Numbers 6:2 - Ohiatonhseratokénti

² nahonthaʼshakáwen ne karihonhniennítsheras nonhkweshón꞉ʼas NÍsraerʼró꞉nonhke. Ónhka tsi nítsion, roskenrakète khès ne tsakothonwísen, né kwáh íken tsi wahonráratsʼte nazirite ahiónhton tánon ák꞉te nahontaʼtónhni roʼnonhá꞉ahk khók akénhake rahoʼhénton ne Roiá꞉ner,

Numbers 6:2 Iomraidhean Croise

Exodus 33:16

Ónh ní꞉ioht tsi ahiakoteriéntarahne tsi serientí꞉ios tsi nókwah kí꞉ken onhkweshón꞉ʼa ó꞉ni ní꞉i tó꞉ka iáh tahítewe? Tsi skátke entewésehke né ienhionkiʼienterésthakwe nó꞉ia nihionkwetó꞉tens ne tsi ionwenhtsiáte.”

Proverbs 18:1

Nón꞉kwe ne iáh tehontén꞉ros nakohrèn꞉shon rononhá꞉ʼa khók rontaté꞉iahre; akwé꞉kon ratirihwáiaʼks tsi nahò꞉ten akohrèn꞉shon ronaterién꞉tare nahò꞉ten tkariwaié꞉ri.

Jeremiah 35:6

Ók wahthathiriwahseráhko, “Iáh tehiakwahnekírah notsítsa. Ne sahkwahsothʼkénʼen Jonadab ne roʼníha ne ne Rechab sonkwahró꞉ri nonhkwáhtiakes tó꞉ka ó꞉ni ne iakiʼienhokónhas kwáh tó꞉sa nonhwénhton ahiakwahnekírah notsítsa.

Leviticus 20:26

Ónenk tsi ensewahiathaʼtokenhtíke tánon Í꞉i khók akonhkwéta enhkénhake, tsioríhwa tsi Í꞉i ne Watiá꞉ner tánon watiathatokénti. Kwáh ákte nikwénhteron tsi nòkwah nakorénhson nonhkweshón꞉as ne káti né kwáh akonhatsíwa níse akonhkwéta akénhake.

Leviticus 27:2

ne tehioterihwasónhteres kaianerénhseras né꞉ne nonhkweshón꞉as Israerʼró꞉nonhke akorihwáke. Nó꞉nen nónhkak tsi nítsion né thènen ietsiríhonte rahohénton ne Roiá꞉ner né nakaná꞉nonhke ne katokénston wararáts꞉ton, enwáton nètho ónhkwe nahonshahionhthatewenhní꞉ioʼne né nowísta akakariáktonhke,

Numbers 30:3

Nó꞉nen ne kén nitsiohiónha shé꞉kon roʼní꞉ha rahonónskon kénteron honráratsʼte ne thènen ahontahá꞉wenh ne Roiá꞉ner khès honráratsʼte ne thènen ahonteweiénton,

Numbers 6:1

Ne Roiá꞉ner wahorihónhten ne Mahís

Luke 1:15

Aseken henhaiatanoronke rahohenton ne Roianer, nok iah thahanekirhake notsitsia iah oni nʼiako-nonȣaratonta; nok tsi enthatiatata ne ronistenha Kaiatakon entnikȣekhene ne Rotkon Roiatatokenti,

Acts 18:18

Kór sékon karíhwes thóh nónwe ne Corinth senteróntahkwe rathikweʼkón꞉ne ne thoʼnetáhkwens, ehʼthóhʼne sahsakotewéntethe tánon wahatʼtsiróten tsi watahiáʼiake tsi Syria niaháre wahónne ne Priscilla ó꞉ni ne Aquila. Nohénton nahatʼtsiróten nahontahaténti ne Cenchreae onahónstha wahonniónni tsi wahonwanónkare tsioríhwa tsi nihorahráston rahonháke ne Rawenni꞉io.

Romans 1:1

Kór kih non nitsiawénon, rannhátsera, tsi ronwahiatarákwen neh꞉ne ahosenʼnénhawe ne Kerístos Ié꞉sos tánon Rawenni꞉io rohiotenseráwi nahoteriwahnhóthase ne karihwí꞉ios.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Galatians 1:15

Nók ne rahotenretserákon ne Rawenni꞉io ratiatarákwen nohénton sakennákerate tánon wahakénhane nahihiótense. Tánon neh siatoriwaiéntase

Hebrews 7:27

Kwáh iáh thènen tateshontiérens nakorénsons ratiʼtsihénstatsis; iáh thaʼtehotonwenhtió꞉ni nahatienkwahrónniate niaʼtewenhniseráke ne raoriwahneraháktshera ahontakahénte thóh ne nakorénshons akorihwahneraháktsheras. Énskak khók iehotkháwenh ne karonhiakénsera, kwáh énskak khók ieiohterátston, né nónen rahónha wahatatewénhthete.

Judges 13:14

Iáh thahónton ne thènen áhieke ne watenenharíhsehres; iáh thaónton nahienekíra nonenharatasehontserákeri khés ne ionekaníron khés né thènen áhieke ke kariwáston kák꞉khwa. Ónenk tsi kwáh éhtho nenhiéhiere tsi ki nakheró꞉ri.”

Judges 13:4

Kwáh orihwí꞉io shónhni tó꞉sa snekíra ne onenharatasehontserákeri khés ne hionekaníron, khés nasèhke ne kákʼkhwa ne kariwáston naiéke;

Judges 13:5

tánon nó꞉nen enhawenhnakeráton ne entsiénha, kwáh tó꞉sa nonhwénhton tienonhkár, tsioríwa kwáh tsitnenhthanákerenhne tsi enhonwahiathatérisʼte rahonháke ne Ní꞉io tsi nazirite nahahiathó꞉ten. Enhthatáshawenh nahohióten nahonshasakoniákenhte nʼIsraerʼró꞉nons tsi nòkwah ne Philistiaró꞉nons.”

Judges 16:17

káti ehʼiakanihiónhthe waharó꞉ri norihwí꞉io. “Iáh nonhwénhton tehionhkenónhkaron,” wahénron. “Hionkathonnaráhni rahohénton ne Rawenni꞉io tsi nazirite natiathó꞉ten né꞉ne kwáh shonthakenákeraʼte. Tó꞉ka ahionkenónhkaron, enwakáti kíʼ nakeshastsʼténhsera tánon thóh nenhwaktsihióhake tsi ki ní꞉ioht nakorénhson.”

1 Samuel 1:28

Káti wahiwenhní꞉ioste ne raksaha raonháke ne Roiá꞉ner, kwáh tsi nenronhnesonke ne raksaha.” Tánon wahonwasénhnaien ne Roiá꞉ner neh nón꞉we.