98:6

Né꞉ne iehonrawátstha tánon ne teiotinakaronhtónha onákare í꞉sewatst tsi sewaʼterenhnóten tánon tesewaʼhénret natsenhnonhniátsheras raohénton ne Ronnonhtí꞉io, né꞉ne Roiá꞉ner.

Lamentations 2:6

Wahtaritánion nononsatokentíke tsi nónwe nisakwasennaʼientákwaʼkwe; Wahátʼthonte ne awentatokentísons ó꞉ni neh tsiatakátons. Ronontí꞉io ó꞉ni ne ratsihénstatsi ahkénhake wahóntʼtoke ne rahonhakwátsera.

Nahum 1:15

Satkátho! Thóh tsi ionnontáhronhnions ne ne ratsitákes tsi niká꞉ien ne raónha thá꞉has ne karí꞉wiios, raónha ratró꞉ris ne skén꞉nen í꞉ken! Sateʼnikonhró꞉ri tsi nisakhwáhere, O Judah, iatesót꞉ten tsi nisararátston, asè꞉ken iáh shé꞉kon ne kwáh rotiriwanéren nahonsaiesanénhrenhte; ne ronónha kwáh ne í꞉ken tsi ronwatiiátʼse.

Numbers 15:3

Né꞉ne teró, teiotinakaronhtónʼa rátsinn, teiotinakaronhtónʼa, khès ne kaiatákeras enwá꞉ton nahónhion ne Roiá꞉ner nahonwanateskónhten khès né꞉ne karihwiʼiosehokónhas ahorihwáke tsi akanánonhke ne wararáts꞉ton khès né꞉ne tsi kwáh ehʼnihiakonikonhró꞉ten tsi iahóntkaʼwe khès né꞉ne ahontakaiéstonhke ne iorihwató꞉ken karihwiʼiostónhtshera tsi nisehwakhwahéra; ne ahonséhra kí꞉ken káhkhwas né rawenhrenhtiʼióstha ne Roiá꞉ner.

Numbers 28:11

Iasehwát꞉kaf ne watéskonhte rahonháke ne Roiá꞉ner né tiókonhte nensewenhnitárane: né꞉ne teniʼiáhse ne kenhnithonihiónha téro, saiáta teiotinakarontónʼa rátsinn, tsáta niháti ne énska tehonosehrihiákons teiotinakaronhtónʼa ratítsinn, ratikwékon ne iáh othènen tehothitsihióthare.

Deuteronomy 16:15

Skwénienst ne Roiá꞉ner saNí꞉io tsi ensateʼnikonhró꞉ri kí꞉ken tehiontenonweratónkwa né꞉ne tsá꞉ta nónhta nikarì꞉wes ne nénskak tsi nón꞉we nihionterenhnaientákhwa. Sathonhnárak, tiorì꞉wa ne Roiá꞉ner tsi rohiatateríston ne saientwá꞉kwen ó꞉ni ne sahioʼténhsera.

Colossians 2:16

Kwáh káti tóhsa ónhka iesaianerenserónhnien nahóten asekʼséke tóhka ó꞉ni nahóten asnekirá꞉ke tóhka ó꞉ni ne iawentatokentíhsons tóhka ó꞉ni tsi natehontenonwérons nó꞉nen tsiorahkwará꞉on nasonhthenhné꞉kha tóhka ó꞉ni nawentatokentí꞉ke.