Numbers 8:12 - Ohiatonhseratokénti

¹² Ne Levites ethòne ónenh ninonʼtsíne ne tenihiáse tè꞉ro tenhonwanaʼnisnónhsaren; ne saiáta tsi ienhonwát꞉kaʼwe né꞉ne karihwáneren aorihwáke tánon nó꞉ia né nènhne nahonwateskónhten, né nahónton nahonterihwaténtiaʼte ne tsionthonʼnonhnakanonhnitákwah ne Levites rahotirihwáke.

Numbers 8:12 Iomraidhean Croise

Exodus 29:10

“Taʼtsaténhaf ne tsonónhskwahron rátsinn ohénton natohsehrákon tsi nónhwe niʼkíteron tánon sehró꞉ri ne Aaron tánon ne sakohiohʼokónhas tehonnisnónhsaren rahnonhtsíne.

Leviticus 1:4

Ónenk tsi ranonhtsíne tentsiaʼnisnonʼsháren, tánon káti kwáh enhonhwaiéna nahonwateskónhten né nahonsakarakéwenhke ne sarihwaneraháktsheras.

Leviticus 14:22

Tánon onenhk tsi tek atsitenhseráke khés ne tekenihiáse oríhte enhteshehiaténhawe, nénska né꞉ne karihwáneren aorihwáke tánon nóia né nènhne ne watéskonhte aorihwáke.

Leviticus 16:11

Nónen ne Aaron enhoteskónhten ne tèro né꞉ne rahónʼa tánon ne rahowátsire rahotirihwanerahákʼtshera aorihwáke,

Leviticus 16:21

Ónenk tsi tetsáron ne ratshaná꞉ke tsi tenhotshaʼnáren ranonhtsíne ne kaiatákeras tánon enharihwaníraʼte akwékon ne karihwahétkens, karihwánerens, tánon tsi iáh tehontewenhnarákwa nonhkweshón꞉as Nisraerʼró꞉nonhke, káti thoʼnòkwah ienhá꞉ren rannonhtsíne ne kaiatákeras. Ethóhʼne kíʼ ne ónhkak enhionthatiataráko ne kaiatákeras ienhonwasárihne iahonwenhtsiátʼthenke niénhre.

Leviticus 16:6

Ónenk tsi né ienhót꞉kaʼwe ne tèro nahonwatéskonhthe né nahèren ahonsakahawíthonke ne rahónʼa rahorihwanerahák꞉tsheras tánon ne rahowátsire.

Leviticus 4:15

ne shakotihéntense nonhkweshón꞉as tenhonwaniʼsnonhsáren ranonhtsíne, tánon thóh enhonwanonhwariákon.

Leviticus 4:20

Kwáh kíʼ thóh nenhoiéraʼse kí꞉ken tsionónskwahron rátsinn tsi kíʼ nhishaʼkoiéraʼse ne tsionónskwahron ratítsinn tsi nòkwah ne karihwáneren ahorihwáke, tánon thóh kíʼ nʼi꞉ioht tsi enhateskónhten tsi nókwah nonhkweshón꞉as akorihwanerahákʼtsheras, tánon enshonwatiʼnikónhrenhse.

Leviticus 4:35

Ethòne akwékon enharónhko ne iorèsenhs, kwáh kíʼ tsi kíʼ karakèwen ne iorèsenhs tsi nikonhwanonhwarhiákon ne teiotinakaronhtónʼa né꞉ne sakaríhwa aorihwáke, tánon ietsienharákwahke enhátʼtsahate skátke ne ká꞉khwas ne iewatkáwen né thonwáwi ne Roiá꞉ner. Thóh kíʼ ní꞉ioht ne ratsihénsthatsi tsi ienháthate ne karihwiʼiosehokónhas né꞉ne sewarihwanerahák꞉tsheras aorihwáke, tánon kíʼ kwáh entsiʼtsinikónhrenhse.

Leviticus 4:4

Ónenk tsi ienhohiaténhaʼwe ne tsionónhskwahron rátsinn ne tsi iehiontawehiatákwah natóhsehra, ranonhtsíne tenhonisnonhsáren, tánon enhononhwariákon rahohénton ne Roiá꞉ner.

Leviticus 5:7

Tó꞉ka iáh taskarakwéni ne teiotinakaronhtónʼa tó꞉ka ó꞉ni ne kahiatákeras, ónenk tsi entetsawíten ne Roiá꞉ner naskárhiakʼthe ne sarihwanerahák꞉tshera tekatsiʼtenhseráke tó꞉ka ó꞉ni tekenihiáse oríte, nénska né꞉ne karihwáneren tánon nó꞉ia né꞉ne watéskonʼte aorihwáke.

Leviticus 8:14

Ethòne ne Mahís tahohiaténhaʼwe ne tsionónskwahron rátsinn owíra né꞉ne kariwáneren aorihwáke, tánon ne Aaron ó꞉ni ne sakohiohokónhas ranonhtsíne wathonwanisnonhsáren.

Leviticus 8:15

Ne Mahís wahononwarhiákon tánon ostónha iaháhaʼwe nonekwénhsa, tánon rasnonsáke wárasʼthe tsi wahanekwenhsarósehron ne tsi ioshón꞉tons ne tsi tekahiosakérons ne ientsienharákwahke, né nahónton naʼkonwatonhnahéraʼse. Ethòne tsitkáraʼte ne ietsienharákwa iahá꞉weron ne iotenekwenhshathaténron, Thóh kíʼ ní꞉ioht tsi wahatonhnahéraʼse tánon tsi wahanohárethe.

Leviticus 8:18

Ethòne ne Mahís iahohiaténhaʼwe ne teiotinakaronhtónha rátsinn né nahoteskónhten, tánon ne Aaron ó꞉ni ne shaʼkohiohokónhas wathonwanisnónh꞉saren ranonhtsí꞉ne.

Leviticus 8:34

Ne Roiá꞉ner sonhkwaríhonte tsi ne tewátiere nónhwa wenhniserátekwe, ne nahónton é꞉ren ahonsakahawítonhke ne sewarihwaneraháktshera.

Leviticus 9:7

Ethóhʼne ónen Aaron nónhwa sahawénhaʼse, “Wáhs tsi ietsienharákwahke niáhaʼse tánon né saterihwaténtʼtsiat ne karihwáneren aoriwáke asatʼtsiaháthaʼkwe tánon ne watéskonhte aorihwáke né nènhne éhren ahonsakaháwiʼte ne sarihwanerahákʼtsheras ó꞉ni nonhkweshón꞉as akorihwanerahák꞉tsheras. Saterihwaténtʼtsiat kí꞉ken nikarihó꞉tens né nahéren ahonsakaháwiʼte nonhkweshón꞉as akorihwanerahák꞉tsheras, kwáh kíʼ tsi nihorihwíson ne Roiá꞉ner.”

Numbers 6:14

tánon Roiá꞉ner entétsion áhsen niháti kaʼtshénens né꞉ne kwáh iáh othenènen tehotiʼtsiʼióthare: ne nènska tehahosehrihiákon teiotinakaronhtónʼa né nahonwateskónhten, énska tehiahosehriʼhiákon teiotinakaronhtónʼa né꞉ne kariwáneren aorihwáke, tánon ne teiotinakaronhtónʼa rátsinn.

Numbers 6:16

Ne ratsihénstatsi akwékon kí꞉ken ienhátate rahohénton ne Roiá꞉ner tánon né ienhát꞉kawe ne karihwáneren aorihwáke tánon nahonteskónhtake aorihwáke.

Numbers 8:13

“Sehiatatérist ne Levites tsi ní꞉ioht ne kaʼtokénston athatawísthshera nakonháke, tánon Aaron tánon ne sakohiohʼokónhas né sehrihónten nahonwanatenhnikónhraren.

Numbers 8:8

Ethòne nithohiónha tèro iehonwahiaténhaf tánon tsi níkonh waterihwanónhtons nonátsia kaʼtheseronhniáton né꞉ne iakeniewátha kènhie tekaiéston; tánon shé꞉kon ó꞉ia té꞉ro hionsatʼtshiaténhaf né nènhne ne karihwáneren aorihwáke.

Hebrews 9:22

Kwáh orihwiioʼón꞉we, tsi nikéntons ne kaianerénsera kwáh thóhʼwah akwékon onekwénsa skanóhares, tánon ne karihwáhneren tóh꞉nek enskanikonrén꞉en tsík onekwénsa entewahwéronke.