Psalms 7:9 - Ohiatonhseratokénti

⁹ Ó sehríhon ne raotirihwahetkénhsera ne rotirihwaʼnerenhákskon niahontókʼten, ók sahserihwaʼkwahthákwas ne iakoiánere, í꞉se ne sehiatenikonrát꞉kenhse tánon sehiaterhiakʼsátkenhse, Ó saiánere Ní꞉io.

Psalms 7:9 Iomraidhean Croise

Genesis 20:5

Iáh kenh ráonha ne Abraham tehakhró꞉ri tsi né iatiatenoʼsénha, tánon áonha ó꞉ni ne waʼkén꞉ron, ‘Iatiatenoʼsénha í꞉ken.’ Kwáh káti keriahsakwé꞉kon kíʼ tsi thóh nà꞉tiere tánon kwáh iáh ohthé꞉nen thaʼtewakatatesnonhsaʼtsónhston tsi kíʼ thóh nà꞉tiere.”

1 Kings 8:32

Ó Saiá꞉ner, tasatahónsatat thóh nónhwe karonhiáke tánon tetsiató꞉ret ne sanhátshera. Sheréwat ne iakoníkon tsi naʼtehonathénhtion, tánon sashehiátʼkaf ne iáh tehiakoníkon.

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

Psalms 10:15

Tetsehshaststensériaks ne ionkwetahétken tánon ne karihwahetkénhsera rohiótens; kwáh tsenontának tsi nihahiothenseráksen, né tsi ní꞉rereh iáh tasehrihwatʼtsénri.

Psalms 10:18

Kwáh kíʼ í꞉se tésehnes né tehiontonhnakáriaks tánon né tehonwatinenstsiákon, né ká꞉ti ne ronhnonhontsakeró꞉nons iáh shé꞉kon tahonsahsakotinenrakári.

Psalms 11:5

Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

Psalms 139:1

Saiá꞉ner, Waskát꞉kense tánon sistsientéri.

Psalms 17:3

Waskateriasát꞉kenhse, waskenataré꞉nase ne tsi niwashón꞉tes, waskateniénhten, iáh thaónten thasettshénrih ne aonhetkéntake nakonháke; iáh tewakerihwaiéntase né tsiksahkáronte tsi iáh thakariwaiesáhthake.

Psalms 18:21

Asèken waʼkatienawáston ne raotiawenrátseras ne Roiá꞉ner, tánon iáh tewaʼkeriwanerahákskon ne tahonshonkatkaraténion rahonháke ne Rawenni꞉io.

Psalms 26:2

Takatenikonrát꞉kens, Ó Saiá꞉ner, tánon takateniénhthen; takaterhiasátkens ó꞉ni nakenikónra.

Psalms 35:23

Sahnitskwará꞉ko! Ó Saiá꞉ner, tánon táskene, ní꞉i akerihwáʼke, akeNí꞉io, tánon Atiá꞉ner!

Psalms 37:23

Ne Roiá꞉ner shonkwanikonrahrháties tsi niʼiohahóten tsi niaʼíhtewe tánon theshakónes tsi niʼiákon ne entʼtonwahnikonraiérithe.

Psalms 40:2

Sahatiatathatáko tsi iotʼtionwáʼien ne kenhé꞉ion, éhren sahatiatenháwite tsi nón꞉we ne ionesaronkówaks, tánon ostʼthenrakwenkaráke nón꞉we natonsahátʼtaste, tánon iahontsaníron tsi nón꞉we natonhsakatekháhaʼkwe.

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 44:21

kwáh orihwiʼiohónwe tsi aʼhisatthókenh? Tsioríhwa tsi akwékon niesateriénhtare tsi nihiakwahrihwaséhtha nonkwanontonhnióntseras.

Psalms 58:6

Ó Sewenní꞉io, tesenawíriak kíʼken ratiseró꞉hens kénreks!

Psalms 9:9

Né káti aoriwáke né Roiá꞉ner rahonháke nón꞉we nionthasehthákwah né tehiontonhnakárias, ne tatkáwas né skénhnon í꞉ken nó꞉nen thènen tekanikónhrahre.

Psalms 96:10

Ietsiró꞉ri nonkweshón꞉has, “Ne Roiá꞉ner tsi ronhnontí꞉io séh! Né tsi ionhontsáte kwáh í꞉ken tsi ioriwaʼníron tsi ní꞉ioht tsi kakwahtákwen; kwáh iáh nonhwénhton tsahontoriáneron. Kwáh sathenhiotónhake tsi tenhsakoiatóreʼte nonkweshón꞉ha.”

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Jeremiah 11:20

Ethóhʼne wakaterénnaien, “Sashaststenserowánen Saiá꞉ner, í꞉se ne tkariwaiéri teshiatorètha; í꞉se sehiatenikonrátkenʼse nonhkweshón꞉a ó꞉ni tsi nihononhnhóten. Sesnónhke nónhwe nátsien nakeriwahson꞉a; káti tahkeríhon ne akateróh꞉rohke tsi nenhsehshekárhiase kí꞉ken onhkweshón꞉a.”

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 20:12

Ók, Sashastsʼtenserowáhnen Saiá꞉ner, í꞉se ne kwáh tkariwahiéri tsi niʼsehiateniéntha nonhkweshón꞉a; sateriénthare tsi nihonerhiasóhtens ó꞉ni tsi nihotinikonhró꞉tens. Káti ánion kónhken shaʼsehkárhiaks ne tehiakwatátʼtions, asèken sesnonhsáhke nónhwe niwáhtien naʼkerihwahsónhas.

Daniel 11:45

Ne ronnontí꞉io enhaʼtohserotónnion ne kwáh waʼtohserowá꞉nens tsi nón꞉we nenhatatì꞉teron, ne tsi naʼtetiá꞉tere ne kaniataraʼkehkó꞉wa tánon tsi ionónte tsi nón꞉we nikanónhsote ne ionterennaientáhkhwa. Nok enhrénheie, iáh ónhka eʼtho thaiénsheke ne ahonwahiaʼtakénnha.”

Acts 12:23

Kwáh óksak ne Rawenni꞉io rahoronhiakerónon wahohiatsénente ne Herod, tsioríhwa tsi iáh tatehorénsaron ne Rawenni꞉io. Otsinonhwanhéta wahonwahwárake tánon warénheie.

Romans 16:25

Ánion tsi tewasénnaien ne Rawenni꞉io! Rokwénion nahiónnen nasesátsʼteke tsi tisetákwen, tsi ní꞉ioht tsi kateriwanhóta ne karihwí꞉ʼios ne Ié꞉sos Kerístos rahoriwáke ó꞉ni ne karihotasiónkwen tsi nikariwashétonʼne ne tkariwaiéri tsi nitsawénon.

1 Thessalonians 3:13

Néki enhiónni natsisewahsatsténseron, tánon kwáh iensewahiataiérike ó꞉ni enhiotokénti rahonháke ne Rawenni꞉io ó꞉ni Kanísera nónen ne Roiá꞉ner Ié꞉sos éntʼre skát꞉ke tsi niháti ne rahonkwetasónha.

1 Tiér 5:10

Nók nónen kén nikariwésʼsha wesewaronhiáken, Rawenni꞉io ne akwékon niesakoténre, shieʼianátons nasatiátaren ne rahówenk kaiatanerakwátsera tsi nénwe ne tsi tehonateriwasóntere ne Kerístos, kwáh rahonhatsíwa enshiakwatákwase tánon éntʼhion ne kariwanirátsʼtsera, kasasténsera, tánon kwáh ioníron tsi tkenstskwáhere.

Jude 1:1

Jude kih non nitsawénon, Ié꞉sos Kerístos roióhtense, tánon né꞉ne Sák iatatekénʼa— Tsi niʼiá꞉kon ne Rawenni꞉io sakonhaʼon, Rawenni꞉io né Kaʼní꞉sera í꞉ken rahononronhkwatsherá꞉kon non nihonnonnhétie, tánon tsi natesakotiatháton ne Ié꞉sos Kerístos:

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

1 Samuel 16:7

Ók kiʼ ne Roiá꞉ner wahawénhase ne Samuel, “Tó꞉sa ne tetsiatʼkáneren tsi nihatʼkatotieróten khéhs tonahaʼneniésonhke, tsioríhwa tsi ní꞉i rikenronníhon; asèken ne Roiá꞉ner iáh ne eh thoʼtèiot tsi tehatʼkáthos tsi ní꞉ioht nonkweʼókons tsi iontkáthos; neh ne eh teiekánereh nátste nó꞉kwah tsi niʼiehiatóten, ók ne Roiá꞉ner awé꞉ri ne tehakánere.”

1 Samuel 2:9

“Raón꞉ha enhanónsthate ne ronsitàkes ne rotirihwatókens raonkwetaʼshónʼahs, ók kiʼ ne iakonkwetahétken kwáh kiʼ nènhne ieniontathasárhiake tsi tetsió꞉karas; asèken iáh tó꞉ka kén ne tsi naʼiesháststeke neh aiontkwéniesʼte.