Psalms 8:7 - Ohiatonhseratokénti

⁷ thóh kontiʼiátare ne teiotinakaronhtónha tánon ne tehotinákares tionhnónskwahron, tánon ne konhtírios ne kahentáke,

Psalms 8:7 Iomraidhean Croise

Genesis 1:26

Eʼthó꞉ne ó꞉nen ne Rawenni꞉io wahén꞉ron, “Ánion, rón꞉kwe etshitewaiatón꞉ni tsi nitewatkahthohtsherò꞉ten ó꞉ni kwáh tsi nitewaiatò꞉ten: tánon ánion raónha tehshakonariotáhrhok ne kentsonʼshón꞉ʼa ne kaniatarakehkowáhne, ó꞉ni tsi nonkwá ne otsitenʼokón꞉ʼa ne tsi karonhiá꞉te kontitses, ó꞉ni ne ienáhskwaiens, ó꞉ni kwáh ohontsakwé꞉kon, tánon kwáh tsi niaʼtekón꞉ti ne konté꞉seres ne tsi ionhwentsá꞉te.”

Genesis 1:28

Rawenni꞉io wahshakoiatatérihste, tánon ne Rawenni꞉io wahshakóhnaʼne, “Sewawatsirowáhna tánon sewentiohkowáhna, tánon thontasewáraʼn ne tsi ionhwentsá꞉te tánon tasewaniarotáhrhok: tánon ietshiiatiaʼtakweʼní꞉iohste ne kentsonʼshón꞉ʼa ne kaniatarakehkowáhne ó꞉ni notsitenʼokón꞉ʼa ne tsi karonhiá꞉te kontitses ó꞉ni kwáh tsi nikón꞉ti ne konnónhne ne kón꞉nes ne tsi ionhwentsá꞉te.”

Genesis 2:20

Sók kiʼ ne rón꞉kwe akwé꞉kon notsiʼtenʼokón꞉ʼa ó꞉ni ne kárioʼs wahshakohsennawíhon; nok iáh kiʼ ne skaiá꞉ta teiotetshénrion ne kwáh ahotenroseronnién꞉ni nahoʼhshnié꞉nonke.