Numbers 6:14 - Ohiatonhseratokénti

¹⁴ tánon Roiá꞉ner entétsion áhsen niháti kaʼtshénens né꞉ne kwáh iáh othenènen tehotiʼtsiʼióthare: ne nènska tehahosehrihiákon teiotinakaronhtónʼa né nahonwateskónhten, énska tehiahosehriʼhiákon teiotinakaronhtónʼa né꞉ne kariwáneren aorihwáke, tánon ne teiotinakaronhtónʼa rátsinn.

Numbers 6:14 Iomraidhean Croise

1 Chronicles 15:26

Tsáta niháti tsionónskwahrons ratítsinn wahonwanaʼteskónhten tánon tsáta nihá꞉ti teiotinakaronhtón꞉a, né norihwí꞉io ahónton nètho Rawenni꞉io tsi kwáh seh enshaʼkoiénawaʼse ne Leviró꞉nons tsi nihá꞉ti ne Ratinorokwenháwi Naʼterihwaseronniátshera í꞉wa.

Psalms 66:15

Kwáh né enkontátʼtse ne khehiatéskonte ne ronaréhsenhs, tánon ne tsi nenhkaienkwahró꞉ten ne teiotinakaronhtónha ratítsinn í꞉sehke nienhénwe; kwáh né entʼtiéste ne tionhnónskwahron ratítsinn tánon ne kaiatákeras. Selah

Leviticus 14:10

Né shatekónhaton niwenhniserakéhaton ónenk tsi tenihiáse enteshehiaténhaʼwe ne teiotinakaronhtónha tenítsinn owíra tánon skaiáta teiotinakaronhtónha ohné꞉tsien owíra ne nénska tehonoserihiákon né꞉ne kwáh iáh othènen tehotitsihiótare, wísk niʼkakonhtseráke othésehra né꞉ne iakeniewátha kénhie tekaiéston, tánon satekatshetíhen ne iakeniewátha kénhie.

Leviticus 3:6

Tó꞉ka teiotinakaronhtónʼa tó꞉ka ó꞉ni kahiatákeras wátston né tsi iewátʼkawen ne sakaríhwa í꞉ken, ahónton ne rátsinn tó꞉ka ó꞉ni onétsien akénhake, ók ónenk kíʼ tsi kwáh iáh othènen tahotitsiʼióhake.

Leviticus 4:27

Tó꞉ka ónhkak tsi nítsion ensewarihwánerake tánon ensewánike ne tsi tesewahiákon ne Roiá꞉ner rahorihwatátʼtsheras né꞉ne iáh tesewanikonhrón꞉ni,

Leviticus 4:32

Tó꞉ka teiotinakaronhtónʼa enteshiaténhaʼwe ne iahontkáwen né꞉ne karihwáneren aorihwáke, ónenk tsi oné꞉tsien enkénhake né꞉ne kwáh iáh othènen tehiotsihiótare.

Numbers 15:27

Tó꞉ka ónhka tsi nítsion iáh tesehwanikonhrónhni tsi wesewarihwánerake, ónenk kíʼ tsi né nénska teiahosehrihiákon kaiatákeras ienhsewát꞉kaʼwe né꞉ne kariwáneren aorihwáke.

1 Tiér 1:19

neʼne iokaratʼtsáni roronhiakénton ne Kerístos, kwáh neh teskaieróntarakwe ne teotinakarontóna owíra kwáh iáh thènen tehoníkon iáh ó꞉ni thèʼnen tatehotherientawénrieh.