Psalms 101:2 - Ohiatonhseratokénti

² Kwáh né enkatéweienste nát꞉sehre ne tkarihwaʼiéri tsi ní꞉ioht tsi akónnheke. Kátke entése nastiénawaʼse? Kwáh thóh karihwaʼkwahrishionhtsherákon nón꞉we nenhkathénhti nakenónskon;

Psalms 101:2 Iomraidhean Croise

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

2 Samuel 8:15

Káti ne Táwit wahatenontí꞉ioste tsi niwatenáskwah ne Israerʼronónke; tánon ne Táwit ne wahateriwathéntsiate nateriwakwarishióntshera ó꞉ni tkarihwaiéri rononhá꞉ke ne raonkwetaʼshón꞉ahs.

1 Kings 11:4

tánon tsi nióre ne kwáh shiaʼhoksthénhaʼne tehonwanikonhrakénhnion nashakosenhnaienthákwahke ne thikaniʼioserátes. Iáh teshorihwatókenhne rahonháke ne Roiá꞉ner né Rahoní꞉io kènhne, tsi né nihiothónhne ne ronikénhen Táwit.

1 Kings 9:4

Tó꞉ka ensharihwatokénhake tsi enstsióthenhse tánon aterihwakwahrishonhtserákon, tsi né nihiothón꞉ne ne ianikénʼen Táwit, tánon tó꞉ka enshatewénhnaraʼkwe natianerénhseras tánon orihwakwékon thóh nénhshiere tsi nikonhríhonte,

2 Chronicles 15:17

Ethohʼsáne ne Asa iáh kíʼ akwé꞉kon tehorihwathónton tsi nonwésons ne iáh tehotirihwiʼióstons nihonterenhnaienthákwahkwe ne tsi ionhontsáien, ók kíʼ roterihwatokénstonh rahohénton ne Roiá꞉ner kwáh tsi nirónhnheskwe.

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

Psalms 101:6

Kwáh enkherihwaʼníratʼtse tsi nihiákon ne iakorihwaʼtóken rahonháke ne Rawenni꞉io, ne káti nahónton skát꞉ne ahiakwenhterónhtake; ónhka thóh nón꞉we nenhiontahí꞉ta tsi ioháte ne tkarihwaʼiéri kwáh né enhiontióthenhse.

Psalms 119:106

Kwáh iohrihwaníronh tsi wahkarahrátston tánon wakerihwaniráhton, kwáh kí enkatewénhnarahkwe ne saianerénhseras.

Psalms 119:115

Éhʼren í꞉sewek ne tiatátʼta í꞉se ne sewarihwanerahákskon tiónkwe, kwáh ne enkatewénhnarakwe ne rahotsiawenhráhtsera nakení꞉io.

Psalms 26:11

Asèken ní꞉i, thóh nitiéra tsi nahó꞉ten ne tkarihwaiéri; takithénrak tánon tatiatanónstat!

Psalms 40:17

Ók kíʼ ní꞉i waʼkí꞉ten tánon tekatkárias, ók kíʼ ne Roiá꞉ner iáh tehatiatanikonrénhʼen. Í꞉se natiatakená꞉tsera tánon takenonsthatonhátsies; tó꞉sa satenhnískwat, Ó akeʼNí꞉io.

Exodus 20:24

Thaʼtiónhnen ietsienharáhkwah okénrah nahóten tsónhniaʼt, tánon thoʼèhneken sewatsiaʼtáʼtsaʼàhtt ne sewatshénen teiotinakaronhtónʼa ó꞉ni ne sewatʼtshénen tionónhskwahron niaʼhisewá꞉thate né꞉ne kwáh í꞉ken tsi ahontsahathonhake tánon né꞉ne skariwa tsi iahisewataʼte. Né kwáh tsík nonhwéhsons ne kwahrahkwénhni naskwahsénhnaien, kwáh kíʼ èntke tánon enkwaʼhiatatérisʼthe.

Isaiah 38:3

“Sasehiá꞉ran ó꞉nen Saiá꞉ner, wakonhianiténhten, tsi ní꞉ioht tsi tewakatekhaʼhákwen ne sahénton né꞉ne aóskon tewetákwen tsi kerhiasakwékon í꞉ken, tánon thóh niwatiéren nahó꞉ten ne ioiánere ne sahénton.” Tánon ne Hezekiah otsitówa tsi waʼthaséntʼtho.

Deuteronomy 6:7

Tánon sewatsteniáron ne ietsirihón꞉nien ne ietsihienokónha. Ne sewathará꞉kwak ne sewanonskónhsons ó꞉ni nó꞉nen kák nón꞉we niesewè꞉non, ó꞉ni nó꞉nen sewatorí꞉shen ó꞉ni nó꞉nen sewahiò꞉te.

Joshua 24:15

Tó꞉ka iáh thóh teshá꞉nikonróh꞉ten nahtsiotense, iateshá꞉rihwaientas nón꞉wa wenhniserá꞉te ónhka enshé꞉hiotenhse, ne kahiá꞉tonhnisonhas ne shá꞉sotʼtserahokonkenʼen rathisennahienskwe ne Mesopotamia tó꞉ka ó꞉ni ne rahothihiatonnis ne Amorʼró꞉nons, tsi róh꞉nonha rahononhontsake nón꞉wa non nishé꞉nahkere. Ók ki ní꞉i tánon nakwahtsire, Roiá꞉ner ki enshá꞉kwahiotenhse.”

1 Samuel 22:14

Eʼthó꞉ne kiʼ ne Ahimelech watorihwaʼserákwahse ne ronnontí꞉io, “Ónh꞉ka ne ratiʼkwé꞉kon tsi nihá꞉ti shonkwétaien thóh nahorihwatokénhake tsi ní꞉ioht ne Táwit? Raónha ne ronnontí꞉io rawenónhsa í꞉ken, tánon iostó꞉reh tsi watatkarahténi ne ne ahaterihwaténtiaʼte taiaién꞉hase, tánon tsi nihonwakweniénsta ne sanónskon.