Psalms 140:5 - Ohiatonhseratokénti

⁵ Ne ratinikonhrahétʼkens ionkateristaiénhni, asheríhie nahóten ronataharonhniáton ne tehotitakwaríhton tsi ronateristaientákwen, tsi hiohatátses nónhwe nihotikwahtákwens tsi ionkaterístaien ne nahiontséna. Selah

Psalms 140:5 Iomraidhean Croise

Job Tánon ne Raoronhiakensera 18:9

Ne waʼterístaièn rakotárake waoié꞉na; ne waʼteristáien waotié꞉nawatste.

Psalms 119:110

Né ronhnonkwetahét꞉kens tehionkanikaʼráhraks, ók iáh kíʼtekatsatonhthákwas ne saianerénhseras.

Psalms 119:69

Ne ronhtatkowanátha nahonksenhnát꞉saʼte tsi wahonkanowenhtaʼniónhaʼse, ók kwáh kí kerhiasakwékon tsi wahkatewenhnaráhkwen ne saianerénhseras.

Psalms 119:85

Ne ronhtatónh꞉ni, rohnónha iáh tehontewenhnarákwah ne saianerénsera, ronattsionhionhniáhnion ne ionhkateristaientákwen.

Psalms 142:3

Nó꞉nen kwáh wakanikonrotʼtáhon, í꞉se sateriéntare tsi nahonsá꞉tiere. Né tsi hiohatátse tsi nón꞉we nikatahí꞉tahas ronateristakérons nakerihwáke.

Psalms 31:4

Tó꞉sa takeríhon ne thóh nón꞉we nakatóhetste tsi nón꞉we nihonateristaiénton ne iónkswenhs, asèken í꞉se ne katrenhosthákwah í꞉ken.

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 36:11

Tó꞉sa sehríhon ne rontatkowaʼnátha nahontahionkatsatónhti, khés ne ronhnonkwetaʼhétkens nahionkón꞉nien akatèko.

Psalms 43:1

Saskatatewenhniʼióseron, Ó Sewenní꞉io, tánon teskeriwaʼkénas tsi nòkwah nonkweʼshónhas ne iáh tehonwaʼsénhnaiens Rawenni꞉io; tsi nòkwah ne ratinikonhráhtha tánon iáh tehotihiánere saskeniákent!

Psalms 57:6

Né iónkshons wahonaharónhti ne nahiontiéna; né tonhkeróhrokte ne kanikonhraronhiakénhsera. Waʼhatishonhniónhni tsi nón꞉we niwákʼkhate né꞉ne etʼhiatsiáthenhne, ók ronónhak khók ehʼhiahatihiáthenhne. Selah

Proverbs 24:15

Tóhsa tho nenhshiaʼtoʼténhake tsi ní꞉ioht ne iáh tetionkweʼtaié꞉ri ronteʼnikonhrón꞉ni nahshakotinénhsko ne thotirihwaié꞉ri tókaʼ ó꞉ni iahatíhawe raotinonhsaʼshón꞉ʼa.

Proverbs 29:5

Tókaʼ tenhsherenhsarónnion ne sewatenroʼshón꞉ʼa, tánon ne saʼnikòn꞉rakon iáh thoʼté꞉ioht í꞉se ienhsatatiató꞉roke tsi waterístaien.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 18:20

Ne karihwahétken ne kén ne ahokarhiátshera ne iohiánereh? Ethohʼsáne rohtisonhiónni nakerihwáhke né hiatiátenʼne. Sehʼhiáranh tsi ní꞉ioht tsi iewahkénon ne sonháke nahkhehiatátsaʼse, ne ne tó꞉sa kanahkwahtsherákon tsi kén niahséhʼiereh.

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.