Psalms 2:9 - Ohiatonhseratokénti

⁹ Kwáh thenséhiake karísthatsi enshathenhnitseronhniáthakwe né꞉ne tehioristhónton tsi iehiótʼte, kénk níwas tsi tesheiatʼthókwat tsi ní꞉ioht ne otára kátshe.”

Psalms 2:9 Iomraidhean Croise

Psalms 89:23

Tsi ká꞉ti nikaríhwes roteróhron kwáh kíʼ enkhehiátonte ne ronhwáshons tánon enkhenonwenhserá꞉rhio tsi niháti ne ronwáshons.

Isaiah 30:14

Tsi natkaríhne kwáh thóh ní꞉ioht kwáh né꞉ne raʼtsetónhni rahót꞉tse tsi natewaʼtetʼtshetóko kwáh iáh othènon tekáien nathaniténron. Kénk níwas skakéron iáh tahonsónhton nahonsaieʼniáhese né karístakon aietsirahrá꞉ko, khés ne áhionste naʼienekotsénhtaʼkwe.

Isaiah 60:12

Asèken né ronhnonhontsakeró꞉nons tánon né kanontiʼiótsheras né iáh tahiesahiótenhse kwáh kí enhatiʼiatáton; nétho ronhnonhontsakeró꞉nons kwáh thóh kénʼen tsi enhatiʼrihwahiésha.

Jeremiah 13:14

Ethóhʼne tenkhehiatáriʼthe tsi ní꞉ioht ne katʼtsheshón꞉a thakatʼtsheténseron, ahonthahiakóhionke tó꞉ka ó꞉ni kenknahonthahiakohiónhake akénhake kwáh kíʼ ne skáka enkénhake. Iáh thahóten ne kenténron, iáh thatahkhehiaróh꞉thon, iáh ó꞉ni ne kenténrat thatahóntʼtaste nahkhenonwahrhiákon.”

Jeremiah 19:11

tánon natkheró꞉ri nètho Roiá꞉ner Roshaststenserowáhnen ráwen, “Kwáh thenkhehiáke kíʼ onhkweshón꞉a ne kénʼen kanátahien, tánon kwáh tsi ní꞉ioht kí꞉ken otáhra kátshe tsi tehiotʼtsetaríhon iáh thahónton ne shé꞉kon tahonsahkatkhánionʼke. Nonhkweshón꞉a nahkawenheʼióntas iekaníhare Topheth nónhwe ienhionthatsiatháta tioríhwa tsi iáh kahnèka nakʼtenónhwe tekáien nashakotihiatháta.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Matthew 21:44

Onkakiok tenhonenhionko tenhaiatarine, nok tenhoiatorarake nonka enhonenhienienne.

Revelation 12:5

Tánon waonakerátste ne roiénha, roskenrá꞉keta rát꞉saha, raónha ensakotʼkó꞉raste ratikwé꞉kon ne ronhnonontsakeró꞉nons ne ne karístatsi enhatenhnitseronhniá꞉te. Ók kíʼ ne roiénha takonwahwirakwatʼte tánon Niió꞉ne niahonwahiaʼténhawe tánon tsi tewanitskwaratsérote ne raonitskwá꞉ra;

Revelation 19:15

Thóh tsi raʼsakáronhte tkaiá꞉kens iosarotí꞉ie ne enshakoièn꞉te ne ronhnonhontsakeró꞉nons, tánon kwáh rahón꞉ha enshakokʼkoraste ne enráste ne teioteristakwenónhni; kwáh tenharatatséshon ne otsí꞉tsa kanekonhniátha né꞉ne raonakwáhtsera ne raoterhiatitkhóntsera ne Ní꞉io ne Roshatstenhserowanenhkó꞉wa.