Numbers 5:2 - Ohiatonhseratokénti

² “Sehró꞉ri nonhkweshón꞉ʼas NÍsraerʼró꞉nonke nahionhtaʼtsiatí꞉nekenhwe ne tsi watená꞉taien onhkweʼtakwékon ne iotennrákteron nakonhéhonkne hiakónh꞉rare—tánon onhkweʼtakwékon nónhka ne iáh tehiakotʼkwéniens né꞉ne iehiakoiénen naʼwenhehiónhta.

Numbers 5:2 Iomraidhean Croise

2 Kings 7:3

Kaiéri nihá꞉ti né rotironiakénthakwe tsi rotisthá꞉wiskwe thóh nón꞉we niʼónhneskwe ástste nòkwati tsi iotenhenrakáronte ne Samaria, tánon waʼthontaténhase, “Nontséren tsi kénʼen aitewateráʼrahte tsi nió꞉re ientewénheʼie?

Leviticus 13:45

Tó꞉kaʼ né sannhrá꞉re ne iotennhrát꞉theron ne sané꞉honkʼne, ónenk tsi né ensatʼtserónhniaʼte ne ioteratiónhkwen, tó꞉sa ensatkorót꞉thiʼwe, shaʼteskonhsí꞉hen seró꞉rok, tánon teshahénret, “Iáh tewakatʼkwéniens, Iáh tewakatʼkwéniens!”

Leviticus 13:46

Ienhionkonhthákwen tsi iáh thahisatʼkweniensthónhake tsi nikaríhwes sannhrá꞉re, tánon tó꞉sa ienshiá꞉kenhne tsi nónhwe niwatená꞉thaien, é꞉ren íset tsi rónhnes nakorénhsons.

Leviticus 13:8

Ne ratsihénsthatsi shé꞉kon kíʼ enshiát꞉kenʼse, tánon tó꞉ka tehiorénion, enhiaró꞉ri kíʼ tsi iáh tesatkwéniens; kwáh kíʼ iotennhrát꞉theron sanhrá꞉re né꞉ne kanéhonk kanratariné꞉tsera.

Leviticus 14:8

Ónenk tsi enshesenóhare ne satsherónhniat, akwékon enshathateʼnónhkare, tánon enshá꞉thawen; ethóhʼne káti kwáh tsi shiʼhiorihwakáhion tsi satkwénienskwe. Ethóhʼne enwáton niaʼhonshaʼsenatáraʼne, ók ónenk tsi tsáta nónhta ástste ne tsi shaʼthatósehrothe enshé꞉sehke.

Leviticus 21:1

Ne Roiá꞉ner wahorihónten ne Mahís nashakoró꞉ri ne Aaronite ratiʼtsihénstatsis, “Tó꞉sa ónhka ne ratsiʼhénstatsi ne tahathaʼtsiatátionsʼte nahateriwaténhtsiaʼte nashakohiatháta ne ronhthátenonhkwe,

Leviticus 23:29

Nónhka ne thènenh áieʼke nètho wenhniseráte iáh kíʼ shé꞉kon ne tahonsahiakotenaʼthónkwen Í꞉i akonkwéta íken.

Numbers 12:10

tánon notsíkera èhren sáwehte ne tsi watóhsehrote, ne Miriam ne tsi ioné꞉ware thonhtaiawénhstsi wahostaʼrónhnionhne tánon thóh nakaráhkenʼne tsi ní꞉ioht nóniete. Nó꞉nen ne Aaron sahaʼkenhʼénhion tánon wahatkátho thiʼtsioróhron iotsʼtháwis,

Numbers 12:14

Ne Roiá꞉ner Watharihwasehráko, “Tó꞉ka ne roʼníha kanonsháke iahotiʼtskerónhtionke, ónenk kíʼ tsi tsáta nónhta nikaríhwes enwatʼtháwa nahotehénhsehra. Káti áhtste iekonhwahiatónti tsahiáksehra nikaríhwes, tánon kíʼ ethóne enwáthon ne tahontakonhwahiatínionhte.”

Numbers 31:19

Ónen kíʼ tsi ní꞉tson ne onhkák ietʼtsinonhwariákon khès ne kén iesehwaiéren nohierónhtha ónenk kíʼ tsi áhtste natosehrákon ensewenhterón꞉take né꞉ne tsáta nónhta nikaríhwes.

Numbers 5:1

Ne Roiá꞉ner wahawénhase ne Mahís,