Psalms 100:2 - Ohiatonhseratokénti

² Ahtonhnaratserákon tsisewaʼsénnaien ne Roiá꞉ner; tesewaʼrihwahkwenhátiek ne natʼtsenhnonhniátsera tsi raohénton nienhésewe.

Psalms 100:2 Iomraidhean Croise

1 Kings 8:66

Né satekonháton siwenhniserakéhaton ne Solomon shasakotékwahte nonhkweshón꞉as nahonsahonthénhti. Kwáh kíʼ ratikwékon tsi wathonwarénhsaron tánon shonatsenhnonhnihátse tsi sahonthénhti tsioríhwa akwékon ne Roiá꞉ner rahohiathateríhtseras thó꞉wi ne rahonhátsera Táwit ó꞉ni nonhkweshón꞉a Nisraerʼró꞉nonhke.

2 Chronicles 29:30

Né ronnontí꞉io tánon ne sakotihéntenhse nonhkweʼshón꞉as wahonwatiró꞉ri ne Leviró꞉nons tahonwarihwákwahse ne Roiá꞉ner né karenhnasónhas ne tehiontenonwerathonthákwas né tsi nihorenhnarasthánions ne Táwit ó꞉ni ne Asaph ne rotokenhséhaʼkwe. Ká꞉ti onhkweʼtaʼkwé꞉kon watieríhwakwe né kowánen atonhnaráhtshera tsi nathontentʼtsóten tánon wahonwasénhnaien ne Rawenni꞉io.

2 Chronicles 31:2

Né Ronnonhtí꞉io Hezekiah shaʼsakotiokwahseronniánion ne ratitsihénstatsis ó꞉ni ne Leviró꞉nons, né꞉ne satihiatátʼtions katokénston tsi nenhotihiotenhseroténhake. Thóh í꞉kare nahonhtsaháthake ne tkaiesthánions ó꞉ni ne sakaríhwa í꞉ken tsi tkaiesthánions, nahonhterihwatsʼtérisʼte Nononsatokentiʼkówaʼne ahonterénhnaien, tánon tsi naʼtehonhtenonhweratónhnions ó꞉ni tehontenonhwerátons tsikʼnonwésons nihionatʼthéhions nononsatokentiʼkówaʼne.

Psalms 42:4

Tewaʼkerhiaskáriaks nó꞉nen enskatatehiaráhkwen, tsi nitsiotohesthánion, nes nó꞉nen eniakwahteró꞉sen nonkweshónhas tsi niahionkwanénhrihne, tánon enkhehéntenhse tsi nienhiákwe ne raononsatokentíke ne Rawenni꞉io ne Jerusalemke, atonhnaráhtshera hiotsarokwenhátsie, tehiakorihwahkwenhátsie, tánon tehiakohenré꞉tane tehonwanonwerónhnionhs Rawenni꞉io.

Psalms 71:23

Né tsi kónnhe kwáh tewatkénhrete natsenhnonniátshera nó꞉nen thenkonrihwá꞉kwahse; tioríhwa tsi í꞉se sestsiatákwen.

Psalms 95:2

Ánion ietewaʼtáweiat Nonʼnonsatokentiʼkówaʼne tánon tsitewaʼsénhnaien; tánon ne tethewaʼríwak natsenhnonniátsheras karenhnasónhas ne tehiotenonweratónhtha.

Deuteronomy 12:12

Sewatsenhnonhníhak thóh rahohénton, skátke ne ietsihiohokónhas, sewanátsheras, tánon ne Levites nahatihiaʼtó꞉tens ne thóh sewanatá꞉kon ratinákere; sewehiárak né꞉tho Levites tsi iáh othé꞉nen tahononhontsaiéntaʼne nahonawenhkón꞉weke.

Deuteronomy 16:11

Sewatonhnarón꞉nion tsi nón꞉we nihénteron ne Roiá꞉ner, skátke ne ietsihienʼokónha, sewanatsheraó꞉kons, tánon ne levites, thihononhontsá꞉tes, tehionthonhnakárias, tánon ne ionateréhons ne sewaná꞉takons konhtiʼteróntons. Tsi ionhterenhnaientákhwa kí꞉ken thóh naʼsewá꞉ier.

Deuteronomy 16:14

Sewaʼtsenhnónhniat skátke ne ieʼtsihienʼokón꞉a, ne sewanatsheraó꞉kons, tánon ne Levites, ne thihononhontsá꞉tes, ne tehontonhnaká꞉ris, tánon ne ionateréhons ne sewaná꞉takons konhtiʼterónton.

Deuteronomy 28:47

Ne Roiá꞉ner kwáh iahiatateríston ne tsík nahontahiotsheratónhake, ók iáh ki tetsioténhse nahisaʼtshenhnonhní꞉hake ó꞉ni nahiotonhnárake ne serhiáne.

Philippians 4:4

Aiáwens tiótkonhte ahisewathonnárake ne tsi Roiá꞉ner tesewahtheriwahsóntere. Shé꞉kon ne enskhíron: sewatonnárak.