Psalms 100:3 - Ohiatonhseratokénti

³ Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 100:3 Iomraidhean Croise

2 Kings 19:19

Ó꞉nen kíʼ, Saiá꞉ner nonhkwah Ní꞉io, saskwahniá꞉kent tsi nòkwah ne Assyriaró꞉nons, né ká꞉ti niakahontsakwékons kwáh ahiakoterientátraʼne nètho tsi í꞉sek khók, O Saiá꞉ner, tsi Sewenhní꞉io í꞉ken.”

1 Chronicles 16:14

Roiá꞉ner seh nonʼkwahʼNí꞉io í꞉ken; né raorihwaʼtát꞉tsheras ohontsaʼkwé꞉kon nón꞉we nikáien.

Job Tánon ne Raoronhiakensera 10:3

Kwáh ken ioiánere ní꞉se naseiateniakátstaʼtse, tánon naskénron nahohiothénhsera ne shatsánakes tánon tatswáthete ne raotiiothénhseras ne ronhnonkweʼtahétkens?

Psalms 119:73

Satshanáke watsiatíshon tánon watiatasherónhni; tewakáwis nahonkenikonraiéntaʼne ne nahónton akewehientétaʼne ne satsiawenhráhseras.

Psalms 12:4

Ronton, “Né nonkwenhnáson ionkwatsteniáron; í꞉ih onkwáwenh né tsitewashakáronte—ónka ahionkhiʼiatakwení꞉ioke?”

Psalms 149:2

Ánion Israerʼró꞉nons ronatʼtsenhnonhníhak rahonháke ne sakohiatíson; ánion nakohiohokónhas ne Zion ronatonnárat rahonháke ne sakononhtí꞉io í꞉ken.

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Psalms 78:52

Eʼthóhʼne ó꞉nen sahsakohéntense ne rahonkwetaʼshónhas tsi ní꞉ioht ne teiotinakaronhtónha sakónonʼne, tánon waʼsakonatón꞉hase tsi nieʼiawénon ne iahonwentsiatʼténhake.

Psalms 79:13

Eʼthóhʼne í꞉i ne iatiónkwe, kwáh né꞉ne teiotinakaronhtónha ne sahentáke kónhnes, kwáh tsi nénhwe tsi enkwahiatanerákwaʼte; kwáh tenhiakwatereseranétaron tsi entsakwatroríheke ne sanonhweratónhtshera.

Psalms 95:3

Asèken ne Roiá꞉ner tsi roshaststenhserowaʼkenkówa Rawenni꞉io í꞉ken, tánon rosasthenserowaʼnenhkówa tsi ronhnontí꞉io í꞉ken tsi nitesakoniaʼrotáron ne ronatsákes nʼiohokónhas.

Exodus 6:7

Entsiónhnien í꞉se ne kwáh akonhkweʼtashón꞉ha enkénhake, tánon Í꞉i ne sewahʼNí꞉io enkénhake. Kwáh ensewateriéntarahʼne tsi Í꞉i ne Watiá꞉ner ne sewaʼNí꞉io ó꞉nen enskaniakènthonʼke tsi niʼhietsinaskonhnisʼkwe ne Egypt nónwe.

Ecclesiastes 12:1

Káti tsi sehwehiá꞉rak ne tsi nikáien tsi sehwahiathíson tsík sénhak shé꞉kon kén nitisewahiónha, nohénton tíken ionikonhráksat wenhnisehrathénions ó꞉ni iosehrahthénions nahónwe nónenh henshí꞉ron, “Iáh teskatenikonhró꞉ris tsi kónhnhe.”

Isaiah 63:11

Eʼthóhne sahonhnehiáraʼne né tsi niʼtewenhniseraʼté꞉nionskwe né wahónhnise tkènhne, né꞉ne Mahís raonhá꞉tshera. Kaʼniehawénon tsi niká꞉ien né shesakosʼkókwen né kaniatarakheʼkówahne ratiʼkwekónkwe ne sakotiʼnikonhráraʼkwe né raoʼtiókwah? Kaniehawénon tsi niká꞉ien né rothen rononháke né raoʼnikonratokentítshera,

Isaiah 63:19

Kwáh thóh niʼiakwahiatóthenhne tsi ní꞉ioht ne ronónha né iáh theteseniarotáronhne, kwáh né꞉ne tsi nihá꞉ti né iáh né tehonwatinatónhkwen ne shasénhna.

Isaiah 64:7

Kwáh káti iáh ónka tseienátons ne shasénhna, khés nahionteniénten naieshatiénawasʼte; asèken ní꞉se thakwatʼkonshasehténhni, tánon thóh waskwát꞉kaʼwe notshanàkes nonkwahrihwaneraháktshera.

Jeremiah 10:10

Ók í꞉se, Saiá꞉ner, ne kwáh oriwiʼiohónwe Ní꞉io, Í꞉se ne shonnhehónwe Ní꞉io tánon tsi nénhwe Sanontí꞉io. Nónen shaʼnakwénʼen, ne tsi ionwenhtsiáte tenhiowísonʼkwe; nonkweshón꞉a iáh tahiekwéni nahiontahkátsthaʼte ne sahnahkwáhtshera. (

Ezekiel 34:11

“Í꞉i, ne Wakenonhtí꞉io Watiá꞉ner, kwahró꞉ris tsi iatenwahtsiátisthe ensekʼkhehiathisáhke nakhitshénen tánon enkhehiatenhnikonhráhren

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Ephesians 2:10

Rawení꞉io thesonkwáwi tsi nitionʼnhóten, tsi tehionkwateriwasóntere ne Kerístos Ié꞉sos neh akarihónʼni iohiánere tsi naietʼthiʼhiatiérase nonkwesónha kwáh tsi nitiónʼnhes, neh káti ónenk ehnihowathákwen neh nahitewáiere.

Deuteronomy 32:15

“Ne Roiá꞉ner rahonkweʼtashón꞉as wahothikwahtséne, ók wahonwatewéntete; kwáh í꞉ken tsi wahonré꞉senh tánon wé꞉so rothikhwá꞉ien. Wahonwatewénthete ne Rawenni꞉io ne shakohiathí꞉son tánon wahonwakénron ne roshatstenhserowá꞉nen shakhoniakéntha.

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.

Deuteronomy 4:35

Ne Roiá꞉ner tsi sewanathón꞉ni kí꞉ken, natsisewariwaní꞉raʼtse tsi raonhatsíwak ne Ní꞉io í꞉ken tánon kwáh iáh ónhka nakò꞉ren akénhake.

Deuteronomy 4:39

Ká꞉ti sewehiárak nón꞉wa wenhniserá꞉te tánon tó꞉sa nonhwénton sasewaʼnikónhren: Ne Roiá꞉ner tsi Rawenni꞉io ne karonhià꞉ke ó꞉ni nonhwenhtsà꞉ke. Iáh nó꞉iah teká꞉ien ne ní꞉io.

Deuteronomy 7:9

Sewehiá꞉rak né꞉tho Roiá꞉ner sewaNí꞉io tsi rahonhatsí꞉wak kók ne Ní꞉io tánon tsi roriwató꞉ken. Enhateweiénton ne raohianerénhsera tánon enrè꞉neste ne ioriwató꞉ken raonoronhkwátshera ne tewenhniaweheʼtseráhsen natewaterehsehránes ne tsi niʼiá꞉kon ronhwanorónhkwa tánon iontewenhnaráhkwa ne raoriwaʼtá꞉tsheras,

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

1 Tiér 4:19

Nekáti, tsi niháti ne rotironhiáken neh tsi Rawenni꞉io thóh nisakoriwisenʼénni, iehontasónteren ne rohtihióten ne tkariwaiéri iehiokontakwénhak ronwaniahesénhak ne Sakohiatíson, rahónha tiotkonhónwe rariwaiérits tsi nihorahrátston.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.